ئوقۇتقۇچىلار بايرىمى مۇناسىۋىتى بىلەن«بايراملىق تېما يوللاش پائالىيىتى» ئۆتكۈزۈش توغرىسىدىكى ئۇقتۇرۇش
ئەسسالامۇ ئەلەيكۇم«بايقاش مائارىپ تورى»مىزدىكى ئەزىز قېرىداشلار، باشقۇرغۇچىلار، كونا –يېڭى مۇنبەرداشلار ياخشىمۇ سىلەر ؟
ئالدى بىلەن سىلەرنىڭ كىلىش ئالدىدا تۇرغان 2012 –يىللىق ئوقۇتقۇچىلار بايرىمىڭلارنى قىزغىن تەبرىكلەيمەن ! قۇتلۇق بايرىمىڭلارغا مۇبارەك بولسۇن!!!
"بايقاش مائارىپ تورى"مىز 2012–يىللىق كەڭ ئوقۇتقۇچىلارنىڭ بايرىمىنى قىزغىن تەبرىكلەش، بايرامنى مەنىلىك ئۆتكۈزۈش ئۈچۈن، مۇنبىرىمىزدە مەخسۇس ئوقۇتقۇچىلار بايرىمىغا بېغىشلانغان تېما يوللاش سەھىپە ئېچىپ، «ئوقۇتقۇچىلار بايرىمىلىق تېما يوللاش پائالىيىتى» ئۆتكۈزۈشنى لايىق تاپتۇق.
ئەسەر قاتناشتۇرۇش ئۆلچىمى:
1. ئەدەبى-ئەسەرلەر- شىئېر، نەسىر، ھىكايە، مۇشائىرە، ماقالە، لەتىپە–يۇمۇر ،چاقچاق ... قاتارلىق ژانىردا يوللىسا بولىدۇ. (سانى چەكلەنمەيدۇ)
2. يازما خەۋەرلەر - ھەر قايسى ئەزالار ئۆزلىرى تۇرۇشلۇق ئورۇنلاردا ئېلىپ بارغان ئوقۇتقۇچىلار بايرىمى توغرىسىدىكى پائالىيەتلەردىن سۈرەتلىك ھالدا تەپسىلى خەۋەر يوللىسا بولىدۇ. `
3. رەسىم تۈرى- فوتو سۈرەت، سىزما رەسىم، ئۆزى لاھىيەلىگەن سۆرەتلەرنى يوللىسا بولىدۇ.
4. فىلىم تۈرى - ئوقۇتقۇچىلار بايرىمى مەزمۇن قىلىنغان ئەدەبى-سەنئەت پائالىيىتى، ھۆججەتلىك فىلىم، ناخشا-مۇزىكا قاتارلىقلار يوللانسا بولىدۇ.
5.دەرس تەييارلىق(ئۇيغۇرچە )پۈتۈن ماۋسۇمنىڭ بۇلۇشى ،ئۆزى قول سېلىپ تەييارلىغان ياكى باشقىلارنىڭ رۇخسىتىنى ئېلىپ يوللىغان بۇلۇشى كېرەك .
دىققەت قىلىشقا تىگىشلىك مەزمۇنلار:
1. ئوقۇتقۇچىلار بايرىمىغا مۇناسىۋەتلىك مەزمۇن بولۇشى كېرەك. ئۇيغۇر يېزىقىمىزنىڭ ساپلىقىنى قوغداش ئۈچۈن خەت ئىملاسى توغرا، سۆز-جۈملىلەر راۋان ۋە باغلىنىشلىق بۇلىشى كېرەك.
2.چۇقۇم ئۆزىنىڭ ئەسىرى بولۇش، كۈچۈرۈلمە ئەسەرلەرنى يوللاشقا، باشقا مۇنبەرلەردىن تىرىپ كىلىشكە بولمايدۇ.
4. ئەسەر مەزمۇنىدا قانۇنغا خىلاپ بولغان مەزمۇنلار بولماسلىقى، ساغلام، ئەھمىيەتلىك بولغان ئەسەر بولىشى كىرەك.
6. تېما ماۋزۇسىنىڭ ئالدىغا [بايراملىق] دەپ ئەسكەرتىلىشى، ئەسەر ئاخىرىغا « ئوقۇتقۇچىلار بايرىمىلىق مۇكاپاتلىق ئەسەر» يوللاش پائالىيىتى دەپ ئەسكەرتىلىشىى كېرەك.
7. بايراملىق تېمىلارنى ئالدىن تىللا ئارقىلىق باھالاشقا بولمايدۇ. خۇلاسە چىقارغاندا بىراقلا مۇكاپاتلاش ئېلىپ بېرىلىدۇ.
2. ئەسەرلەر چۇقۇم «ئوقۇتقۇچىلار بايرىمى مەخسۇس سەھىپىسى» سەھىپىگە يوللىنىشى كىرەك. سەھىپە ئادىرسى: بايقاش ئىشخانىسى- بايقاش مائالىيەتلىرى ئىچىدىكى «ئوقۇتقۇچىلار بايرىمى» مەخسۇس سەھىپىسى:/bbs/forum.php?mod=forumdisplay&fid=258
بايراملىق تېما يوللاش:
/bbs/forum. ... display%26fid%3D258
مۇكاپات تەسىس قىلىنىشى:
تۈۋەنكىدەك مۇكاپاتلار تەسىس قىلىنىدۇ
ئالى دەرىجىلىك مۇكاپات(بىر تېما) : 50 مۇنبەر تىللاسى، 50 تۆھپە، ئوقۇتقۇچىلار بايرىمىلىق ئوردىنى؛
1-دەرىجىلىك مۇكاپات(ئىككى تېما): 30 مۇنبەر تىللاسى، 30 تۆھپە، ئوقۇتقۇچىلار بايرىمىلىق ئوردىنى؛
2- دەرىجىلىك مۇكاپات(ئۈچ تېما): 20 مۇنبەر تىللاسى، 20 تۆھپە، ئوقۇتقۇچىلار بايرىمىلىق ئوردىنى؛
3- دەرىجىلىك مۇكاپات(تۆت تېما): 10 مۇنبەر تىللاسى، 10 تۆھپە، ئوقۇتقۇچىلار بايرىمىلىق ئوردىنى؛
مۇنبەردە تۆھپە، قىزغىنلىق، شۆھرەت قاتارلىق جۇغلانمىلارنى ئىشلەتكىلى بولمايدىكەن دەپ ئويلىشىڭىز مۇمكىن. كىيىن بۇ جۇغلانمىلارنى تىللاغا ئايلاندۇرۇپ ئىشلىتىش يولغا قۇيىلىدۇ.
دەرىجىگە ئېرىشەلمىگەنلارنىڭمۇ ئەسەرلىرىنىڭ قىممىتى بولسا ئايرىم باھالاپ مۇكاپاتلىنىدۇ.
پائاليەت ۋاقتى :
پائالىيەت مۇشۇ ئۇقتۇرۇش ئېلان قىلىنغان كۈندىن باشلاپ 2012-يىلى9-ئاينىڭ 15-كۈنى كەچ سائەت 10:00 غىچە بولىدۇ . ئۇنىڭدىن كېيىن قالغانلار بىردەك ئىناۋەتسىز. 9-ئاينىڭ 16-كۈنىدىن 20-كۈنىگىچە باھالاش ئېلىپ بېرىلىدۇ. 2012-يىلى 9-ئاينىڭ 20-كۈنى باھالاش نەتىجىسى ئېلان قىلىنىدۇ .
پائاليەتنى خۇلاسىلاش:
باھالاش نەتىجىسىنى ئادىل ، ئىشەنچىلىك بولۇشى ئۈچۈن باشقۇرغۇچىلار ۋە ئىشەنچىلىك ئەزالاردىن بىر گۇرۇپپا تەشكىللىنىپ مۇزاكىرە قىلىش ئارقىلىق بېكىتىپ چىقىدۇ .
گۇرۇپپا مەسئولى:ئادىمىن ئەپەندىم، يانار تاغ ئەپەندىم
ئەزالىرى : ئامان ئەپەندىم، شام ئەپەندىم، زەپەر ئەپەندىم، گۈلزار مۇئەللىم، ◤pari◥ مۇئەللىم، ئۇستاز ئەپەندىم، ئەزىزى ئەپەندىم، ئۈمۈد 0998 ئەپەندىم، barqinئەپەندىم، ئوتلۇق ئەپەندىم، ئەسرار ئەپەندىم، تايلاق ئەپەندىم، ئالىم ئەپەندىم، ئابلىمىت ئەپەندىم، ئالاھىدىن ئەپەدىم، ezizks-sc ئەپەندىم، دىلئۇز مۇئەللىم، كارول1 ئەپەندىم، saba007 ئەپەندىم، كەۋسەر ئەپەندىم قاتارلىقلار ئاخىرىدا باھالاش ئېلىپ بېرىپ خۇلاسە چىقىرىلىدۇ.
بايقاش مائارىپ تورى
2012-يىلى 8-ئاينىڭ 30-كۈنى
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-30 16:58:10
يوللىغان ۋاقتى 2012-8-30 19:11:48
يوللىغان ۋاقتى 2012-8-30 19:20:42
يوللىغان ۋاقتى 2012-8-30 20:38:19
