«پىكىر ساندۇقى»غا

alahidin

«پىكىر ساندۇقى»غا

ئالاھىدىن ئابدۇرېشىت

پىكىرىمىزدىن ئالمىدىڭ ساۋاق، پىكىر ساندۇقى،
قىلار شۇڭا ئەل سېنى مازاق، پىكىر ساندۇقى.

سىېنى دىلدىن قوللايتۇق، پىكىرىمزنى يوللايتتۇق،
لېكىن، بىزنى قىلدىڭ سەن ئاخماق، پىكىر ساندۇقى.

رەڭۋازلارغا دام بولدۇڭ، ساختىلققا نام بولدۇڭ،
پىكىرىمىزگە سالمىدىڭ قۇلاق، پىكىر ساندۇقى.

قۇلۇپلىرىڭ داتلىشىپ، ئاچقۇچلىرىڭ ياتلىشىپ،
چىرىپ كەتىتڭ ئاخىرى بىۋاق، پىكىر ساندۇقى.

تەلپىمىز ئاقىمىدى، تەنقىد ساڭا ياقىمىدى،   
قىلدىڭ پىكىر بەرگەننى سوراق، پىكىر ساندۇقى.

تۇرالمىساڭ ۋەدەڭدە، مۇقامىڭدا-پەدەڭدە،
قاتمامدىمەن مۇشۇنداق قوشاق، پىكىر ساندۇقى؟

ئاتەش

بەك ياخشى يىزىپسىز . ھەر ساھەدىكى ئىدارىلارنىڭ زال ئىشىكى ياكى قورو ئىشىكىگە ئېسىپ قويىلىدىغان كىچىككىنە قۇلۇپى بار ساندۇق كۆز ئالدىمغا كەلدى . ئۇنى ئاچامدۇ ئادەتتە يىلدا بىرەر قېتىم .

ئوتلۇق

ئۇنى ھەريىلى قىشتا باشلىقنىڭ ئىشخانىسىدىكى مەشكە ئوت تۇتاشتۇرغىلى قەغەز تاپالمىغاندا ئاچىدۇ .

bowak

دىلكەش

بەك ياخشى يېزىپسىز .

ZAMRAN

ياشنار

بەك ياخشى يېزىپسىز، تېمىڭىزغا رەھمەت دوستۇم.

ZAMRAN

ناھايىتى ياخشى يېزىلغان شىئېركەن،رەھمەت سىلگە ،بىزنىڭ مەكتەپتىكى پىكىر ساندۇقى مەن كۆرگەندىن بۇيان ئېچىلىپ باقمىدى ئىچىدە نىمىلەر باردۇ؟

نونى

ئاستىدىكى ھەجۋى رەسىم شېئىرىڭغا ئەجەپمۇ ماس كەپتۇ. ئىككىسىنى قوشۇپ بىللە ساقلاپ قويغىن . توپلام چىقارغاندا ئەسقېتىپ قالار