(بايراملىق)ئېرپان مەشئىلى قۇلۇمدا ھامان

◤pari◥

ئېرپان مەشئىلى قۇلۇمدا ھامان (بايراملىق )

يورۇتسام دەيمەن  سەبىي دىللارنى ،
ئېرپان مەشئىلى قۇلۇمدا ھامان،
نۇرغا چۈمكەپ يارقىن يىللارنى ،
ئېرپان مەشئىلى قۇلۇمدا ھامان.

بور توزانى لەززەتلىك نەپەس،
جۈپ كۆزلەردە ئۈمىدلەر پەۋەس،
مۇنبەردە سۆزلەش ئۈمۈرلۈك ھەۋەس،
ئېرپان مەشئىلى قۇلۇمدا ھامان.

يېڭى بىخلارنى پەرۋىشلەش ئۈچۈن،
مەرىپەتتىن چېچەكلەش ئۈچۈن،
ئىلىم يۇلىغا يىتەكلەش ئۈچۈن ،
ئېرپان مەشئىلى قۇلۇمدا ھامان .

ئەجرىمدىن شۇلار چىقسا چىچەكلەپ ،
ئىزدىنش مېۋىسى تۆكسە ئېتەكلەپ،
ئەل ۋەتەننى گۈللەتسە كۆكلەپ،
ئېرپان مەشئىلى قۇلۇمدا ھامان .

« ئوقۇتقۇچىلار بايرىمىلىق مۇكاپاتلىق ئەسەر» يوللاش پائالىيىتى

مەنبە : ئۆز قەلىمىم

alahidin

[

align=center]ئىرپان مەشئىلى قولۇمدا ھامان

يورۇتسام دەيمەن سەبىي دىللارنى،
ئىرپان مەشئىلى قۇلۇمدا ھامان.
چۈمكىسەم نۇرغا يارقىن يىللارنى،
ئىرپان مەشئىلى قولۇمدا ھامان.

بور توزانىدا لەززەتلىك نەپەس،
جۈپ-جۈپ كۆزلەردە ئۈمىدلەر پەۋەس،
مۇنبەردە سۆزلەش ئۆمۈرلۈك ھەۋەس،
ئىرپان مەشئىلى قولۇمدا ھامان.

يېڭى بىخلارنى پەرۋىشلەش ئۈچۈن،
مەرىپەت بىلەن چېچەكلەش ئۈچۈن،
ئىلىم يولىغا يېتەكلەش ئۈچۈن،
ئىرپان مەشئىلى قولۇمدا ھامان.

ئەجرىمدىن شۇلار چىقسا چېچەكلەپ،
شىرىن مېۋىلەر تۆكسە ئېتەكلەپ،
ۋەتەن، مىللەتنى گۈللەتسە كۆكلەپ،
ئىرپان مەشئىلى قولۇمدا ھامان!

بۇ شېئىردىكى بىرقانچە مىسرادىكى بوغۇم سانى تەڭشەلمەسلىك تۈپەيلىدىن كېلىپ چىققان ئاھاڭدارلىق مەسىلىسىنى ۋە ئىملادا ساقلانغان مەسىلىلەرنى تۈزىتىپ، تىنىش بەلگىلىرىنى تولۇقلاپ قويدۇم. توغرا چۈشەنگەيسىز.

◤pari◥

alahidin يوللىغان ۋاقتى  2012-9-7 00:52

ئىرپان مەشئىلى قولۇمدا ھامان

يورۇتسام دەيمەن  ...

رەھمەت ئۇستاز  ماڭا بەرگەن  تەلىمىڭىزگە كۆپتىن -كۆپ رەھمەت!

نونى

پەرىقىز ، بايراملىق سوۋغىڭىز تالغان نېرۋىلىرىمغا  ئارام ، بوشاشقان ئىرادەمگە يېڭى ھاياتلىق بېغىشلىدى . ھەقىقى مائارىپچىنىڭ ئارزۇ-ئارمانلىرىنى ، جاسارىتىنى ئەكس ئەتتۈرۈپسىز ، رەھمەت سىزگە !

زىبالىق

ئۆز ئارزۇلىرىڭىنى ناھايىتى ياخشى ئىپادىلەپسىز. ئەجىرنىڭ خاسىيتى كەلسۇن.

umid0998

ياخشى يىزىلغان شىئىر بولۇپتۇ، ھەقىقى ئوقۇتقۇچىنىڭ ئارمىنىنى ئەكس ئەتتۇرۇپتۇ. ھارمىغايسىز

نۇرانە

سىزنىڭ ئەسەرلىرىڭىز كىشى ھۆزۇر بېغىشلايدىكەن . ئەسەرلىرىڭىزنى دائىم ئوقۇپ تۇرسام دەيمەن .  رەھمەت سىزگە .

زەپەر

ياخشى تىما يوللاپسىز . تەبىرىكلەيمەن . چۇقۇم نەتىيجىگە ئىرىشكۈسى

گۇلزار

ئوقۇتقۇچىلىق ھەقىقەتەن شەرەپلىك ھەم جاپالىق ئۇنىڭ كىشىگە ئاتا قىلغان ھۆزۇرىغا ھېچ قانداق نەرسە تەڭ كېلەلمەيدۇ .
رەھمەت سىزگە . كۈيلىرىڭىز مەڭگۈ ئۈزۈلمىگەيدوستۇم .

ئالىم

پاھ! پەرىقىز سىزنىڭ مۇنداقمۇ كارامىتىڭىزمۇ بارمۇ؟مۇبارەك بولسۇن!سىز ھەقىقى ئەۋلاتلارنى چىن كۆڭلىدىن سۈيىدىغان جاپا كەش مۇئەللىمنىڭ يۈرەك سۈزىنى ئىپادىلەپ بىرىپسىز!بۇندىن كېيىنىكى ئىجادىيتىڭىزگە مۇۋاپىقيەت تىلەيمەن! مۇنبىرىمىزدىن تىمىلىرىڭىز ئۈزۈلۈپ قالمىسۇن!