ئۆمەر ھەييام رۇبائىيلىرى

tursun123

      ئۆمەر ھەييام رۇبائىيلىرى


  ئۇرۇندۇم قۇياي دەپ سۇ ئۆزرە خىشنى،
بۇتخانا خالىماس بۇنداق خاھىشنى.
ئەي ھەييام، كىم ئېيتار دوزىخىيسەن دەپ،
كىم بېرىپ كۆرۈپتۇ دوزاخ- ىېھىشنى.
***
بىر-ئىككى كۈنلۈك ئۆمۈر ئۆتىدۇ دەرھال،
دەريادا سۇ مىسال يا چۆلدە شامال.
كەتكەن ۋە كەلمىگەن ھەر ئىككى كۈننىڭ،
غېمىنى يىگۈزۈپ، كۆپ قىلما مالال.
***
بىلمىدىم، ئېتىلگەن چېغىمدا لايىم،
جەننەت يا دوزاختىن ئاتالغان جايىم.
ماڭا نەق بولسا بەس يار، چالغۇ، شاراپ،
نېسى جەننەت ساڭا بولسۇن ھەر دائىم.
***
باھار ئەييامىدا گۈزەل پەرىزات،
بىر كاسە مەي بېرىپ، دىلنى قىلسا شاد.
كىشىلەر نەزىرىدە خۇنۈك بولسىمۇ،
ئىت بولاي، جەننەتنى بىر بار قىلسام ياد
***
بەختىم يوق، گۇناھتىن ھىچ قۇتۇلمۇدۇم،
ئەمما ئوتپەرەستەك ئۈمۈدسىز بولمىدىم.
تاڭ پەيتى ئويغانسام باش ئاغرىقىدىن،
مەي بىلەن مەشۇق كېرەك،جەننەت دىمىدىم.
***
گۈل پەسلى، سۇ بويى كۆكلەمدە ئەگەر،
بولسا ئۈچ-تۆت ئۈلپەت ئاي يۈزلۈك دىلبەر.
قەدەھنى سۈمۈرگىن، تاڭدا ئىچكەنلەر،
مەسچىت ۋە چىركاۋدىن ئازاد كىشىلەر.
***
بىر دانا چۆرگىتەلمەس پەلەكنى پىر-پىر،
سانىنى سەككىز دەر، يەتتە بەرىبىر.
ئۆلگەچكە قالمايدۇ ئارزۇڭ، تېنىڭنى
گۆردە قۇرۇت يەر، يا قىردا قاشقىر.
***
دەرلەر:جەننەتتە ھۆرلەنىڭ بولغىنى ياخشى،
ماڭا ئۈزۈم سۈيىنىڭ بۇلىقى ياخشى.
چۈنكى، نېسىدىن نەقراقى ياخشى،
ناغرا ئاۋازىنىڭ ئۇزاقى ياخشى.
***
ئەي روھ ئەلەمدىن كەلگەن مۇڭ زاتى،
تۆت، بەش،ئالتە،يەتتە دەپ ھەيران پەريادى.
مەي ئىچ، بىلەلمەيسەن قاياقتىن كەلدىڭ،
شاد بول، بىلەلمەيسەن يول نەدە زادى.
***
دەلىل تاپتىم ئەقلىم قاينىغان ئاندا،
رۇمدىمۇ، ئەرەپتە ھەممە تاماندا.
مەي ھارام دىيىشسە ئىشەنمەيمەن ھىچ،
‹‹ مەيسارا....›› دىگەنغۇ خۇدا قۇرئاندا.
***
سېنى يېتەكلىسە ھاۋامۇ ھاۋا،
‹‹ مەندىن خەۋەر ئال ›› دەر دىلى بىنەۋا.
نەزەر سال، ئۆزۈڭ كىم ۋە نەدىن كەلدىڭ،؟
بىل، نەگە كىتەرسەن، باشتا نە بالا؟
***
ئەي شاراپ سەن مەشۇق، مەن ساڭا شەيدا،
ئىچىمەن، قورقمايمەن بولۇشتىن رەسۋا.
مەينى سەن شۇنداق ئىچ،كۆرگەنلەر دىسۇن:
ئەي ئىدىش قەيەردىن بولدۇڭ سەن پەيدا.
***
ئۇيانغا-بۇيانغا تاشلايمەن نەزەر،
باغلاردا شىلدىرلاپ ئاققان سۇ-كەۋسەر.
كەۋسەردىن سۆز ئاچما، دالىلار جەننەت،
شۇ يەردە ئولتۇرغىن، يېنىڭدا دىلبەر.
***
ھايات ۋە ماماتنى تۈزەتكۈچى سەن،
تارقاق كائىناتنى كۆزەتكۈچى سەن.
يامان بولساممۇ سېنىڭ بەندەڭمەن،
نېمىمۇ قىلالاي؟ ياراتقۇچى سەن.



مەنبە:‹‹ ئۆمەر ھەييام رۇبائىلىرى›› دىن

توردىشىمىز ‹‹ ئارچا ›› غا   سوۋغا

umid0998

ئۆمەر ھەييامنىڭ رۇبائىيلىرى بەكمۇ پاساھەتلىك، توردىشىمىز«ئارچا»سوراپتىكەن، مەندىمۇ ئۆمەر ھەييام رۇبائىيلىرىنىڭ ئىلكىتابى بار ئىدى، مەن يوللاي دەپ بولغىچە سىز چاققان چىقىۋاپسىزئەمەسمۇ؟
رەھمەت سىزگە، تىمىڭىزنى ھەمبەھرلىۋالدىم

نونى

ئۆمەر ھەييام ئىزىدىن


مەن ئۆلسەم ھاراقتا يۇيۇڭلار مېنى ،
قويۇڭلار قەبرەمگە بىر ئاپقۇر ھاراق.
قۇتۇلاي دوزاقنىڭ رىيازىتىدىن ،
كىرمىسۇن مەلەكلەر قىلغىلى سوراق.