مەرھۇم ئۇستاز مۇھەممەتجان سادىققا مەرسىيە
ئاپتور:تاھىر ئابدۇكېرىم
چاچما شېئىر بېغىدا ئېچىلغان گۈلدەك،
ئىجاد ۋە ئەجرىڭدىن پۇراقلار چاچتىڭ.
ئوقۇرمەن قەلبىدە خۇددى بۇلاقتەك،
توختىماي شىلدىرلاپ سۇ بولۇپ ئاقتىڭ.
***
شېئىرىيەت ئوردىسى تۇرمۇش ماھىرى،
چىن سۆيگۈ ئەھلىنىڭ زۆھرە-تاھىرى.
تەپەككۈر، ئويلىرىڭ خۇددى بىر مىزان،
شېئىرىيەت سېپىنىڭ ئۈلگە زاھىرى.
***
ھەقىقى پېداگوك ئۈلگىسى ئىدىڭ،
مەرىپەت كۆكىدە چاقنايتتى كۆزۈڭ.
مۇنبەرنىڭ ئالدىدا ئىستودېنتلارغا،
مىزان ئىدىغۇ ھەر قىلغان سۆزۈڭ.
***
ئەلۋىدا ئەي ئۇستاز، خاتىرجەم ياتقىن،
تەتقىقات يوللۇرۇڭ چولپاندۇر ھەر ۋاق.
ئەۋلادقا بىر يۇتۇم سۇ بېرىش ئۈچۈن،
سەن بولدۇڭ بىلىمدە تۈگىمەس بۇلاق.
***
ھېلىمۇ يادىمدا سەن ئۆتكەن دەرس،
تاشلارنىڭ كۆكسىگە مۆھۈر باسقاندەك.
ئۆچۈرمەي ساقلايمەن ئىزنالىرىڭنى،
مەرىپەت بېغىدىن گۆھەر تاپقاندەك.
مەنبە:ئىلى گېزىتى | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-29 15:26:26