مۇئەللىم (شاتگۈل)

شاتگۈل

مۇئەللىم

(بۇ شىئېرىمنى بارلىق جاپاكەش ئۇستازلارغا بېغىشلايمەن )

ئىلىم -پەن  نۇرىنى   چاچتىڭ  زىمىنغا ،
قاراڭغۇ   دىللارغا   مەشئەل    مۇئەللىم .
سەن قۇياش ، بېرىسەن ئىللىق ھارارەت ،
ئىنسانغا  روھىڭدىن  ئوزۇق  مۇئەللىم  .


سەن باتۇر ، سەن قورقماس ، ھارماس تۇلپار سەن،
جاھالەت   ئۈستىدىن   غالىپ   مۇئەللىم .
قانچىلاپ  مۇششەقەت  باسسىمۇ    يەلكەڭ ،
چېھرىڭدىن تەبەسسۇم ئۆچمەس مۇئەللىم  .


سەن  ئەلنىڭ  قەلبىدە نۇرلۇق ئابىدە  ،
ھۆرمەتكە  سازاۋەر  قۇياش  مۇئەللىم  .
سەبىيلەر    قەلبىدە  كۆيۈمچان   ئانا ،
تەرىپىڭ  تىللاردا   داستان   مۇئەللىم.


سەن بىلەن تاپىدۇ شان - شەرەپ ئالىم ،
دىلىنى لال قىلىپ   ئۇتقاچ    مۇئەللىم  .
سەن بىلەن  ئېچىلار  بارچىنىڭ   كۆزى  ،
ئىلىم - پەن  يولىنى  تۇتقاچ  مۇئەللىم .


يۈكسىلەر   بۇ دۇنيا   تاپقۇسى   روناق ،
سەن بەرگەچ ھەممىگە  ئىلىم   مۇئەللىم .
تاغ، دىڭىز ، دەريا - كۆل ، پۈتكۈل كائىنات ،
ئەجرىڭدە گۈل بولدى  ئىشچان  مۇئەللىم .


سەن بىلەن ئېچىلار  تىلسىملار   سىرى ،
تىلسىمنىڭ ئاچقۇچى سەندە مۇئەللىم .
سەن بىلەن  ۋەتىنىم ياشنايدۇ  ئەبەت ،
خەلقىمنىڭ ئۈمىدى  سەندە  مۇئەللىم  .



مەنبە : قەلىمىم

XAM

رەخمەت قەلىمىڭىز ھارمىغاي، مەن يىغىپ ساقلاپ قويغان ئوقۇتقۇچىلارغا بولغان مەدىھيەنى سىزگە ئىلھام سۈپىتىدە سوۋغا قىلاي.
ئوقۇتقۇچى- دىلىمىزنى يورۇتقۇچى شام.
ئوقۇتقۇچى- ئوقۇغۇچى ئالدىدىكى ئەڭ ئۇلۇغ ئىنسان.
ئوقۇتقۇچى- مەن ئەڭ ھۆرمەتلەيدىغان ئىنسان.
ئوقۇتقۇچى -بور توزانلىرىدىن قورقمايدۇ.
ئوقۇتقۇچى- بوراندىن قورقمايدۇ.
ئوقۇتقۇچى -جاپا-مۇشەققەتتە ئەڭ ئالدىدا ماڭغۇچى.
ئوقۇتقۇچى -ۋەتەننى مىلتىق بىلەن ئەمەس، بور بىلەن قوغدايدۇ.
ئوقۇتقۇچى-مىللەتنىڭ ئۈمىدى.
ئوقۇتقۇچى-دەۋەر ئالدىدىكى ئەڭ ئېغىر يۈكنى ئۈستىگە ئالغۇچى.
ئوقۇتقۇچى-ئۇ ۋالاقتەككۈرۈپ ئەمەس،ئاۋازلىق كىتاب.
ئوقۇتقۇچى-پەن -مەدەنىيەت تارقاتقۇچى.
ئوقۇتقۇچى-باغرى ئەڭ يۇمشاق ئىنسان.
ئوقۇتقۇچى- كەلگۈسىگە،كېلەچەككە يول ئاچقۇچى.

نونى

ئوقۇتقۇچى- ئۇستازلارنىڭ جاپاسىنى خېلى ياخشى گەۋدىلەندۈرۈپسىز، بايقاشتا يەنە بىر شائىر كۆپىيىپتۇ. ئابدۇللانىڭ «مۇئەللىم» ناملىق ناخشىسىنىمۇ ياخشى قىستۇرما قىپسىزسىزگە مۇۋەپپەقىيەت تىلەيمەن.

◤pari◥

بارلىق جاپاكەش ئۇستازلارغا بېغىشلىغان سوۋغىڭىزدىن سۈيۈندۈم قەلەم كۇۋىتىڭىز بەرىكەت تاپقاي رەھمەت . سىزگىمۇ سوۋغا سۈپىتىدە بۇ سۆرەتلىك ناخشىنى سوۋغا قىلاي !!ياقتۇرغايسىز

شاتگۈل

رەھمەت مۇنبەرداشلىرىم بەرگەن ئىلھامىڭلاردىن بەكمۇ سۆيۈندۈم،ئوقۇتقۇچى بولغانقىمدىن بەكلا پەخىرلىنىمەن، چۈنكى بىز مىننەتسىز تەر تۆككۈچىلەرمىز......

saba007

ئوقۇتقۇچىلارنىڭ بايرىمىنى  ناھايتى ياخشى سوۋغا بىلەن قۇتلۇقلاپسىز....

مەن شىئېرىڭىزنى ئوقۇپ تولىمۇ ھاياجانلاندىم...  بۇ مىسرالار مېنى بەكمۇ تەسىرلەندۈردى.

يۈكسىلەر   بۇ دۇنيا   تاپقۇسى   روناق ،
سەن بەرگەچ ھەممىگە  ئىلىم   مۇئەللىم .
تاغ، دىڭىز ، دەريا - كۆل ، پۈتكۈل كائىنات ،
ئەجرىڭدە گۈل بولدى  ئىشچان  مۇئەللىم .

ۋېنرا

رەىمەت ،ئۇقۇتقۇچىلارنىڭ بايرىمىنى ناھايىتى ئىسىل مىسرالىرىڭىز بىلەن تەبرىكلەپسىز ،ھەممىمىزگە خوشاللىق يار بولغاي

زەپەر

مەن بەكللا قاتتىق تەسىرلەندىم   بىرەر كەلىمە يازاي دىگەنتىم  بىراق بەك چارچاپ كەتتىم . چۈنكى ھازىر سائەت 12 بۇلۇپ قەپتۇ  راستىنلا تەسىرلەندىم .ئۇنىڭدىكى مۇزىيكىنىڭ يېقىملىقى راستىنلا ئادەمنى قاتتىق تەسىرلەندۇردۇ . يەنە يوللاپ تۇرارسىز . رەخمەت سىزگە .

alahidin

شېئىرىڭىزدا  شېئىرىي ھېسسىيات خېلى قويۇق،  ئاھاڭدارلىقىمۇ كۈچلۈك چىقىپتۇ. يەنى، بارماق ۋەزىنلىك شېئىرلارنى يېزىش قائىدىسىگە ئاساسەن ئەمەل قىپسىز، ھەرقايسى مىسرالاردىكى بوغۇم سانى تەڭشىلىپ شېئىرىي رېتىم ھاسىل قىلىنىپتۇ.
كىچىككىنە تەكلىپىم: قاپىيەگە ئەھمىيەت بەرسىڭىز! بۇ شېئىردا ئاساسەن قاپىيە يوق. قارىغاندا، سىز ھەر بىر مىسرانىڭ ئاخىرىدىكى  «مۇئەللەم»دېگەن سۆزنى قاپىيە دەپ تونۇپسىز. ئۇ سۆز قاپىيە ئەمەس، رادىف بولىدۇ. ئەسلى شېئىردىكى «مەشئەل»، «ئوزۇق»، «غالىپ»، «ئۆچمەس».....دېگەن سۆزلەر قاپىيىداش بولۇشى كېرەك. بۇنداق دېسەم كۆڭلىڭىزگە كەلمىسۇن. يەنىمۇ ئىزدىنىشىڭىزنى ئۈمىد قىلىمەن!

مۇئەللىم

(بۇ شىئېرىمنى بارلىق جاپاكەش ئۇستازلارغا بېغىشلايمەن )


ئىلىم -پەن  نۇرىنى   چاچتىڭ  زىمىنغا ،
قاراڭغۇ   دىللارغا   مەشئەل    مۇئەللىم .
سەن قۇياش ، بېرىسەن ئىللىق ھارارەت ،
ئىنسانغا  روھىڭدىن  ئوزۇق  مۇئەللىم  .


سەن باتۇر ، سەن قورقماس ، ھارماس تۇلپار سەن،
جاھالەت   ئۈستىدىن   غالىپ   مۇئەللىم .
قانچىلاپ  مۇششەقەت  باسسىمۇ    يەلكەڭ ،
چېھرىڭدىن تەبەسسۇم ئۆچمەس مۇئەللىم  .


سەن  ئەلنىڭ  قەلبىدە نۇرلۇق ئابىدە  ،
ھۆرمەتكە  سازاۋەر  قۇياش  مۇئەللىم  .
سەبىيلەر    قەلبىدە  كۆيۈمچان   ئانا ،
تەرىپىڭ  تىللاردا   داستان   مۇئەللىم.


سەن بىلەن تاپىدۇ شان - شەرەپ ئالىم ،
دىلىنى لال قىلىپ   ئۇتقاچ    مۇئەللىم  .
سەن بىلەن  ئېچىلار  بارچىنىڭ   كۆزى  ،
ئىلىم - پەن  يولىنى  تۇتقاچ  مۇئەللىم .


يۈكسىلەر   بۇ دۇنيا   تاپقۇسى   روناق ،
سەن بەرگەچ ھەممىگە  ئىلىم   مۇئەللىم .
تاغ، دىڭىز ، دەريا - كۆل ، پۈتكۈل كائىنات ،
ئەجرىڭدە گۈل بولدى  ئىشچان  مۇئەللىم .


سەن بىلەن ئېچىلار  تىلسىملار   سىرى ،
تىلسىمنىڭ ئاچقۇچى سەندە مۇئەللىم .
سەن بىلەن  ۋەتىنىم ياشنايدۇ  ئەبەت ،
خەلقىمنىڭ ئۈمىدى  سەندە  مۇئەللىم  .

شاتگۈل

alahidin يوللىغان ۋاقتى  2012-9-4 01:29
شېئىرىڭىزدا  شېئىرىي ھېسسىيات خېلى قويۇق،  ئاھاڭدارلى ...

رەھمەت سىزگە مەن يېقىندىنن بېرى مەلۇم سەۋەپتىن تورغا چىقالماي مۇنبەرداشلارنىڭ پىكىر - تەكلىپلىرىنى ۋاقدىدا كۆرەلمەپتىمەن، تەكلىۋىڭىزنى قوبۇل قىلىمەن، مەن بۇ شىئېرىمنى سىز دېگەندەك ئۆزگەرتىپ باقاي بۇندىن كېيىن ياردەم پىكلىرىڭىز بولسا ئايىمىغايسىز...تەشەككۈر