يا قاينامدىن چىقار ،
يا سايرامدىن .
يا بېشىدىن ئال ،
يا يانپىشىدىن ئال .
ياتار قورساق -كېتەر قورساق .
ياتتىن تۇغقان چىقتى ،
ھالۋىدىن ئۇستىخان ( چىقتى ).
ياتسا قوپالمايدۇ ،
ھاڭرىشى بەك قاتتىق .
ياتقا بەر قىزىڭنى ،
ياتتىن ئال سۆزۈڭنى .
ياتقانغا يولۇقماس ھېچنېمە ،
ماڭغانغا پۇتلىشار ھەر نېمە .
ياتقان قويغا يەم يوق .
ياتقان كېسەل تېز ئۆلەر ،
ماڭغان كېسەل تېز كۈلەر .
ياتقان ئۇيغا يەم نەدە .
ياتقان ئېشەكنىڭ پوقى تەيلىك .
ياتقان ئىتقا تاش ئاتما ،
ناتونۇش ئايالغا قاش ئاتما .
ياتقان يېرىڭنى قاتتىق دېمە ،
ئىچكەن سۈيۈڭنى ئاچچىق ( دېمە ) .
ياتقان يىلاننىڭ بېشىنى تەۋرەتمە .
ياتقان يىلاننى ئويغاتما .
ياتقىنىڭدىن كۆپتۇر ياتمىغىنىڭ ،
ياتمىغاندا ياتىسەن پاتمىغىنىڭ .
يات كىشىگە سىر بەرمە ،
قىمارۋازغا پۇل ( بەرمە ) .
ياتنى تۇغقان قىلاي دېسەڭ ئارىغا پۇل قوي ،
تۇغقاننى يات قىلاي دېسەڭ ئارىغا قىز قوي .
ياتنىڭ تۆرىدە ئولتۇرغۇچە ،
تۇغقاننىڭ كۇلىڭىدا ئولتۇر .
ياتنىڭ تۆرىدە ئولتۇرغۇچە ،
تۇغقاننىڭ بوسۇغىسىدا ئولتۇر .
ياتنىڭ سۆزى ياندىن ئۆتەر ،
تۇغقاننىڭ سۆزى جاندىن ( ئۆتەر ) .
ياتنىڭ شەھرىدە بوينۇڭنى قىس ،
ئۆزۈڭنىڭ شەھرىدە قوڭۇڭنى قىس .
ياتنىڭ مېھمانخانىسىدىن ،
دوستۇڭنىڭ سامانخانىسى ياخشى .
ياتنىڭ ئوتىنى پۈۋلەپ ساقىلى كۆيۈپتۇ .
ياتنىڭ يېغى يۇقماس .
ياتنىمۇ تۇغقان قىلغان قازاننىڭ ئېشى .
ياتنى ئېشىڭغا تارت ، قېشىڭغا تارتما .
يات ئۈچۈن يىغلىغان ، كۆزىدىن ئايرىلار .
ياتىمەن دەپ ئوتنى ئۆچۈرمە .
يات يۇرتتا تورغايمۇ سايرىماس .
يات يۇرتتا ياقاڭ يىرتىلار .
يات يېگۈچە ، تۇغقان ئۆلگۈچە .
ياخشىلىق تېرىغان ، ياخشىلىق يىغار .
يامانلىق تېرىغان ، يامانلىق (يىغار ) .
ياخشى ئاتاق يېقىنغا تارار ،
يامان ئاتاق يىراققا (تارار ) .
ياخشى ئەر قانىتى ،
ياخشى ئەر ئەل قانىتى .
ياخشى ئاتتا بىر ئەيب .
ياخشى ئات غىلتاڭ يەردىمۇ توختىمايدۇ .
ياخشى ئاتقا بىر قامچا،
يامان ئاتقا مىڭ قامچا .
ياخشى ئاتقا قامچا كەتمەس ،
ياخشى كۆڭۈلگە ئەلچى كەتمەس .
ياخشى ئاتقا ئۆيۈڭنى سات .
ياخشى ئات قېرىسىمۇ ، ئۆز يورغىسىنى تاشلىماس .
ياخشى ئات كۆندۈرۈشكە باغلىق ،
تاخشى بالا تەربىيلەشكە باغلىق .
ياخشى ئات لەۋلىك كېلۇر ،
ياخشى يىگىت پەملىك
مەنبە- « ئۇيغۇر خەلق ماقال-تەمسىللىرى » ناملىق كىتاب | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-28 16:20:46
يوللىغان ۋاقتى 2012-8-28 23:12:29
