<<بىزنى بۇزغان جەمىيئەت>> (خەنجەر )

خەنجەر

<<بىزنى بۇزغان جەمىيئەت>>  

ساتىرا  

(خەنجەر  )

يازماقچىمەن تورداشلارئوقۇپ بېقىڭ بىر غەزەل ،  
تۆلىسەكمۇ ئەرزىيدۇ مىللەت ئۈچۈن زور بەدەل .  
بىللە يىسە غۇرىنى ،تېتىيدىكەن قەن ھەسەل ،  
تەڭ تارتايلى بۇدەرتنى <<بىز ھەممىمىز جەمئىيەت >>  


قاراپ باقسام جاھانغا، ئادىل ئىكەن سىياسەت،  
ئىنساپ قالماي خەقلەردە ئۆزگەرمەكتە قىياپەت.  
قۇياشقىمۇ ئايغىمۇ چۇشۇپتىمىش ،جاراھەت،  
ئىنساپسىزنى كۆپەيتىپ ،<<بىزنى بۇزغان جەمئىيەت>>.  


نەچچە قىزلار مودا دەپ ئۇچۇق قويدى مەيدىنى ،  
ئىشتانلىرى پاتمىسا يىرتىپ كەيدى كەينىنى .  
قاۋاقلاردا كۆرۇشۈپ ھەتتا سېرىق< دەي >لىنى،  
سەبى كېچىك قىزلارنى <<بۇزىۋەتتى جەمئىيەت >>.  

ئۇچۇر دەۋرى دەپ يۈرۈپ ئۇچۇرۋەتتۇق كوپتىنى ،  
خۇددى كالتە ئىشتاندەك كىيىۋالدۇق يوپكىنى.  
ئېسىۋالدۇق مۆرىگە ھەرخىل رەڭلىك سومكىنى ،  
رەڭسىزنى رەڭلىك قىلىپ ،<<بۇزىۋەتتى جەمئىيەت >>.  

ئۇتتۇرۋەتتى نەچچىسى خۇتۇنىنى دو ،تىكىپ ،  
خاراپ بولدى نەچچىسى ئىچكىرلەردە ئاق سېتىپ .  
چىكىپ تۇرۇپ نەچچىسى ،قاپتىمىش شامدەك قېتىپ ،  
ياشلارنىمۇ ياشارتماي ،<<بۇزىۋەتتى جەمئىيەت >>.  

ئېغىز ئاچسا ھايادىن خۇراپىي دەپ تىللىدۇق،  
چىرايلىقنى ھەممىمىز رىستۇرانغا چىللىدۇق .  
چىرايلىقنىڭ ئىچىدىن ،ئەڭ (مودىسنى )خىللىدۇق .  
ھايالىقنى ھايۋاندەك <<قىلىپ قويدى جەمئىيەت >>.  

ئەر-ئايالدا ئەسلىدە <<نىكاھ>> دىگەن ئامانەت ،  
ئامانەتكە نەچچىمىز قىلمىدۇقمۇ خىيانەت.  
پاھىشەلەر كۆپىيىپ ئۆتكۈزمەكتە جىنايەت .  
نى-نى ساددا قىزلارنى <<بۇزۇپ قويدى جەمئىيەت >>.  

مۇسۇلىمانغا ئەزەلدىن زىنا بار دەپ كىم دەپتۇ؟،  
قىيامەتنىڭ غېمىنى ئېيتىپ بېقىڭ كىم يەپتۇ ؟.  
ئاخىرەتتىن تىرىلىپ ھازىرغىچە كىم كەپتۇ؟  
ۋىجداننى ھەم ئىماننى <<بۇزۇپ قويدى جەمئىيەت >>.  

كۈندە كۆردۇق ئىلاندىن ئىخلاس ،ئارمان شىركەتنى ،  
مۇسۇلمانغا ئاللاھمۇ بىرىدىكەن ،بەركەتنى .  
يۇقاتمايلى ھەممىمىز ،ۋىجداننى ھەم ھۆرمەتنى .  
يول تاپقانغا ،يول بەرسۇن ھەم توسمىسۇن جەمئىيەت .  

بۇزىۋەتتى جاھاننى نەچچە باشلىق پارە يەپ ،  
خىيالىغا كىرمەيدۇ كىم سايلىغان بىزنى دەپ .  
ئېتىۋەتسا ھۆكۈمەت مىڭىسىنى نەق چەنلەپ ،  
پارىخورلار يۇقالسا ئوڭشىلاتتى جەمئىيەت .  
   
يېزىپ قويدۇم تورداشلار ئاز تۇلا شىئىر- قۇشاق ،  
يېنىكلەيدۇ ھەسرىتىم توردا مۇڭدىشىپ تۇرساق .  
شۇڭلاشقىمۇ مەن تېخى توي قىلمىغان بىر بويتاق .  
توي قىلىمەن بىركۈنى ئوڭشالغاندا جەمئىيەت .

زەپەر

رەخمەت سىزگە خەنجەر ئەپەندىم  مۇنبەرگە كىرىپلا بەك ياخشى بولغان ئىجادىي شىئېر يازمىللىرىڭىزنى يوللاپ مۇنبەر ئەھلىگە سۇنغانلىقىڭىزنى قىزغىن قارشى ئالىمەن .  بەك ياخشى يېزىپسىز . يازغان قۇلىڭىزغا دەت بەرمىگەي .

ئامان

خەنجەر بۇرادەر، يوقاپ كەتتىڭىزغۇ؟! ....
بۇنداق يوقاپ كەتمەي، مۇشۇنداق ئېسىل يازمىلىرىڭىزنى يوللاپ تۇرۇڭ. شېئىرنى ھەقىقەتەن ياخشى يازىدىكەنسىز. رەخمەت سىزگە.