ئەي بىچارە توكۇر جىن

alahidin

ئەي بىچارە توكۇر جىن


ئالاھىدىن ئابدۇرېشىت


يالغۇز قەبرە-مازارغا، ھەرنە بارغا مەن باراي،
ئەسكى تۈگمەن، ئەسكى تام، ئەسكى يارغا مەن باراي.

باخشى ئېيتۇر ھۆم يارەي، ھۆم يارەيدە جىن بارەي،
جىن بارغىچە، باش ئېلىپ خاكىسارغا مەن باراي.

غېرىپ-غۇرۋا، مەجرۇھقا، يېتىملارغا يولىما،
باغلاپ قىلدا بوينۇمنى بارسام دارغا مەن باراي.

دوڭغاق سۆگەت ئاينىسۇن، يالغۇز دەرەخ كۆكلىسۇن،
ئېگىپ ھەققە بېشىمنى ئىستىغپارغا مەن باراي.

ئەي بىچارە توكۇر جىن، ماڭا تاغدەك ھاپاش بول،
يالماۋۇزلار بېشىنى ئېلىپ غارغا مەن باراي!.....

1986-يىلى، 5-ئاينىڭ 10-كۈنى، ئۈرۈمچى.

saba007

ئوھۇي...  يارايسەن بۇرادەر ، بۇ تىما تېخىمۇ ئۆزگۈچىغۇ. گۇڭگىلاشماقچىمۇ يا؟     بايرىمىڭ مۇبارەك بولسۇن.... ئۆزگىچە تىمىللىرىڭنى كۈندە كۆرۈپ تۇرايلى......

كەۋسەر

يوشۇرۇن بىر مەنالار بارغۇ ؟! قەلىمىڭىزگە ئۇتۇق تىلەيمەن .