ئايالىڭنى ھۆرمەت قىل، ئەمما ، چىكىدىن ئاشۇرۋەتمە
ئايالنىڭ ئەتراپىڭىزدا پايپېتەك بۇلۇشىمۇ مۇھەببەت ئىزھارى ئەمەس ئۇ پەقەت ئۈمۈر يولداشلىق يۈزىسىدىن سىزنىڭ ساق ۋە خوشال بولىشىىڭىز ئۈچۈن قايغۇرماقتا. بۇ ئىشلارنى ئۇ پەرىز دەپ بىلىدۇ ئەركەكنىڭمۇ ئائىلىدىكى ئەڭ مۇھىم ئىشى ئايالىنى ساغلام ئاسراشتۇر .دەيمىزغۇ ، ۋەتەن -مۇقەددەس دەپ .ۋەتەننى بالا قازادىن ھىمايە قىلىش ئەركەكنىڭ شانى ، قەرزى ئۆمۈرلۈك ! ئايالىڭىز بولسا بالىلىرىڭىزنى ئۆز ئۇستىخانلىرى ئارقىلىق ئۈندۈرۈپ ، ئۆستۈرىدىغان ئىككىنچى ۋەتەندۇر !بالىلىرىڭىزغا باغرىڭىز ئېچىشسا ، ئاتىلىقنى جايىدا قۇيىمەن دىسىڭىز ئانىسىنىنڭ جېنىنى ھۆرمەت قىلىڭ!
ئەمما ، بۇ ئار -نۇمۇسنى ۋە غورورىڭنى ئايالىڭغا قۇربان قىل دېگەنلىك ئەمەس !
رەھبەر -تەمىنلىگۈچى ، رەھبەر-ھىمايە قىلغۇچى ، رەھبەر -ئىش تەقسىملىگۈچى، جۈملىدىن نازارەت قىلغۇچى !رەھبەر يەنە سەنئەتكارانە ئىش تۇتىشى ۋە مۇلايىم ، ئۇچۇق ياكى ئېغىر -بېسىق قىياپەتكە كىرىشنى بىلىشى كېرەك ، تەڭرى ئايالنى ئۆز جۈپتى بىلەن يەنە شۇنداق قىياپەتتە تۇرۇشقا ئېھتىياجمەن ياراتقان ، بۇ تەڭرىنىڭ خاھىشى !ئەر ئاشۇنداق بولالمىسا ، تەڭرىنىڭ ئىزنىسىدىن چىققان بولىدۇ ۋە جازاسى تەيىندۇر !
ھاياتقا بىر نەزەر سالساڭ ، ئايالنىڭ كۆزىگە مۆلدۈرلەپ قاراپ تۇرىدىغان ، ئايالىنىڭ ئاغزىدىن چىققىنىنى دەرھال بىجىرىدىغان ئەرلەرمۇ باردۇر . ئەمما، بۇ ئەرنىڭ ئايالى ئېرىگە نىسبەتەن نالايىق بولىدۇ . ئېرى كۆرسۈتىلىۋاتقان پىدائىيلىقلارنى سۆيۈنۈپ تۇرۇپ ئەمەس ئېرىنىپقىنا قۇبۇل قىلىدۇ . كۆرۈۋاتامسىز ، ئەر ئۆز مېھرىگە يارىشا مېھىر ئالالماي تۇرۇپتۇ ۋە ئالالمايدۇ ھەم!چۈنكى ئۇ ئەتراپتىكى باشقا قەرىزلىرىنى ئۇنتۇش ھىسابىغا ئايالىغا ئارتۇقچە بېرىلدى ، ئۇنىڭدىن تاشقىرى ، ئۆزىنىڭ ھەزرەتلىكىنى ئۇنتۇدى :ئۇنىڭغا جۈپتى بىپىسەنت بولسىمۇ ، <<ھۆرمەت >>كۆرسىتىۋېرىدۇ ! بۇلۇپمۇ رەھبىرانە مەغرورلىقىنى ئۇنتۇپ ، ئايالىغا يۈرىكىدىكى بارىنى تۆكۈپ تاشلاۋېرىدۇ !بۇنداق كۈنگە قالغان ئەربولسا ئايالىنىڭ نەزىرىدىن بىردىن ۋىجىكلەپ ، پەسلەپ كەتكەندەك تۇيۇلۇشقا باشلايدۇ !
ئۇنۇتماڭكى !ئەر -ئايال بىر-بىرى ئۈچۈن ھەرگىز باش ئەگدۈرۈلگەن چوققىغا ئايلىنىپ قالماسلىقى كېرەك . بولمىسا بىر -بىرىدىن زېرىكىشكە باشلايدۇ . ئەر بولغۇچى باش ئېگىپ ، ئىزھارىي مۇھەببەتكە چۈشتىمۇ ، تامام، ئايالىدا كىبىر ئويغىنىدۇ ۋە ئۆزى بىلمىگەن ھالدا جۈپتىدىن سوۋۇپ بارىدۇ.
ئائىلە ئەر كىشىنى سىنايدىغان جەڭگاھ . يىگىتلەر ، قولۇقىڭىزغا قۇيۇپ ئېيتاي ، بازار ۋە ئۆينىڭ خوجايىنلىق ئىشلىرى پەقەت سىزدە بولسۇن . ئائىلىنىڭ كۇچا بىلەن پۈتىدىغان ھەممە مەسىلىلىرى سىز ئارقىلىق پۈتسۇن .مىڭ كۈيگە چۈشسىڭىزمۇ ، شۇلارغا ياراڭ !ئايالىڭىز بۇ ئىشلارغا خۇشتارلىقىنى بىلدۈرسىمۇ ،ئۇنىڭ مەسلىھەتىنى ئېلىڭ ، ئەمما مەيدانغا ئۆزۈڭىز چۈشۈڭ.ئەركەكچە تۇرمۇش دىگەن ئەنە شۇ . ئەگەر سىز بۇنىڭ ھۆددىسىدىن چىقالمىسىڭىز ، تۇرغان گەپكى ، بۇ يۈك ئايالغا قالىدۇ .پەرمانبەردارلىق ھەمىشە ئىشنى جايىدا قىلىدىغان كىشى تەرىپىدىندۇر ئەگەر سىز تۆت ئەزايىڭىز ساق تۇرۇپ ، ئەھلى ئايالىڭىزنى ئىسسىق -سوغۇقتىن ، سىناق ۋە خەتەردىن ھىمايە قىلالمىسىڭىز ، قازىزىنى قاينىتالمىسىڭىز ئۆز -ئۆزىدىن ئائىلىدىكى ئورنىڭىز پەسىيىپ بارىدۇ !ئەمدى ئايالنىڭ ئورنى ئەمرى پەرمانغا ، سىز بولسىڭىز ئىتائەتكە ئۆتىسىز ! بۇمۇ ھالاكەت !بۇ دىگىنى ئايالىڭىز ئىزنىڭىزدىن چىقتى ، دىمەك ، سىندىڭىز !ئايال ئائىلە تارتىشتا مەيداندا يالغۇز قالدى ، جۈپتى تىرىك تۇرۇپ ، ئالا خۇرجۇننى يەلكىسىگە ئالدى ، ئۆكسۈدى ، غېرىپلاشتى دېگىنى !ئەمدى ئۇنىڭ ئاھى تۇتىدۇ سىزنى !ناۋادا تاپەرمەن تۇتارمەنلىكىڭىز ياخشى دەيلى ، ئەمما ئايالىڭىز سىزگە ئىش بويرۇپ تۇرسا ، جاۋىلداپ تەنبىھ بەرسە ، ئۆز ئىززىتىڭىزنى ھىمايە قىلالمىسىڭىز ، ئۇنىڭ ئېغىزىنى يېپىش ئۈچۈنمۇ ئېيتقىنىنى بىجىرىۋەرسىڭىز ، بۇنداق ئائىلىمۇ خەتەرگە تۇتىلىدۇ !قىزلىرىڭىز بارغان جايلىرىدا ئەرلىرىنى خار قىلىدۇ ، كىلىنىڭىز ئوغلىڭىزنىڭ يەلكىسىدە ئولتۇرىدۇ ! ئايالغا ئورۇنسىز ئىتائەتكارلىقنىڭ جاۋابى بۇ !ئەرلەرنىڭ ھەر ئۈچ خاتالىقىنىڭ ئىككىسى ئاياللار تۈپەيلىدىندۇر ،ئايالىڭىز تەڭرى رازى بولىدىغان ئىشلارغىلا يىتەكلىسە ، مەسلىھەتلىرىگە قۇلاق سېلىڭ . ئۇ مىھرىبانلىق بىلەن چاي ئۇزىتىپ ، ئۆزىڭىزنى ئۆزىڭىزگە ماختاپ تۇرۇپ، مال- دۇنياغا ، شان -شۆھرەتكە ھېرىس قويدۇرمايۋېتىپتۇمۇ ؟ئاكا- ئىنىلىرىڭىزغا ،قۇلۇم -قۇشنىلارغا ، گىژ-گىژلىمايۋېتىپتىمۇ ؟ئانىڭىزدىن ئارازلاشقا ،ئاتىڭىز ئۆلمەي تۇرۇپ مىراس تالىشىشقا سىزنى سازلاپ قۇيمايۋېتىپتىمۇ ؟ ئەگەر شۇنداق تەسىردە بولسىڭىز ، ھالاكەتكە ئۇچۇرغىنىڭىز شۇ !بۇنىڭ بىلەن تەڭرى بەرگەن بۈيۈك نىمەت ئار -ۋىجدان ۋە قان- قېرىنداشلاردىن جۇدا بولدىڭىز . ئەمدى سىز ياشاۋېرىسىز،يۈرىكىڭىز سوقىۋېرىدۇ ، ئەمما قۇڭغۇراقلىق سائەتكە ئايلاندىڭىز ، ئايالىڭىز كۆرسەتكۈچىڭىزنى نەچچىگە توغرىلىغان بولسا ، ئاشۇ ۋاقىتتا خاتاسىز جىرىڭلاشنى بىلىسىز ، خالاس !
ئېسىڭىزدە بولسا ، ئاياللارنى ھۆرمەت قىلغان ئادەم تېخى ئۇلۇغ
ئەمەس ، ھۆرمەت قىلىش تەرزىنى بىلگەن ئادەم ئۇلۇغدۇر . بارلىق
ئەركەكلەرگە ئۇلۇغلۇق تىلەيمەن .
روھى ساغلاملىق دۇردانىلىرى دىگەن كىتاپتىن | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-29 11:38:46
يوللىغان ۋاقتى 2012-8-29 18:21:40
يوللىغان ۋاقتى 2012-8-30 21:33:25
