توۋا دەيمەن

بايىز

مەن بىر ئاددى خەلق ئوقۇتقۇچىسى، ئىلگىرى مەن بۇ خىزمەتنى ناھايىتى ئۇلۇغ شەرەپلىك خىزمەت دەپ بىلەتتىم. شۇڭا مەن ساقچىلىق خىزمىتىدىن ئىستىپا بېرىپ بۇ ئۇلۇغ خىزمەتنى تاللىغان ئىدىم. ئەپسۇس ھازىر  بۇ ئۇلۇغ خىزمەت قانداق خىزمەت بۇلۇپ قالدى؟،قاچان قارىسا توختىماي خەت يازماق، پىلان تۈزمەك ، ئوقۇغۇچىلار بىلەن كارىمىز يوق. ئوقۇغۇچىلارغا دەرس ئۆتمىسەك بولۇدىكى ، تەييارلىق يازمىساق زادى بولمايدۇ، قىلمىغاننى قىلدۇق دەپ يالغاندىن خەت يازمىساق بولمايدۇ، پىلان تۈزمىسەك بولمايدۇ، باشلىقلارغا تەييارلىقنى تۇلۇق قىلىپ ، يازىدىغاننى تۇلۇق يېزىپ تەكشۈربش كەلگەندە تۇلۇق چىقىرىپ بەرسەك بولىدۇ. كۈندە ئوقۇغۇچىلارغا ئۆتىدىغىنىمىز ماتىماتىكا، خەنزۇتىلى، تىل-ئەدەبىيات مۇشۇ پەنلەرنىلا ئۆتۈپ باشقىلىرىنى ئۆتمەيدىغان گەپ. ئۆتەي  دېسەكمۇ ئامال يوق. ئاساسى پەننى چىڭ تۇتۇپ ئۆتمىسەك بولمايدۇ، ئىمتىھاندا يۇقۇرى چىقمىسا بىزنىڭ ئاران ئېرىشىدىغان مۇئاشىمىزنى تۇتىدىغان ئىش. ھەر بىر ئوقۇتقۇچى خەنزۇتىلى دەرسىدىن باشقا دەرسىنىڭ ھەممىسىنى ئۆزى بېرىدۇ. بېسىم ئېغىر. دەرت كۆپ. مەكتەپلەردە ئۇششاق ئىشلار كۆپ. ئادەتتىكى باشلىقلارمۇ ئۆزىنى خۇددى بىر يەرنىڭ ھاكىمىدەك چاغلايدۇ، باشلىقلارغا ياخشى كۆرىنىش ئۈچۈن ھە دەپ بىچارە ئوقۇتقۇچىلارنى قىينايدۇ. باشلىقلار بۈگۈن كەچكىچە قىلىپ بولۇشنى ئورۇنلاشتۇرغان  ئىشلارنى كىچىك باشلىق چۈشكىچە ئورۇنلاپ بولۇشقا ئورۇنلاشتۇرىدۇ. ھەممىسى خۇشامەتچى.
ئەمما بىر ئىشقا دىققەت قىلىش كېرەك، يەنى مەكتەپ بىزنىڭ ئۆزىمىزنىڭ ئەۋلاتلىرىنى تەربىيەلەيدىغان جاي، مۇشۇنداق مۇھىم جايدا بىز ئوقۇغۇچىلارنى ئەتراپلىق تەربىلىمىسەك بۇنىڭ جاۋاپكارلىقىغا كىم تارتىلىدۇ، ئوقۇتقۇچىلارمۇ ياكى باشلىقلىرىمىزمۇ؟ ھازىر بىز تەربىيەلىگەن ئوقۇغۇچىلار خۇددى ماشىنا ئادەمگىلا ئوخشايدۇ، بىز نېمە دېسەك شۇنى قىلىدۇ. يېڭىلىق يارىتىش روھى يوق. بىز مانا مۇشۇنداق مىللىتىمىزنىڭ ئۈمىدى، مىلىتىمىزنى دۇنياغا تۇنىتىدىغان نارىسىدىلەرنى مۇشۇ ھالەتە تەربىلىسەك كەلگۈسىدە بىزنىڭ مىللىتىمىز نېمە بولماقچى؟ بىز بۇزغىچىمۇ ياكى تەربىلىگىچىمۇ؟ ھازىر نۇرغۇن جايلاردا ئوقۇتقۇچىلىقتىن ئىستىپا بېرىۋاتىدۇ، بۇ نېمە ئۈچۈن ؟ بىز ياخشىراق ئويلىنىپ باقايلى؟ ھەممىسى بىزنىڭ ئەۋلاتلىرىمىز!

زەپەر

مەكتەپلەردە ھازىر ئاساسلىقى ئۇقۇ- ئۇقۇتقۇشنى تۇتماستىن شۇ ئارخىپ ئىشلەش. تەشۋىقات. تازلىق قىزمەتلىرىنى چىڭ تۇتۇپ كىتىۋاتىدۇ. ئىككى ئاساسەن 2004- يىلى باشلىغان بۇلۇپ شۇندىن تارتىپ ئۇقۇتقۇچلار قۇرۇق خەت يېزىش  ئارخىپ ئىشلىرى بىلەن ئاۋارە  . بۇلارمۇ تۈزلۈپ قالار  . خاپا بولماي ئۈمۈتۋار بۇلۇڭ. شۇنداق ياخشى بولغان خىزمىتىڭىزنى تاشلاپ ياخشى قىلماپسىز بۇرادەر

barqin

ئىشقىپ يېزىدا ئوقۇتقۇچى بولۇش بەك تەس، مەنمۇ ئىلگىرى مەمۇرى ئىمتاھاندىن ئۆتكەن تۇرۇقلۇق مۇشۇ ئوقۇتقۇچىلىق ئۈچۈن ۋاز كەچكىنىمگە ئەپسۇسلىنىمەن. ئوقۇغۇچىلار مەكتەپكە تۇلۇق كەلسە، ئۇلاردىن ئۇقۇش جەريانىدا ئىش چىقمىسا، ھەمىشە دەرس تەييارلاپ ئارخىپ ئىشلەپ يۇرسەك ...........مانا بۇ ھازىرقى يېزىلاردىكى مىللى مائارىپ. كەلگۈسىدىكى ئىز باسارلىرىمىزغا قۇيۇلغان مائارىپ. يەنە بىرى يېزا مەكتەپلەردە ئېغىر ساقلىنىۋاتقىنى كۈچەيتىش،قوش تىل ئوقۇغۇچىلار بىلەن ئادەتتىكى مىللى تىل ئوقۇغۇچىلىرى ئوتتۇسىدىكى پەرق،پۇزىتسىيە ۋە ئوقۇتۇش ئۇسۇلى.ئەمما شۇنى بىلىش كىرەككى ھەربىر خەلىق ئوقۇتقۇچىسى ئۆزىنىڭ مائارىپى ئۈچۈن ئۆزىنى بېغىشلاش روھىغا ئىگە بولىشى ، ھالال مىھنىتىنى ئوقۇغۇچىلارغا سەرپ قىلىشى لازىم.

بايىز

دوستۇم سىز نىمە دىمەكچى؟مەقسىڭىزنى .......

ھەي! مەنمۇ ئۆزەمنىڭ نېمە دېمەكچى بولغىنىمنى بېلەلمىدىم . بەلكى مەن ئوقۇتقۇچىلىقتىن زېرىكىپ مۇشۇنداق قاملاشمىغان نەرسىنى يازغان ئوخشايمەن. بىراق مەن سىزنىڭ يىراق يېزىلاردىكى تارماق باشلانغۇچ مەكتەپكە بارسىڭىز، ئاشۇ يەردىكى سەھرا بالىلىرىغا دەرس بەرسىڭىز نېمە دېمەكچى بولغانىمنى بىلەرسىز.

ئامان

ھازىر كۆپ قىسىم مەكتەپلىرىمىزدە ئوقۇتۇش خىزمىتىدىن كۆرە، خىزمەتنى ئارخىپلاشتۇرۇش ئاساسى ئورۇندا تۇرىدىغان بۇلۇپ قالدى. توغرا، ئىشلىگەن خىزمەتلەرنى ئارخىپلاشتۇرۇپ مېڭىش ياخشى ئىش، ئەمما قالدۇرۇلغان ئارخىپلار ئوقۇتۇش خىزمىتىنىڭ ئۈنۈمىنى ھەقىقى ئەك ئەتتۈرۈپ بېرەلەمدۇ-يوق؟ ئارخىپ قالدۇرۇش بىلەن ئوقۇتۇش خىزمىتىنىڭ قايسىسى ئاساس، قايسىسى قوشۇمچە رول ئوينايدۇ؟ .... كونىلاردا ‹‹ قاپاق پۇل ئەمەس، باراڭ پۇل ›› دەيدىغان بىر گەپ بار، باراڭمۇ، قاپاقمۇ بۇلىشى كېرەك، ئۇلار بىر-بىرىنى شەرت قىلىدۇ. ئەمما بىزنىڭ ئاخىرقى ئېرىشىش مەخسىدىمىز  باراڭمۇ، ياكى قاپاقمۇ؟.... بۇ مەسىلىلەر كىشىنى ھەقىقەتەن ئويغا سالىدۇ.

火山

ئۇقۇتقۇچىلىق خىزمەت جاپالىق ئەمما شەرەپلىك!بىز ئەۋلاتلارغا كۈيۈنۈپ بېلىم بېرىشىمىز كېرەك!ئۇقۇتقۇچى كەملىك مەسلىسىمۇ دەت دەت ھەل بۇلۇپ كېتىدۇ!

ئالىم

دوستۇم سىز نىمە دىمەكچى؟مەقسىڭىزنى چۈشۈنەلمىدىم.