قەشقەر

ھوشۇر

ھوشۇر

قەشقەر كۆردۈم سىنى كىچىدە ،
تاكسى چىراق تارتقان يوللاردا.
قىزلار كەپسىز،قىزلار ئۇيقۇسىز،
ئالدانغان- قىز قەلبى دوللاردا.

قەشقەر كۆردۈم سىنى كىچىدە ،
ئەجەپ سالقىن ئەجەپ ئۇيقۇسىز،
يانچۇقلاردىن تومپايغان پۇللار،
چۈشۈپ قالار بەلكىم تۇيۇقسىز.

قەشقەر كۆردۈم سىنى كىچىدە ،
شىنلۇڭ بىڭگۈەن ياكى رەستىدە.
قىزلار گۈزەل شۇ قەدەر بۈگۈن،
تاغ كۆتۈرەر يىگىت بەستىدە.

قەشقەر كۆردۈم سىنى كىچىدە ،
قاۋاق-مىسكىن ،ئاۋات رىستۇران.
جۇشقۇن ئۇسسۇل ئويناپ ئوۋىچى،
قوش يۈرەكنى سەگىتكەن ماكان.

قەشقەر كۆردۈم سىنى كىچىدە ،
پۇلدىن باشقا ھەممىسى يالغان.
ئامراق بىر تەن بىر ۋۇجۇت ئاشىق
مەشۇقىدىن تاقغىنى تانغان!!!

ئەزىزى

تولىمۇ ياخشى يېزىپسىز.

زەپەر

بەك ياخشى يېزىپسىز ھۇشۇر ئەپەندىم . يارايسىز . مەنبەسىنى ئۆز ئىجادىيتىم دەپ ئەسكەرتىڭ ھە .

ھوشۇر

رەھمەت سىلەرگە،مەن 90-يىللاردا بەكلا ياخشى يازاتتىم ،كىيىن تۇرمۇشلۇق بولغاندىن كىيىىن جەمئىيەتنىڭ ئۇنداق -مۇنداق ئىشلىرىغا ئارلاشمىدىم،ھازىر يىشىم 40 قا بىرىپ قالدى،ئەمدى ئويلاپ باقسام شائىرلىق مەندىكى بىر خىل «كىسەل»لىكەن،جەمئىيەتنىڭ قاراڭغۇ يەرلىرىنى كۆرۈپ قالسام دەرھال شام بولۇپ يىنىپ يورۇتۇپ تۇرسام ،باشقىلارنى ئەنە شۇ قاراڭغۇلۇقتا يىقىلىپ چۈشۈشتىن تۇسۇيالىسام دەيمەن.قەشقەر ناملىق بۇ شىئىرىمىنى مەن «ئوسكار»دا ئولتۇرغاندا قەلەمنى يانچۇقۇمدىكى ئاق قەغەزگە قاراڭغۇدا سۈركەپ يىزىپ ئەتىسى رەتلىۋالغان ئىدىم،ئىلھام دىگەن ئەنە شۇنداق ئەسەبىي دولقۇنغا ئوخشايدىكەن.رەھمەت ،سىلەرگە كۆپ رەھمەت ،ئاللاھىم سىلەرنى ساق قىلسۇن.

alahidin

قەشقەر كۆردۈم سىنى كىچىدە ،
شىنلۇڭ بىڭگۈەن ياكى رەستىدە.
ئانا تىلىمىزنىڭ ساپلىقىنى ئىمانىمىزنى قوغدىغاندەك قوغدايلى!

ھوشۇر

رەھمەت.

ياشنار

ياخشى يېزىپسىز دوستۇم داۋاملىق تېرشىىڭ بولسا مائارىپقا ئائىت ماتىريال بولسا كۆپرەك يوللاپ تۇراسىز