ھېكمەتلەردىن تاللانما

كەۋسەر

مىللەتنىڭ خاراپلىقى ئاياللارنىڭ چۈشكۈنلىكىدىن باشلىنىدۇ،ئاياللارنىڭ چۈشكۈنلىكىگە ئەرلەرنىڭ مېھرىبان بولالماسلىقى سەۋەب بولىدۇ.ئەرلەرنىڭ مېھرىبان بولالماسلىقىغا ئۇلارنىڭ ئىتىقادسىزلىقى،كەمبەغەللىك،جاپا-مۇشەققەت كۈچسىزلىك سەۋەب بولىدۇ.  
__ئابدۇقادىر جالالىدىن.  

جۈپتى كۆرۈمسىز ئايال بەخىتسىز ئەمەس،ياخشى يىدۈرۈپ،ياخشى كىيدۈرۈدىغان ئەركەككە يولۇقمىغان ئايالمۇ بەختسىز ئەمەس،ئېرى جەڭلەردە قۇربان بولغان ئايالمۇ بەختسىز ئەمەس،ھەتتا پەرزەنتلىك داغىنى تارتىۋاتقان ئايالمۇ بەختسىز ئەمەس،ئەمما ئوغلانىم شۇ سۆزۈم ئېسىڭدە بولسۇنكى،ئېرى ئىچكۈلۈككە بېرىلىپ كەتكەن ئايال دۇنيادا ئەڭ بەختسىز،ئەڭ غەمكىن،ئەڭ بىچارە ئايالدۇر.  
__ئاتىلار سۆزىدىن.  


ياخشىلىق قىلالمىساڭ،يامانلىق قىلما،ياخشىلىقنى بىلمىسەڭ،ياخشىلارغا قوشۇل، ياخشىلا قاتارىدا بولالمىساڭ،ياخشىلار ئەتراپىدا يۈر.  
__ئەلشىر نەۋائىي  

ئەگەر سىز ئابروي ساقلايمەن دېسىڭىز،پەزىلەتلىك ئادەملەر بىلەن يېقىنلىشىڭ،يامان توپقا كىرىپ قالغاندىن كۆرە يالغۇز ئۆتكەن ئەۋزەل.  
__ژ.ۋاشىنگتون  

بىلىڭلاركى.بۇ زامان غەبلەت ۋە بىپەرۋالىقنىڭ زامانىسى ئەمەس.بەلكى ئويغىنىش ۋە سەزگۈرلۈك زامانىسىدۇر.جاھىللىق ۋە نادانلىق دەۋرى ئەمەس.ئىلىم-مەرىپەت دەۋرىدۇر.سۇسلۇق ۋە بىكارچىلىق ۋاقتى ئەمەس.تېرىشىش ۋە غەيرەت-ئىجتىھات ۋاقتىدۇر.  
__ئابدۇقادىر داموللام  

ئۆتۈپ كەتكەن كۈنلىرىڭ ئۈچۈن پۇشايمان قىلما،كەلگۈسىڭ ئۈچۈن غەم قىلما،پەقەت بۈگۈنكى بىر كۈنۈڭنى ئۈنۈملۈك،نەتىجىلىك ئۆتكۈزسەڭ كېيىنكى غەملىرىڭ ئۆزلىكىدىن ھەل بولىدۇ.  
__دالى كارنىك  

ئۆلۈم بىلەن ھاياتلىق پەقەت بىر قېتىملا كېلىدۇ،شۇڭلاشقا تۇغۇلۇشنىڭ ئەھمىيىتى،ئۆلۈشنىڭ قىممىتى بولىشى كېرەك.  
__دانالار ھېكمەتلىرىن  

بەزى چاغلاردا كېچىكىپ ھېس قىلغانلىقىڭىزنى،ھېس قىلغان ۋاقتىڭىز شۇ ئىشنىڭ دەل ۋاقتى-سائىتىدۇر...  
ئۆگىنىش قىلىشقا ۋاقىت كەمچىللىك قىلمايدۇ،كەم بولغىنى تىرىشچانلىق!  

ئادەم ھايالىق ۋە ئەدەپلىك بولسا ھۆرمەت كۆرىدۇ.ئەدەپ ھۆرمەتسىزلىكنىڭ ئىشىكىنى ياپىدۇ ۋە ئادەمنى مەسخىرە قىلىش،كەمسىتىشتىن ساقلايدۇ.ئەدەپ ئادەمنىڭ تەبىئىتىگە ئىنسانىي پەزىلەت بەخىش ئېتىدۇ ۋە كىشىلەرنىڭ مىجەزىگە ئارام بېرىدۇ.ھەر زامان ئەدەپلىك بول،ئەدەپتىن دوستلۇق جۇلالىنىدۇ،مۇھەببەت زىننەت تاپىدۇ.  
__ئەلشىر ناۋائىي  


ئىسكەندەر زۇلقەرنەيىننىڭ گېنېرالى تورىم شۇنداق دېگەنىكەن؛ مەدەنىيەت يادىكارلىقلىرى بۇزغۇنچىلىققا ئۇچرىغان جايدا،كىشىلەرنىڭ ئۆز ۋەتىنى،خەلقى ۋە تارىخىغا نىسبەتەن قىزغىن مۇھەببىتى قالمايدۇ،شۇنداقلا ئارمىيە،جەڭچىلەردىمۇ باتۇرلۇق ۋە ئۆز-ئۆزىنى قۇربان قىلىشتەك مىللي روھ ئۆلىدۇ.ئۆزلىرىنىڭ شانلىق تارىخىنى ئېسىدىن چىقىرىپ قويغاندا،پۇقرالار ئۈستىۋېشى جۇل-جۇل،ئاچ-يالىڭاچلىقتا قالغان سەرگەردانلارغا ئايلىنىدۇ.مۇنداق كىشىلەردە قورساق تويغۇزۇشتىن باشقا ئىستەك بولمايدۇ.  
__ئابدۇقادىر جالالىدىن ماقالىلىرىدىن  

زەپەر

تەربىيەۋىي ئەھمىيتى يۇقىرى بولغان تىمىكەن كەۋسەر ئەپەندىم  تىمىلارغىمۇ ئىنكاس يېزىپ قۇيۇڭ ھە

◤pari◥

ياخشى بولغان ھېكمەت دوردانىلىرىكەن  رەھمەت

umid0998

ھىكمەت دەپ چاڭقىغان دىللىرىمىزغا ھىكمەتلەرنى تەقدىم ئىتىپسىز، رەھمەت سىزگە بۇرادەر. ھەقىقەتەنمۇ قەلب تۆرىمىزگەيىزىۋالغۇدەك ھىكمەتلەر ئىكەن.