بېقىپ

تورچى

تىكىلدى بىر گۈزەل قىزچاق،كۆزۈمگە مەنىلىك بېقىپ،
ۋۇجۇدنى لەرزىگە سالدى يۈرەككە ئوتلارنى يېقىپ.
ئېسىمدىن چىقمىدى شۇندىن،خىياللار ئىلكىگە ئېلىپ،
يۈرەگىمنى ئوۋلاپتۇ تۇيدۇرماستىن قول سېلىپ.
قاراي دەيمەن كۆزىگە مەن ھەردەم غەيرەتكە كېلىپ،
بىراق ئۇچراشسىلا كۆزۈم،قالارمەن جايىمدا داڭ قېتىپ.
كۆزىدىن نۇرلار يانار زۆھرە-چولپاندەك يېنىپ،
يۈرەكسىز مەن قاراي دېسەم،كۆرۈپ قالسا قالار چېنىپ.
يۈرەرمەن يۈرىگىم لەختە،شۇ قىزنىڭ كۆزىدىن قېچىپ،
تەمتىرىتەر مېنى ھەردەم كۆزلىرىدىن نۇرلار چېچىپ.
ئالدىم ئاخىر قەلەمنى مەن شۇ قىزنىڭ ئوتىدا يېنىپ،
بىلىپ باقاي شۇ كۆڭلىنى يۈرەگىم دەردىنى ئېيتىپ.
ئەگەر قالسا ئۇ قىزچاق بۇ كۆڭلۈمنى قوبۇل قىلىپ،
مۇرادىمغا يېتەرمەن،ھەم باسارمەن باغرىمغا قېنىپ.

alahidin

تورچى ئەپەندىم، بۇ ۋەزىنلىك شېئىرمۇ ياكى چاچما شېئىرمۇ؟ ئەگەرۋەزىنلىك شېئىر بولسا قايسى ۋەزىندىكى شېئىر؟ ئۇنىڭدىكى تۇراق، رېتىم ، ئاھاڭدارلىق قېنى؟

ۋارىس

لىكىن شېئىر ھەقىقەتەن ياخشى يېزىلغان شېئىر ئىكەن!

◤pari◥

ياخشى يېزىپسىز يەنىمۇ تىرىشىڭ .ئەمما مەنبەنى چوقۇم ئەسكىرتىشنى ئۇنۇتماڭ ،رەھمە ت

alahidin

شېئىر يېزىش ھەقىقەتەن ئاسان ئىش ئەمەس، بۇنى بىلمىگىدەك ئەمەسمەن. شۇڭا، مۇشۇ مۇنبەرگە شېئىرىي ئەسەرلىرىنى يوللىغان مېھنەتكەش قېرىنداشلىرىمنى ئىلھاملاندۇرۇش، مەدەت بېرىشنى ئۆز بۇرچۇم دەپ قارايمەن. بىراق، باشقىلاردا بولمىغان سۈپەتلەر بىلەن ئۇلارنى قارىسىغا  ماختاشنىڭ ئاچچىق كىنايە-تەنقىدتىن پەرقى يوقمىكىن دەيمەن!

تورچى

مەن بىر ھەۋەسكار،تورداشلارنىڭ ياخشى پىكىرلەرنى بەرگىنىگە كۆپ رەھمەت.مېنى داۋاملىق تەربىيلىشىنى ئۈمۈد قىلىمەن.

سىرداش

ياخشى تېمىكەن .رەھمەت