[بايراملىق] ئۇستاز مەقبەرىسى ئالدىدا

alahidin

ئۇستاز مەقبەرىسى ئالدىدا

ئالاھىدىن ئابدۇرېشىت

مەقبەرەڭدىن سۆيگۈنىڭ دۇنياسىنى سورايمەن،
سۈكۈتىڭدىن قەلبىڭنىڭ ساداسىنى سورايمەن.

چەكسىزلىككە سىنچىلاپ سىماھىڭنى ئاختۇرۇپ،
گۈزەللىكنىڭ جىلۋىسى-جۇلاسىنى سورايمەن.

قارچۇقۇڭدا چوغلانغان ئۇپۇقلارنىڭ بۇرجى بار،
پارلىشىمغا قەلبىڭنىڭ ساماسىنى سورايمەن.

ئاتەش كەبىي يۈرىكىڭ قاڭقىپ كەتتى قۇياشقا،
ئۆڭگەن چېغىم روھىڭنىڭ زىياسىنى سورايمەن.

بارخانلارغا كۆمۈلۈپ يۈتتى قەلبىم پارچىسى،
چاڭقاقلىقتا مېھرىڭنىڭ دەرياسىنى سورايمەن.

ياماشتۇردۇڭ ئەتىگە، پەرۋازىمدا يۈكسىلىش،
چوققىلاردىن قۇتۇمنىڭ ئىزناسىنى سورايمەن.

يوقۇتۇشۇڭ بالقىتتى مېنى تىمتاس كۆزگۈمدىن،
پاك روھىڭدىن ھاياتنىڭ مەناسىنى سورايمەن.

روھىڭ پارلاپ تاڭ چېغى قول كۆتۈردۈم دۇئاغا،
يىغلاپ تۇرۇپ دۇنيانىڭ دۇئاسىنى سورايمەن!

1994-يىلى، 8-ئاينىڭ 8-كۈنى، يېڭىسار.

tursunjan

سىىز  نىڭمۇ قىلىشمايدىكەن جۇمۇ   سىزمۇ چوقۇم مۇكاپات ئالسىز   

زەپەر

ئالاھىدىن ئاكا ياخشى يېزىپسىز  . راستىنلا قەلىمىڭىز ھەقىيقەتەن ئوتكۈركەن . مۇكاپات ئېلىشىڭىزغا تىلەكداشمەن .

◤pari◥

قەلىمىڭىز ھەقىيقەتەن ئۆتكۈركەن  رەھمەت باشقىلارغىمۇ باھا ئىنكاسلىرىڭىزنى ئايىمىغايسىز!!

نونى

شېئىرىڭ ناھايىتى ياخشى چىقىپتۇ ، بۇرادەر. مۇكاپات ئېلىشىڭغا تىلەكداشمەن!

saba007

يارقىن لىرىكىلار بىلەن تويۇنغان بۇ مۇڭلار قەلبىمنى چوڭقۇر ھاياجانغا سالدى.

بارخانلارغا كۆمۈلۈپ يۈتتى قەلبىم پارچىسى،
چاڭقاقلىقتا مېھرىڭنىڭ دەرياسىنى سورايمەن.

ئۇستازلار روھى مەڭگۈ نۇر چاچسۇن....
شاگىرتلار قەلبى ئوت بولۇپ يانسۇن.
ئەۋلاتلار دىلى بولۇپ شادىمان،
ناخشا-كۈيلىرى ساماغا يەتسۇن.

ئەجىرىڭگە كۆپ تەشەككۈر......تەشنا يۈرەكلەرنى مۇڭ لىرىكىلار بىلەنمۇ سۇغۇرۇپ تۇرغايسەن.


سېنىڭ بايرىمىڭغىمۇ مۇبارەك بولسۇن....بۇرادەر.