سەلەي چاققان لەتىپىللىرىدىن

زەپەر

                                             شۇتا  سوراش

       - بىر كۈنى قوشنا ئايال سەلي چاققاننىڭ ئايالىدىن  سوراپتۇ :

       - شوتىڭىزنى بېرىپ تۇرسىڭىز ، بىزنىڭ شوتا سۇنۇپ كەتتى . ئۆگزىدىكى كىرلىرىمنى ئېلىپ چۈشۈۋالسام ؟

       - خاپا بولمايلا ، - دەپتۇ بەرمەسنىڭ قازىنىنى ئېسىپ سەلەي چاققاننىڭ ئايالى . - بىزدە ئۆگزىگە چىقىدىغان شوتا بار ، چۈشىدىغىنى يوق...........

       -ۋىيەي،- دەپتۇ قوشنىسى ھەيران بولۇپ ،- ئۆزىڭىز شوتا بىلەن ئۆگزىگە چىقسىڭىز ، كېيىن قايسى شوتا بىلەن چۈشىسىز؟

       -قىزىقكەنلا، - دەپ كۈلۈپتۇ سەلەي  چاققاننىڭ ئايالى ، -چۈشىدىغان ۋاقتىمدا  ئېرىم مېنى ئۆزى شوتا بولۇپ چۈشۈرىۋالدىغۇ.



جامالىنى كۆرسەم



    - مەھەللىمىزدە ئۆي بېسىپلا ھەممىسى رەڭلىك تېلىۋېزور ئېلىپ كەتتى . بىزمۇ ئالايلى، - دەپتۇ سەلەي چاققاننىڭ ئايالى.

    - شەخسەن ماڭا لازىمى يوق ، - دەپتۇ سەلەي چاققان .

    نېمىشقا ؟ - دەپ ھەيران قاپتۇ ئايالى.

     - سېنىڭ يۈزۈڭدىكى رەڭمۇ رەڭ بوياقلارنىڭ ئۆزى رەڭلىك تېلېۋىزوردىن قېلىشمايدۇ. ئۇنى كۆردۈم نېمە، جامالىڭنى كۆرسەم

نېمە ؟- دەپتۇ سەلەي چاققان .



تىنماس قىلىپ ياراتقان ئىكەن



             موللام بىر كۈنى سەلەي چاققانغا :

          - سەيلى - تاماشادا تولا يۈرۈپ ، پۇتۇڭ تېلىپ ئاغرىمامدۇ؟ - دەپتۇ .

              سەلەي چاققان :

           مېنىڭ پۇتۇم بىلەن سىلىنىڭ نەپسىلىرىنى خۇدايىم  تىنماس قىلىپ ياراتقانىكەن. - دەپتۇ.

admin

مۇنبىرىمىزدە نەسىردىن ئەپەندىم، سەلەي چاققانلارغىمۇ ئورۇن بېرىشىمىز كېرەك. قىزىقارلىق ئىكەن. رەھمەت سىزگە!