ئۇيغۇر بالىلار ناخشىلىرى،ئويۇن قوشاقلىرى

ئەتىر

ھەرنىمە بولسا بالىلار ئۇنتۇلۇپ قالماپتۇ رەھمەت سىزگە.....

ئىزدەن520

تاققۇر-تۇققۇر،تاققۇر-تۇققۇر زەنجىر ھالقا،
قۇياش قوندى يوپۇرماققا.
قىزىل-قىزىل ئالما پىشتى،
قاراڭلارچۇ بىزنىڭ باغقا!

ئېرغىتايلى،ئېرغىتايلى شاختىن مېۋە،
قاچىلايلى يانچۇقلارغا.
چۆچەك ئېيتىپ دوستلار بىلەن،
بۆلۈپ يەيمىز ئاخشاملىققا.

ئانام مېنى ئاي دەيدۇ،
ئاي ئاسماندا تۇرمامدۇ.
مەن ئاسماندا ئاي بولسام،
ئانام يىغلاپ قالمامدۇ.


ئالا بويناق،ئالا بويناق ،
پۇتلىرى مايماق،
كۆز ئۈستىدە جۈپ چېكىت،
ھەم سالپاڭ قۇلاق.

توشقانچاق،توشقانچاق ،
سەن بەك قورقۇنچاق.
ئۆگەنمەيمەن سېنىڭدىن،
ياق،ياق،ياق!!

كىچىك رەسسام مەن ،دەيدۇ ئەكبەرجان،
تۇتقان قولىدا،قەلەم بوياقدان.
يۈز-كۆزلىرىنى بوياپتۇ قويماي،
سىزغانلىرىغا قاراڭلار ئايھاي.
سىزىپتۇ توشقان ،يوقتۇر قۇيرىغى،
كەپتەر پۇتىدا، ئۆردەك پالىقى.

،.،.،.

ئىزدەن520

مەن98-يىللىرى باشلانغۇچتا،2003 يىللىرى تولۇقسىزدا ئوقۇۋاتقان ۋاقىتلىرىمدا شۇنداق يېقىملىق بالىلار-ئۆسمۈرلەر ناخشىلىرى بار مۇزىكا دەرسلىكىمىز بولىدىغان،،،،،.،.،،..،ئەجىبا ئۇيغۇر سەنئەتچىلىكى تېخىمۇ راۋاجلانغان بۈگۈنكى كۈندە ئاساسلىقى ئاشۇ ئۇيغۇر مۇزىكانتىلىرىنىڭ ناخشا-مۇزىكىلىرىنى ئاساس قىلىپ تۈزۈلگەن مۇزىكا دەرسلىكلىرىمىزمۇ يوقاپ كەتتىمۇ ئەمدى،.،.،.،.،.،.،.،




لىڭگىرتاقۇ-لىڭگىرتاق،
مەن ساڭا ئەجەب ئامراق.
كەلگىن دوستۇم ،ئوينايلى،
ئىككىمىز بولۇپ قوشماق.


        خانتەڭرىنىڭ ئوغلىمەن

خانتەڭرىنىڭ ئوغلىمەن،ئوغلىمەن،
خانتەڭرىدەك غەيرىتىم،
ئۆز مېھنىتىم ئەجرىمدە،ئەجرىمدە،
ئاشار قەدىر-قىممىتىم.
ئەي،.،.،.،،،.،.،.،.،.،.،،.،.،.
تومۇرۇمدا ،تېنىمدە،
ئەجدادلارنىڭ قېنى بار،
شۇڭا مەندە ئۇلارنىڭ،
چوڭقۇر سىڭگەن ئېڭى بار.
پەن دېڭىزى ئىچىدە،
غۇلاچ تاشلاپ ئۈزىمەن،
يېتىپ ئۇنىڭ تەكتىگە،
ئۈنچە-گۆھەر سۈزىمەن.
   توغراق
توغراق-توغراق،قارا قۇرۇم ئوغلى،
تەكلىماكاندىكى پالۋان،سېنى سوقۇپ ئۆتىدۇ،
سېنى سوقۇپ ئۆتىدۇ،كېچە-كۈندۈز تەلۋە قۇم،تەلۋە قۇم بوران،
يازدا ئاپتاپ ،قىشتا شىۋىرغان.
مەبۇد سەن،سەن قەھرىمان،
سەن ياشنايسەن،سۇلماستىن مىڭ يىل،
ھېچ ئۆلمەيسەن ،ياشايسەن مىڭ يىل.
(ماۋۇ يەردىكى مىسرا مەزمۇنىنى  ئېسىمگە ئالالمىدىم)
ھاياتنى توسالماس ،چۆل-باياۋان.



     باتۇر كارۋان ئەۋلادى بىز
باتۇر كارۋان ئەۋلادى بىز،
گۈزەل ئارزۇ-مۇرادىمىز.
ماڭدۇق كارۋان ،يولىنى بويلاپ،
مەھكەم بىزنىڭ ئىرادىمىز.
ئوقۇيمىز بىز ،ئىناق بولۇپ ،
ئىلىم -پەنگە ئامراق بولۇپ.
يورۇتماقتا دىلىمىزنى،
بىلىم نۇرلۇق چىراق بولۇپ.
      بىز شىنجاڭ ئۆسمۈرلىرى
ئىلىم-پەننىڭ شەيداسى،
گۈزەللىكنىڭ ھەمراسى،
________(ماۋۇ مىسرانى ئېسىمگە ئالالمىدىم)
بىز شىنجاڭ ئۆسمۈرلىرى.
______________(ماۋۇ مىسرانى ئېسىمگە ئالالمىدىم)
يايرىدۇق ،خوشال كۈلدۇق،
ساغلام ،شوخ،جەسۇر بولدۇق،
بىز شىنجاڭ ئۆسمۈرلىرى.

       مەرىپەت  بېغىنىڭ غۇنچىلىرى بىز
مەرىپەت  بېغىنىڭ غۇنچىلىرى بىز،
ئۇلۇغۋار سەپەرگە ئاتلىنىپ ماڭغان.
كۈرەشتە  نۇرانە ئىقبال ئاچىمىز،
يۈرەكتە ئارزۇلار ،ئوت بولۇپ يانغان.
دىللارنى سۇغۇرۇپ ،ھېكمەت بۇلاقتىن،
______________(ماۋۇ مىسرانى ئېسىمگە ئالالمىدىم)
______________(ماۋۇ مىسرانى ئېسىمگە ئالالمىدىم)
______________(ماۋۇ مىسرانى ئېسىمگە ئالالمىدىم)

ئىزدەن520

قولياغلىق،قولياغلىق،
يانچۇقۇمدا ساقلاقلىق.
قولياغلىقى يوق بالا،
بولالمايدۇ ،ئەخلاقلىق.

ئىزدەن520

يۇلغۇنلار ناۋاسى دېگەن ناخشىنىڭ ئېسىمدە قالغان تېكىستىنى يوللىسام،تەستىقلانماي قالدمۇ نېمە؟؟؟قايتا بىر يازاي:
يۇلغۇنلار ناۋاسى

يۇلغۇنلار بىز،كۆكلەيمىز،
___________(ماۋۇ مىسرانى ئېسىمگە ئالالمىدىم)
قۇم-بوراندا چاڭقىماي،
چېچەكلەيمىز،ياشنايمىز.
يىلتىزىمىز بەك چوڭقۇر،
بىز-بىرىگە چېتىلغان.
_________،(ماۋۇ مىسرانى ئېسىمگە ئالالمىدىم)
__________(ماۋۇ مىسرانى ئېسىمگە ئالالمىدىم)

ئىزدەن520

كۆكتە ئۇچسا لاچىنلار ،
بۇلۇتلار قالار پەستە.
شۇ لاچىندەك مەرت جەڭچى ،
تۇرار تاغنىڭ ئۈستىدە.
تومۇز ئىسسىق،شىۋىرغان،
قىلالمايدۇ ئاڭا كار،
دىلىدا بار قىزىل چوغ،
ئاپتوماتىك قولىدا.

تاڭ نۇرىغا چۆمگەن،چۆمگەن ئۈجمىزار،
يوپۇرماقنى ئېلىپ،ئېلىپ قولىغا.
پىلىخانىغا كىردى ،كىردى گۈلباھار،
قارا كۆزى شۇنچە ئۇز،شۇنچە ئۇز ئويناق.
چېۋەرلىكى،چېۋەرلىكى قوزغار ھاياجان،قوزغار ھاياجان،
ئوماق يۈزىدە ئۇرغۇيدۇ،قىز ھۆسنىدە تەبەسسۇم ھامان،ھامان.

ئىزدەن520

يامغۇر ياغدى،قار ياغدى،شارقىراپ كەتتى،
ئۆتۈكۈمنى مايلىسام ،پارقىراپ كەتتى.
پاتقاق كەچتىم،پاتتىدە،ماكچىيىپ كەتتى،
ئاپام كۆرۈپ شۇ ھامان،ۋارقىراپ كەتتى.


__________________
_________________
ئۆگزىلەرگە ياماشما،سوئال جاۋاب تالاشما،
خۇش بولامسىز،جان ئاپا ھېچ نېمىنى بىلمىسەم.

ئىزدەن520

نەچچە سائەتلەپ قاتتىق ئورۇندۇقتا ئولتۇرۇپ،قورساقنى ئاچلاپ، بېشىمنى قاشلاپ،نۇرغۇن ئىشلىرىمنى تاشلاپ  ،.،.،.ئىنكاس يېزىپ يوللاپ بولسام،،بەزىلىرى قۇدۇققا چۈشكەن تاشتەك كۆرۈنمەيدۇ،دېسە،.،.،.،.،.،.،.،

ئىزدەن520

شەبنەم لىرىكىسى
——————————，
——————————.
ئاستى گۈلگە كۆز مونچاق،
بېزەپ ئۇنىڭ بەرگىنى.
كەڭ دالادا ھەر گىياھ ،
شادلىقىدىن تۆكتى ياش.
زەپ  چىرايلىق نۇر چاچتى،
ھەر قەترىدە بىر قۇياش.
  ئەتىرگۈل
ساڭا ئىپار قوشقانمۇ،
خۇشپۇراقسەن ئەتىرگۈل،
بارچە گۈلدىن چىرايلىق،
زەپ ئوماقسەن ئەتىرگۈل.
گۈزەل ئوماق ئەتىرگۈل ،
تەڭدىشىڭ يوق ئەتراپتا،
چۈنكى ئۆسۈپ يېتىلدىڭ،
بىزنىڭ ئانا تۇپراقتا.
            ---------
---------------
---------------
يۇلتۇزنى قىلىپ مارجان،
بوينۇمغا ئېسىۋالسام.
تاغلار شاھى خانتەڭرى،
خۇش ناۋا دۇتار بولسا.
دولقۇنلۇق ئىلى تارىم،
دۇتارىمغا تاربولسا،
شوخ ناخشا_مۇقامىمنى،
بىر ئۆمۈر جاراڭلاتسام،
ئارزۇيۇم-مۇرادىمنى ،
كەڭ جاھانغا ئاڭلاتسام.

@guli

ئۇيغۇرچە قول كۆندۈرۈش مەشىقىدە بىر قىسم قۇشاقلار بار ئىدى .قىزىم يادىلاپ يۈرەتتى .شۇ كىتاپلارغىمۇ بىر قاراپ باقسڭىز بۇلارمۇ قانداق؟