جەم بۇلايلى مۇنبەرگە

كەۋسەر

جەم بۇلايلى مۇنبەرگە

كەۋسەر

كەلگىن دوستۇم جەم بۇلايلى مۇنبەرگە ،
بۇ يەردە بار ۋاپا-مېھىر سورۇنى .
بولماس ھەرگىز پۇشايمىنىڭ ئۆمۈرگە ،
ئۇنتالمايسەن قەيەردە بول سەن ئۇنى .

بايقاش تورى ئۆز تۇپرىقىڭ -ماكانىڭ ،
شاخلىرىدا رەڭگارەڭ گۈل ئېچىلغان .
ئىلمۇ-ئىرپان قۇۋۋىتىدە زورىيىپ ،
بار كىشىگە " تەڭگە-تىللا " چېچىلغان .

بۇ يەردە بارساپساق ئۈچمىڭ قېرىنداش ،
دىل رىشتىسى چىڭ باغلانغان دوسىتلۇققا .
بىلىم ئىشقى ئاشىناسى ھەر بىرجان ،
ئوتلۇق نەپەس تاراپ تۇرار بوشلۇققا .

تېما-ئىنكاس باغلىرىدا تېتىملىق ،
تۈمەن ھەر خىل مېۋە-چېۋە ئاينىغان .
يېشىل ئورمان ، گۈل-چېچەككە پۈركىنىپ ،
كۈلكە-چاقچاق ، ئويۇن-مەشرەپ قاينىغان .

مۇنبەردىكى تارىخ ، ھېكمەت -تەرمىلەر ،
شېئىر-رومان ، نەسىر-ئۈنچە يازمىلار .
بۇلالايدۇ گويا ساڭا بىر مەكتەپ ،
خىيالىڭدا ئۇنۋىرسىتىتتىن سانىلار .

غۇۋا بولغان سوئالىڭغا جاۋابنى ،
ئۆز ۋاقتىدا تاپالايسەن مۇنبەردە .
ئىچىڭ پۇشۇپ ، قايغۇ باسقان چاغلىرىڭ ،
ئېرىشىسەن تەسەللىيگە بۇ يەردە .

ئۆزگىرىمىز ئانا تۇپراق قوينىدا ،
ئالىم تامان يۈكسەكلىككە كۈنسېرى .
مىننەتسىزلا ئۆگىتىدۇ بۇ ئۇستاز ،
بولۇپ ئاشىق يانمايمىز بارغانسېرى .

◤pari◥

ياخشى يېزىپسىز كەۋسەر ئەپەندىم . دىمەك بايقاش مۇنبىرىگە كىرگەن ھەر بىر ئەزانىڭ يۈرەك سۆزىنى ئىپادىلەپسىز رەھمەت !!!!ھارمىغايسىز مانا مۇشۇنداق نادىر تېمىلىرىڭىز ئۈزۈلمىگەي !!!!

tursunjan

ياخشى  تىما بوپ تۇ  توختاپ قالماي  يوللاپ تۇرۇڭ ھە  

ئالىم

تىمىڭىزغا رەھمەت!نادىر تىمىلىرىڭىز ئۈزۈلۈپ قالمىسۇن!ئىجادىيتىڭىزگە ئۇتۇق تىلەيمەن!

ئامان

بەك ياخشى يېزىپسىز بۇرادەر. بايقاش مۇنبىرىمىزگە ناھايىتى ياخشى باھالارنى بېرىپسىز، رەخمەت سىزگە!

asrar

مۇنبەرگە ياخشى باھا بېرىپسىز ،تاتلىق تىللار ئارقىلىق ياخشى شىئېردىن بىرنى يېزىپسىز .رەخمەت !

گىياھى

«ئىلھام كەلسە بەش مىنۇت، ئىلھام كەلمىسە بەش يىلدىمۇ يازغىلى بولماس »دېگەن مانا شۇ! بايقاشتىكى جىمى ئالاھدىلىك ۋە كەيپىياتلار ناھايىتى ياخشى ئىپادە قىلىنىپتۇ. بايقاشنى مانا مۇشۇنداق نادىر شېئىرىي ئەسەرلەر بىلەن تېخىمۇ ئاۋاتلاشتۇرۇشىڭىزغا، بېكەت باشلىقلىرىنىڭمۇ بىر ئىزدا توختاپ قالماي سىزدەك شائىرلارغا ئىلھام كەلتۈرەلەيدىغان يېڭى كەيپىيات، يېڭى جانلىنىشتەك ئىلھام بولىقى بىلەن داۋاملىق تەمىن ئېتىپ تۇرىشىغا تېلەكداشمەن!!!!

زەپەر

رەخمەت سىزگە كەۋسەر ئەپەندىم بەك ياخشى يېزىپ قۇيۇپسىزدە . نادىر تىمىللىرىڭىز ئۈزۈلمىگەي . ھازىرلا نادىر يازمىللىرىڭىز كۈپىيۋاتىدۇ، بايقاشتىكى بارلىق مۇنبەر ئەھلى سىزدىن تۇلىمۇ خورسەنمىز .

كەۋسەر

ھەممىڭلارنىڭ ياخشى باھاسىدىن بەكمۇ سۈيۈندۈم . قولۇمدىن كېلىشىچە تىرىشچانلىق كۆرسىتىمەن .

تايلاق

قەلەم قۇۋىتىڭىز ھەقىقەتەن ياخشىكەن.