ئاھ ، مۇئەللىم، مۇئەللىم

tursun123

                   ئاھ ، مۇئەللىم، مۇئەللىم
  
    ئا ئۆتكۈر

(مەرھۇم ئابلىمىت سىدىققا مەرسىيە )

  شۇڭقار قولدىن ئۇچقاندەك،
يۇلتۇز كۆچۈپ ئۆچكەندەك،
كەتتى ئارىمىزدىن قەلبى ئويغاق بىر ئىنسان،
ئۇنىڭ ئېتى مۇئەللىم (نېمىدىگەن ئۇلۇغ ئۇنۋان ! )
ئاھ ، مۇئەللىم ، مۇئەللىم !

سەن تېخى ياش ئىدىڭ،
ئەلگە چىن قاياش ئىدىڭ،
ئەمدى بىلگەندە قەدرىڭ، قالدۇق سەندىن ئايرىلىپ،
سۇندى گويا بۇغدىنىڭ بىر قارغىيى قايرىلىپ.
ئاھ ، مۇئەللىم ، مۇئەللىم ،
ئەلۋىدا، ئەي مۇئەللىم !

بور توزغىقىنى يۇتۇپ،
ئاق توزانغا كۆمۈلۈپ،
دوسكا ئالدىدا ئۆمرۈڭ ئۆتكىنىنى كىم ئۇنتار،
قان-تەرىڭنى كىملەرگە تۆككىنىڭنى كىم ئۇنتار.
ئاھ ، مۇئەللىم، مۇئەللىم،
سېنى ئەسلەر ئەل دائىم.
بۇ گۈلىستان باغلاردا،
ئارچا ئۆسكەن تاغلاردا
ھەر قەدەمدە ئۇچرايدۇ سرنىڭ ئۆچمەس ئىزلىرىڭ،
يۇلتۇز كەبى چاقنايدۇ سانسىز ئوغۇل-قىزلىرىڭ.
ئاھ، مۇئەللىم ، مۇئەللىم،
ئەسلەر سېنى ئەل دائىم.

شۇڭلاشقىمۇ سەپ- سەپتە،
مىڭلىغان قول بەس -بەستە،
تاۋۇتۇڭنى باش ئۈستى كۆتۈرۈشۈپ ماڭغاندا،
نىمە دىدى  بىلەمسەن ئەل-جامائەت شۇ چاغدا ؟
ھۆرمەتلەنگەن بۇ يۇرتتا كىمنىڭ تاۋۇتى بۇنداق،
قايسى ھاكىم، قايسى بەگ ، قايسى مەنسەپدار شۇنداق.
چۈنكى سەن-سەن مۇئەللىم،
ئەسلەر سېنى ئەل دائىم.

تاۋۇت ئاستا ماڭماقتا،
كوچا تارلىق قىلماقتا.
يۈزلىگەن ياش كۆچەتلەر قاتار ئىككى قاسناقتا،
ياشلىق كۆزلەر ئۇزىتار تاۋۇتۇڭنى شۇ تاپتا.
بىلسەڭ ئىدىڭ كىم ئۈچۈن بۇ قايغۇلۇق دەقىقە،
ھەركىمگە تىگىۋەرمەس مۇنداق قۇتلۇق نىسىۋە.
ئاھ ، مۇئەللىم ، مۇئەللىم،
ئەسلەر سېنى ئەل دائىم.

نونى

جىق جاپا چېكىپسىز، رەھمەت سىزگە!

tursunjan

بەك ياخشى يىزىپسىز جۇمۇ   

نۇرانە

بۇ پەقەت «مەرھۇم ئابلىمىت سىدىققا » يېزىلغان مەرسىيە  بولماستىن بەلكى پۇتۇن ئۆمرىنى دوسكا ئالدىدا تۇرۇپ ،  ئەۋلاتلارغا بېغىشلىغان ھەم بىر ئېغىزمۇ ۋايسىماي مىللىتىمىزنىڭ مائارىپى ئۈچۈن تۆھپە قوشقان مەرھۈم مائارىپچىلىرىمىزغا ئېيتىلغان مەرسىيە بولغىدەك .
رەھمەت سىزگە .

پەرۋاز

مەنمۇ شۇنى دىمەكچى ،بۇ پەقەت «مەرھۇم ئابلىمىت سىدىققا » يېزىلغان مەرسىيە  بولماستىن بەلكى پۇتۇن ئۆمرىنى دوسكا ئالدىدا تۇرۇپ ،  ئەۋلاتلارغا بېغىشلىغان ھەم بىر ئېغىزمۇ ۋايسىماي مىللىتىمىزنىڭ مائارىپى ئۈچۈن تۆھپە قوشقان مەرھۈم مائارىپچىلىرىمىزغا ئېيتىلغان مەرسىيە بولغىدەك .
رەھمەت سىزگە

زەپەر

رەخمەت سىزگە بولسا يەنە يوللاڭ

بايىز

ھەقىقەتەن ياخشى يېزىلغان مەرسىيە ئىكەن  رەھمەت سىزگە!