ئىلتىماس

alahidin

ئىلتىماس

ئالاھىدىن ئابدۇرېشىت

ئىلتىماس يازدىم يەنە باشلىق، مېنى يۆتكەپ قويۇڭ،

ئۆتتى چەت جايدا گۈزەل ياشلىق، مېنى يۆتكەپ قويۇڭ.


نەدە ئۆي، ئاتا-ئانام، خوتۇن بىلەن ئىككى بالام؟

يوللىرىم ئېگىز داۋان-تاشلىق، مېنى يۆتكەپ قويۇڭ.


يولدا كەتتى ئايلىقىم، يوقتۇر بىساتىم-بايلىقىم،

تاپقىنىم قورساققا نان-ئاشلىق، مېنى يۆتكەپ قويۇڭ.


رېستۇرانغا باشلا دەپ، چۆنتەكنى ئۆرۈپ تاشلا دەپ،

قىلمىڭا چاخچاق بىلەن شاشلىق، مېنى يۆتكەپ قويۇڭ.


قولىڭىزدا بار ئەمەل، «ھە»گە نېمە كەتكەي بەدەل؟

يەتكۈزۈپ شەپقەت-قېرىنداشلىق، مېنى يۆتكەپ قويۇڭ.


مەنمۇ ئىشلەي سىز بىلەن، شەھەردە شوخ-شوخ قىز بىلەن،

بولمىساممۇ ئاھ، قەلەمقاشلىق، مېنى يۆتكەپ قويۇڭ.


ئىلتىماس يازدىم قۇرۇق، بولغاچ قوتاندا قوي ئورۇق،

يېلىنىشتىن كۆزلىرىم ياشلىق، مېنى يۆتكەپ قويۇڭ!...


1998-يىلى8-ئاينىڭ 26-كۈنى، يېڭىسار.

◤pari◥

ياخشى شېىركەن . رەھمەت سىزگە

tursunjan

  ياخشى يىزىپسىز   ھەم كۇلكىلك بوپ تۇ  

نونى

مەن كۆرمىگەن مۇنداقمۇ شېئىرلىرىڭ بار ئىكەن.« ئىلتىماس» نىڭ يەنە بىر نۇسخىسىنى قاچان يوللايسەن؟!

alahidin

ئەتە يوللايمەن.

زەپەر

رەخمەت سىزگە ئالاھىدىن ئاكا ، سىزنىڭ مۇشۇ جاپالىق ئۇقۇتقۇچىلىقتىن ئىبارەت كەسىپتە ، شۇ ياش ئۆسمۈرلەردىنى تەربىيلەپ  ئۈنتىنسىز ئىشلەش جەھەتتىكى 25 يىللىق خىزىمەت تارىخىڭىزنى ياخشى تەبىرىكلەش بۇلۇپمۇ بۇندىن كىيىنكى قىسقىغىنا بەش يىل ئىچىدىمۇ جەمىيتىمىزدىكى ئاشۇ ياش ئۇقۇتقۇچىلارنى تەربىيلەپ ئۇلارغا ياخشى بولغان نادىر يازمىللىرىڭىز  ھەم تىل - ئەدەبىيات ئۇقۇتۇشى ھەققىدىكى يازمىللىرىڭىز ئارقىلىق شۇلارنى ياخشى تەربىلەپ بايقاش مائارىپ تورىنىڭ بۇندىن كىيىنكى تەرەققىياتى ئۈچۈن تېخىمۇ كۈچ قىچىرشىڭىزنى ئۈمۈت قىلىمەن .بىز ياشلار تەربىيگە تۇلىمۇ مۇھتاجمىز .
مەن سىزنىڭ بۇ ئىلتىماس دىگەن شىېرىڭىزنى ئۇقۇش ئارقىلىق شۇ جەمىيتىمىزدىكى بەزى ھۇقۇقدارلارنىڭ پۇل ئۈچۈن ئۈزىنىڭ ۋىژدانىنى سېتىشتەك ناچار ئىللەتلىرىنى ھەم سىزدەك جەمىيەتتىكى مائارىپ سېپىدە ئۈنتۇنسىز ئىشلەپ  ئۈزىنىڭ گۈدەكلىك ياشلىق ھاياتىنى ،مائارىپ ئۈچۈن بېغىشلاشتەك ياخشى خىسلىتىنى مڭگۈ جارى قىلدۇرشىڭىزنى ئۈمۈت قىلىمەن.
شۇ مائارىپ سېپىدىكى 25 يىللىق خىزمەت تەجىربىسىگە ئىگە كەسىپداشلارنىڭ  ئىلتىماسىڭىزنىڭ تىزراق ئەمەلگە  چىڭ چىن كوڭىنەمدىن ئۈمۈت قىلىمەن . ھەم شۇ مائارىپچىلارنىڭ تىنىنىڭ تېخىمۇ ساغلام ئۆمۈرىنىڭ ئۈزۈن بۇلىشىنى ياراتقان ئاللادىن تىلەيمەن . رەخمەت سىزگە .

asrar

راسلا بۇ ئېلتىماسنى كۆرسە سىزنى يۈتكىۋىتىدۇ ئەمدى

قەدىناس

ئىلتىماس راستىنلا ياخشى يېزىلىپتۇ.ئەگەر مەن باشلىقىڭىز بولغان بولسام ئىلتىماسىڭىزنى ئوقۇغان ھامان، تەلەپ قىلغان ئورنىڭىزغا يۆتكىۋېتەتتىم.لېكىن، ئەمما-زە پۇلغا كۆنۈپ قالغان بەزىبىر باشلىقلار ئالدىدا بۇ ئىلتىماس ھېچقانچە نەرسە ئەمەس.بۇنداق نامرات ئوقۇتقۇچىلاردىن پارا تەلەپ قىلدىغان  نا ئىنساپ باشلىقلارنىڭ كۆڭلىگە ئىنساپ تىلەيلى،ئامىن!

سىرداش

ياخشى يىزىپسىز  بەكمۇ  تەسىرلىك ئىكەن