(بايراملىق)مۇئەللىم

◤pari◥

                                    
                                                مۇئەللىم

                              
            

  
                             مۇئەللىم مىننەتسىز تۆرەلگەن ئىنسان،
                              ئۆتىدۇ كۈلۈپ ھەم بىزنى كۈلدۈرۈپ.
                             ھەرجايغا مەرىپەت مەشئىلى يېقىپ،
                             نادانلار دىلىدا زۇلمەت كۆيدۈرۈپ.
                             ئۆتىدۇ ئاشۇنداق جىلۋىلىك كۈلۈپ،
                             تۆھپىكار ئۆستۈرۈپ،تۆھپە يارىتىپ.

         

                            مۇئەللىم باھارى،پۈتكۈل ھاياتى،
                           بەخشەندە بولىدۇ ئەۋلاتقا دائىم.
                           بور-توزان ئىچىدە ئۆتسىمۇ ئۆمرى،
                           بۇ مېنىڭ بۇرچۇم دەپ يېمەيدۇ ۋايىم.
                           مۇئەللىم ئەڭ ئالىي ھۆرمەت تەختىدە،
                           بولۇشقا مۇناسىپ شەۋكەتلىك ئايىم.

      

                            كۆرگەندە ئەۋلاتنىڭ ئىستىقبالىنى،
                            بىپايان كۆكتىكى شوخ پەرۋازىنى.
                            نېمىگە تەڭ قىلىپ بولار مېھرىنى،
                            جىلۋىلىك كۈلكىسى،نۇرلۇق چېھرىنى.
                            ئۇنتۇش مۇمكىنمۇ مۇئەللىم ئوخشاش،
                             مىللەتكە جان كۆيەر بىر پەرۋانىنى.

         

                           مۇئەللىم ئالەمدە باھاسىز ئىنسان،
                            خىسلىتى بىباھا،قەدىرلىك ئىنسان.
                            ئەقلى-ئىدرىكى،زېھنى-ھاياتى،
                             مەرىپەت يولىدا بولىدۇ پايخان.
                            ئۇ شۇنداق مىننەتسىز تۆرەلگەن ئىنسان،
                            مىللەتكە ئىلگىرىلەش يولىنى ئاچقان.

            

                           مۇئەللىم كۈلكىسى-باغۋەن كۈلكىسى،
                           مۇئەللىم كۈلكىسى-ئالەمگە زىننەت.
                           مۇئەللىم كۈلكىسى-بېغىشلار غەيرەت،
                           مۇئەللىم كۈلكىسى-ئەۋلاتقا ھىممەت.
                            مۇئەللىم كۈلكىسى-بىر چوڭقۇر ھېكمەت،
                           ئۇ پاكىز،بىغۇبار،چەكسىز مۇھەببەت.[/
         

« ئوقۇتقۇچىلار بايرىمىلىق مۇكاپاتلىق ئەسەر» يوللاش پائالىيىتى




مەنبە:ئۆز قەلىمەم

نونى

پەرىگۈل ، ئىلھامىڭىز -قايناپ تۇرغان بۇلاقكەن جۇمۇ سىزنىڭ . رەھمەت !  ئېسىل سوۋغا تەقدىم ئېتىپسىز .

ياشنار

بارلىق ئوقۇتقۇچى ئۇستازلارنىڭ بايرىمىغا مۇبارەك، ئىشلىرىڭلارغا ئۇتۇق، تېنىڭلارغا سالامەتلىك تىلەيمەن.

نۇرانە

ياخشىمۇسىز ؟ سىزنىڭ  ئوقۇتقۇچىلارنىڭ  تۇرمۇشىنى ئىپادىلەپ بەرگەن بۇ شېئىرىڭىزنى ئوقۇپ بەكمۇ تەسىرلەندىم . ھەم ئۆزەمنىڭ بىر ئوقۇتقۇچى بولغانلىقىمدىن پەخىرلەندىم.  بايرىمىمىزغا ئېسىل سوۋغا تەغدىم قىلىپسىز رەھمەت . سىزنىڭ ئىلھاملىرىڭىزنىڭ قاينام بۇلاقتەك مەڭگۈ توختاپ قالماي ،بىزگە تېخىمۇ نادىر ئەسەرلەرنى تەغدىم قىلىشىڭىزغا تەشنامىز .
سىزگە يەنە بىر قېتىم رەھمەت .  

زەپەر

مۇئەللىمنى قانچىلىك تەرىپلەپ يازساقمۇ ئەرزىيدۇ. رەخمەت سىزگە . يېقىندىن بىرى قەلەم قۇۋىتىڭىز بارغانسىرى ئۈسۈپ كىتىۋاتىدۇ. تىرشىڭ .

saba007

ئەسسالامۇ ئەلەيكۇم ،   ئوقۇتقۇچىلار بايرىمىنى مۇڭلۇق لىرىكىڭىز بىلەن تەبرىكلىگەنلىكىڭىزگە كۆپ رەخمەت.....

ئىجادىي تەپەككۈرلىرىڭىز تېخىمۇ قاناتلانسۇن......

گۇلزار

دوستۇم : بۇ  ئوقۇتقۇچىلار بايرىمىنى تەبرىكلەپ ئېلىپ كەلگەن سوۋغىتىڭىزغا كۆپ رەھمەت .  بۇ ئۈزۈلمەس كۈيلەر بىزگە مەڭگۈ ھەمرا .
  رەھمەت .

ئالىم

بايراملىق سوۋغىڭىزغا كۆپلەپ تەشەككۈر!

ۋېنرا

مۇئەللىمنىڭ ئىچكى دۇنياسىنى ناھايىتى روشەن ئەكىس ئەتتۇرۇپ بىرىپسىز ،ئىجادىيىتىڭىز ئۈزۈلۈپ قالمىغاي ،بارلىق ئۇقۇتقۇچى دوستلارنىڭ بايرىمىنى قىزغىن يەبرىكلەيمەن ،تىنىگە سالامەتلىك ،كەسپىگە نەتىنجە ،مەڭگۈلۈك بەخىت تىلەيمەن .

ئوتلۇق

ئوقۇتقۇچىنى زادى ئوقۇتقۇچى چۇشىنىدۇ . تىمىڭىزنىڭ ۋەزنى خېلى ئېغىر جۇما پەرى قىز .