بايرىمىڭنى تەبىرىكلەيمەن مۇئەللىم (شىئېر )

زەپەر

                   بايرىمىڭنى تەبىرىكلەيمەن  مۇئەللىم

                               (تىۋىپجان ئېلىيۇپ)

سۈيۈملۈك مۇئەللىم ،مەيدەڭنى ،
تەبىرىك گۈلدەستىسى چۈمكەپتۇ.
تۈنۈگۈن ئۆمچەيگەن لىۋىڭگە،
بۈگۈن خۇش تەبەسسۇم يۈگۈرۈپتۇ.

                                             كۆردۈم مەن بايرىمىڭنىڭ پەيزىدىن ،
                                              ئىلىمنىڭ ئىلمىگە زوقىنى .
                                             ئاڭلاندى ناخشىدەك يېقىملىق ،
                                             دولقۇنلۇق ئالقىشلار شاۋقۇنى .

لايىق سەن ئەڭ يۈكسەك ھۆرمەتكە ،
ھەقلىق سەن ئەڭ ياڭراق ئالقىشقا .
تاپتۇق بىز ،تاپىمىز ئەجىرىڭىدىن ،
لاياقەت ئىقتىدار ھەر ئىشقا .

                                           سىنڭدەك تۆھپىكار باغۋەنسىز ،
                                          ئېچىلماس مەرىپەت گۈللىرى .
                                          سىنىڭسىز نىمە دەت سالمىغان ،
                                        ئەل يۇرۇتقا جاھالەت سەللىرى .


سىنىڭسىز ئۇچۇق كۆز قارغۇ بىز ،
سىنىڭسىز غەپلەتكە بەندىبىز ،
سىنىڭسىز بېيىماس روھىمىز ،
سىنىڭسىز تىكلەنمەس قەددىمىز .

                                         سىنىڭسىز يۇرۇماس دىلىمىز ،
                                         سىنىڭسىز ئۇزارماس تىلىمىز .
                                         سىنىڭسىز يوق پارلاق پەللىمىز ،
                                         سىنىڭسىز يوق راۋان يۇلىمىز .

مۇنبەرگە چىققانلار كىم بولسۇن ،
ئۇلارنى شۇنداقمۇ سىنايمەن ،
سەن كەلسەڭ ئۆرنىدىن تۇرمىسا ،
قانداقمۇ ئىنسان دەپ سانايمەن .


                                           ئورتاقسەن جىمىي سەن شەرەپكە ،
                                           ئەجىرىڭ بار ئۇتۇقنىڭ بەرىدە.
                                           ياشاشقا لايىقسەن ھەمىيشە ،
                                           جاي ئېلىپ قەلبىمىز تۈۋىدە .

تەبىرىكلەپ كەلدىم مەن تۇيۇڭنى ،
ئەسسىلام ئەي ئۇلۇغ تۆھپىكار !
شۇ نەزمەم سۇۋغاتقا يارىسا ،
بۇ ماڭا ئەڭ ياخشى ئىپتىخار .

admin

ئوقۇتقۇچىلار بايرىمىنى مۇبارەكلەپ شۇنداق ئېسىل شىئېرلارنى يوللاپ، بايرىمىمىزنى مەنىلىك ئۆتكۈزىشىمىزگە كۈچ چقىرۋاتىسىز. قولىڭىزغا گۈل ئۈنگەي!

◤pari◥

ئوقۇتقۇچىلار بايرىمىلىق ناھايىتى ياخشى تېمىلارنى يوللاپسىز .شېئىرىڭىزنى ئوقۇپ ئۆزۈمنىڭ ئوقۇتقۇچى ئىكەنلىگىمدىن تولىمۇ پەخىرلەندىم .رەھمەت سىزگە
28-قېتىملىق ئوقۇتقۇچىلار بايرىمى مۇناسىۋىتى بىلەن سىزگە ئابدۇللا ئابدىرىيىمنىڭ «مۇئەللىم » دىگەن ناخشىسىنى سوۋغا قىلاي ياقتۇرۇپ ئاڭلىغايسىز!!

قەدىناس

مەن بۇ ناخشىنى ياقتۇرۇپ، ئاڭلايتتىم،  يوللايمەن دەپ جاپا تارتىپسىز،رەخمەت سىزگە،