كەچۈرگىن يار ( شىئېر)

زەپەر

                                                كەچۈرگىن يار .


(بۇ شىئېرنى بىر يېزىدا ئىشلەيدىغان ئاغىنەم ئەيساجان رەھمىتۇللا يازغان . ئۆز ئىجادىيتى )

كەچۈرگىن يار ئەمدى سېنى سۆيەلمەسمەن،
پەرۋانە بولۇپ ئەتىراپىڭدا يۈرەلمەسمەن.
تەقدىر بىزنى ئايرىدى مەڭگۈگە ئەبەت،
مەشئەل بولۇپ ئوتۇڭدا مەن كۆيەلمەسمەن.

                                                   كەچۈرگىن يار ئەمدى سېنى كۆرەلمەسمەن،
                                                   شوخ ئويناقلاپ يېنىڭغىمۇ بارالماسمەن.
                                                   ئۈزۈلدى رىشتە،قىلغان ۋەدە،توزىدى شۇ گۈل،
                                                   قايتىدىن مەن بەخىتلىك بوپ يارالماسمەن.

كەچۈرگىن يار ۋەسلىڭگە مەن يېتەلمەسمەن،
بىۋاپا دۇنيادىن ئايرىلىپمۇ كېتەلمەسمەن.
تەقدىرگە تەن بەرمەي ئامالىم يوقتۇر،
ئادىمىيلىك غۇرۇرۇمدىن ھەرگىزمۇ كېچەلمەسمەن.

                                                     كەچۈرگىن يا ئەمدى ساڭا قارىماسمەن،
                                                     مۇھاببەتلىك بۇ تۇرمۇشتا ئالدانماسمەن.
                                                    ياشلىقىم بولدىغۇ خانۇ-ۋەيرانە،
                                                     دىدارلىشىپ كۆڭلىڭنىمۇ ئالالماسمەن.

◤pari◥

نە ئۈچۈن كەچۈرۈم سورايسەن جانان،
كاج تەقدىر ۋاقىتلىق ئايرىدى بىزنى.
سۆيگۈمىز ھەقىقى بولسىلا بىركۈن،
تاپىمىز ھىجرانلار قالدۇرغان ئىزنى.

كەچۈرۈم سورىما بولدى بەس ئەمدى،
تەڭرىمۇ گۇۋادۇر پاك سۆيگۈمىزگە.
سېغىنىش ئىلكىدە كۈتەيلى ئەمدى،
بىر كۈنى خوشاللىق يار بولار بىزگە.

(چاقچاق ھە  خاتا چۈشۈنۈپ قالمىغايسىز)

زەپەر

رەخمەت سىزگە  يارايسىز ھە

زەپەر

رەخمەت سىزگە  يارايسىز ھە

قەدىناس

كۆيمىگەنگە كۆيىمەن دەپ يۈرمىگىن،
سۆيمىگەننى سۆيىمەن دە پ يۈرمىگىن.
رەت قىلىنسا سۆيگۈخېتىڭ قىزلاردىن،
خاپا بۇلۇپ قاپىقىڭنى تۈرمىگىن.
( ئەيساجانغا چاخچاق)

ZAMRAN

ھۆرمەتلىك زەپەر مۇئەللىم ،ھەر قېتىم ئەمدى ئىجادىيەت يولۇغا قەدەم قويغان يېڭى بىر ھەۋەسكارغا مەدەت بېرىپ كىلۋاتىسىز مەن بۇ شىئېرلىرىڭىزنى ئۆلگە قىلىپ داۋاملىق تىرشىمەن .سىلگە كۆپتىن-كۆپ رەھمەت!

نونى

زەپەر ئەپەندىم ، مۈمكىن بولسا ئاغىنىڭىز ئەيساجان رەھمىتۇللانىمۇ مۇشۇ مۇنبەرگە ئەزا قىلىۋالغان بولساق ، شائىرلارنىڭ سانى كۆپەيسە مۇنبەرنىڭ رەڭدارلىقى ئاشقان بولاتتى.