تۇيۇقلار

ZAMRAN

تۇيۇقلار
ۋاھاپ زۇنۇن (زەمران)
سەن تېرىساڭ يىل بويى ئۈنمەس ئۇرۇق،
شۇنچە قۇيساڭ جوغىلۇق پۇتمەس ئۇرۇق.
مىھنىتىڭدىن يا تىكەن يوق، يا كوزا،
شۇ سەۋەپمۇ ؟ قامىتىڭ زەپمۇ ئۇرۇق.
×      ×        ×           
قورۇقما ھەرگىز جەڭ ئۈچۈن گەر چاپسا ئات،
ياۋغا ھەردەم ئەڭ ئەجەللىك ئوقنى ئات.
شۆھىرىتىم مەڭگۇ ئېقىن بولسۇن دىسەڭ،
ئەل ئىچىدە قالدۇرۇپ كەت ياخشى ئات.
×       ×        ×         
چۈچلىنى ئاق كۆرىستىپ پاختىنى قىلساڭ قارا،
شۇ سەۋەپتىن دەيدۇ ئەل ئەقلى يوق كۆڭلى قارا.
ئاق قارا رەڭلەرگە شاھىت بىلمىسەڭ بۇ سىرنى گەر،
كۈن بىرەر توغرا جاۋاپنى كۆز ئىچىپ نۇرغا قارا.
×       ×     ×
مىللىتىڭگە خاس غورۇر يۈرىگىڭدە تۇرسا ساپ،
نە ئۈچۈن دەيدۇ بوۋاڭ تۇگمەڭنى ئەت يېڭەڭنى ساپ.
ئەجداتلىرىڭ ئەنئەنىسىنى بۇزماق بولۇپ يۈرسەڭ ئەگەر،
ئۆتىدۇ خەلقىم سىنى قىلماي پۇچۇق كەتمەنگە ساپ.
×          ×       ×               
چىقىپ ئۆگزەڭگە تىللايسەن مۇشۇگىڭنى دىسەم گەر پەش،
مىنى كۆرگەنگە ماختايسەن سىلىپ بەرسەم سۆڭەكسىز پەش.
بالامنىڭ قولىدا بىر كۈن كۆرۇپ قالساڭ پۇچۇق سامسا،
خۇلۇم - خوشنا ئاراسىغا قويۇق قويدۇڭ شۇئان بىر پەش.

2012-يىلى 9- ئاينىڭ 10كۈنى

点击进入下载－تۇيۇقلار.docx

نونى

داۋاملىق ئىلگىرىلىشىڭگە تىلەكداشمەن!.  ئىملاغا دىققەت قىلارسەن.....
ئىملا خاتالىقى بار سۆزلەر:
قورۇقما، شۆھىرىتىم،قويۇق قويدۇڭ.....

alahidin

سەن تېرىساڭ يىل بويى ئۈنمەس ئۇرۇق،
شۇنچە قۇيساڭ جوغىلۇق پۇتمەس ئۇرۇق.
مىھنىتىڭدىن يا تىكەن يوق، يا كوزا،
شۇ سەۋەپمۇ ؟ قامىتىڭ زەپمۇ ئۇرۇق.
بۇ تۇيۇق ئۆلچىمىگە توشماپتۇ،  ۋاھاپ مۇئەللىم! چۈنكى، ئىككىنچى مىسرا ئاخىرىدىكى سۆز«ئۇرۇق»ئەمەس، «ئىۋرىق»بولۇشى، تۆتىنچى مىسرا ئاخىرىدكى سۆز بولسا«ئۇرۇق»ئەمەس، «ئورۇق»بولۇشى كېرەك. رۇشەنكى، «ئۇرۇق، ئىۋرىق، ئورۇق»دېگەن سۆزلەرشەكىلداشلار ياكى ئاھاڭداش سۆزلەر ئەمەس!

زەپەر

زامران  مۇئەللىم بۇندىن كىيىنمۇ نادىر ئىجادىي يازمىلارنى يېزىشىڭىزغا تىلەكداشمەن . رەخمەت سىزگە . بەك يخشى تىمىلارنى يوللاۋاتىسىز . مۇنبەر نامىدىن كوپ رەخمەت سىزگە
يازمىللىرىڭىدا مەنبەسىنى ئەسكەرتىڭ . بىر ئاز ئادەمنى ئويغا سېلىپ قۇيدىكەن ھە

ZAMRAN

مۇنبەرداشلارنىڭ سەۋەنلىكلىرىمنى كۆرسىتىپ بېرىپ ، يېتەكلەۋاتقانلىقىغا چوڭقۇر مىننەتدارلىقىمنى بىلدۈرىمەن.بۇنىڭدىن كېيىن مەن كەتكۈزۈپ قويغان تەرەپلىرىمنى تۈزىتىۋېلىشقا دىققەت قىلىمەن.مەن يېڭىدىن ئىجادىيەت سېپىگە قەدەم قويغان ھەۋەسكار . ئۇنداق-مۇنداق سەۋەنلىكلەردىن خالى بولۇشۇم تەس. داۋاملىق تەنقىدىي پىكىر بېرىشىڭلارنى ئۈمت قىلىمەن!

كەۋسەر

بۇ خىل شېئىر شەكلىدە داۋاملىق نادىر يازمىلارنى بارلىققا كەلتۈرۈشىڭىزگە تىلەكداشمەن .

umid0998

ياخشى يىزىلغان شىئىرلاركەن. ئالاھىدىن ئۇستاز ئىيتقاندەك بەزى سەۋەنلىكلەرمۇ يوق ئەمەس، مەن ياقتۇردۇم، ھەم ھەمبەھرلىۋالدىم، داۋاملىق تىرىشقايسىز

موللام

ياخشى  يىزىلىپتۇ داۋاملىق  تىرىشىڭ . غەلبە ئالدىڭىزدا .

نۇرانە

مەزمونى ناھايىتى ياخشىكەن مەن بەك ياقتۇردۇم . ئادەم ئانچە مۇنچە سەۋەنلىكلەردىن خالى بولغىلى بولمايدۇ . بۇندىن كېيىن تېخىمۇ تىرىشىڭ، سىزنىڭ بۇنىڭدىنمۇ نادىر تېمىلارنى يېزىشىڭىزغا ئىشىنىمەن رەھمەت .