ئويغاندىم قەلبىڭدە يانغان سۈبھىدە
ئالاھىدىن ئابدۇرېشىت
ئويغاتتىڭ روھىمنى چۈشلەرگە ئەسرار،
ئويغاندىم قەلبىڭدە يانغان سۈبھىدە.
نۇرلارنىڭ سەتھىدە چاقناقلىقىم بار،
چاقنىدىم نىگاھىڭ يۈكسەكلىكىدە.
× × × ×
سۈكۈتلەر ئۈگدىگەن روھىمدا تىمتاس،
بۇلاقلار ئۇيۇغان قەلبىمدە تەگسىز.
دەريالار كۆك مۇزدىن كىيىشكەن لىباس،
ئويغانماس قىنىمدا ئۇيقۇدىن چەكسىز.
قۇتقازدىم ئۆزۈمنى بار كۈچۈم بىلەن،
كۆزگۈمدىن يىراقلاپ كەتتى ئويغىنىش.
تۈنلەرگە چۆكتىما-شۇڭغۇدۇم تىرەن،
بار مەندە ئەسلىمگە لېكىن، ئىنتىلىش.
چاقىردىڭ، روھىمدا چېقىلدى چاقماق،
دەۋرەتتى جىسمىمنى قانلار شاۋقۇنى.
چاقىردىڭ ھاياتنى، كۈيلىدىم ياڭراق،
كۈيلەر بار ساڭا ھەم، كۈيلەر دولقۇنى!
ئويغاتتىڭ سەن مېنىڭ روھىمنى بەرھەق،
قۇياشتەك مېھرىڭگە تويۇندى قەلبىم.
يوللار بار ئەتەمگە، ئاچتىم تەقمۇ-تەق،
سۆيۈلدۈم ھاياتقا، سۆيۈندى قەلبىم.
ئويغىنىش ئېپ كەلدى ھاياتنى ماڭا،
ئويغاندىم ئاداققىي سۈبھىگە قەدەر.
دۇنيانىڭ كۆزىدە سىنچىلاپ ساڭا،
ئىستەكلەر قەلبىمدە ۋىلىقلاپ كۈلەر.
چاقناتتىڭ روھىمدا ئۆڭگەن تارىخنى،
ئويغاتتىڭ روھىمنى چۈشلەرگە ئەسرار.
ياشناتتىڭ سەن مەندە ئۆلگەن تارىخنى،
قەلبىمدە ھېكمەتتىن تىكلىدىڭ مۇنار!
1994-يىلى، 9-ئاينىڭ 9-كۈنى، يېڭىسار. بۇ يازمىنى ئاخىرىدا alahidin تەھرىرلىگەن. ۋاقتى 2012-8-26 14:56
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-26 14:54:52
يوللىغان ۋاقتى 2012-8-26 15:34:52
يوللىغان ۋاقتى 2012-8-26 23:11:54