‹‹چ چ ››رىم

نونى

چ چ رىم

  

مەمتىمىن ياسىن

ئۇچۇر دەۋرى سازىنى چېلىپ كەلدىڭ چ چ رىم،
قىزىلگۈلنى چېكەڭگە قىسىپ كەلدىڭ چ چ رىم،
تۇرمۇشۇمغا توساتتىن كىرىپ كەلدىڭ چ چ رىم،
ھاياتىمغا يېڭىلىق ئېلىپ كەلدىڭ چ چ رىم،
يۈرىكىمگە بىر ئوتنى سېلىپ كەلدىڭ چ چ رىم


«ئوربېتا» دەپ تەخەللۇس قويۇۋالدىم ئۆزگىچە،
چىقىپ تۇردۇم زېرىكمەي قىشتىن تاكى كۈزگىچە،
«كاۋاپ»يېدىم باشقىلار سۇدىن «بېلىق»سۈزگىچە،
ئات چاپتۇردۇم دۆڭ،ئويمان،ھەتتا ئېدىر،تۈزگىچە،
ماڭا كەڭرى پۇرسەتنى بېرىپ كەلدىڭ چ چ رىم.


قېتىۋالدىم ئۆزۈمگە «قەشقەر قىزى»، «ئوماق»نى
ساھىپجامال دەپ بىلىپ ، قوغلاپ يۈردۈم كوماكنى،
بۇ يولدىن ھېچ يانمىدىم يەپ تۇرساممۇ چوماقنى،
مەستانىگە ئايلاندىم ھەتتا ئۇنتۇپ تاماقنى،
يېڭى ئىشنى كۈندە بىر تېرىپ كەلدىڭ چ چ رىم.


سايراپ كەتسەڭ ئايالىم دەرھال كېلەر قېشىمغا ،
سۈرۈشتۈرۈپ تەكتىنى چۆمۈچ تەڭلەر بېشىمغا،
مانا ئەشۇ سەۋەپتىن توپا چۈشتى ئېشىمغا،
ماس كەلمىدى بۇ ئىشلار مېنىڭ 40 يېشىمغا ،
ماڭا چەكسىز دەرت-ئەلەم ئېلىپ كەلدىڭ چ چ رىم.


زېرىكسەم مەن پاراڭدىن ، ئويۇن ئويناپ ھارمىدىم،
ئوچىقىغا خوتۇننىڭ بىرەر كۆتەك يارمىدىم،
ئۆلۈم-يېتىم،توي-تۆكۈن، يوقلاشلارغا بارمىدىم،
ئويلاپ كۆرسەم چ چ دا توغرا يولغا ماڭمىدىم،
خۇمارىمنى ئەشۇنداق بېسىپ كەلدىڭ چ چ رىم.


(داۋامى بار)

火山

ياخشى يېزىپسىز بۇنى ئۆزىڭىز يازدىڭىزمۇ !ھازىرقى رېئال ئەھۋالنى ئەكىس ئەتتۇرگەن ھالدا شۇنداق ياخشى يېزىلىپتۇ!

ئەزىزى

تولىمۇ ياخشى يېزىپسىز. داۋامىغا تەشنامىز.

ئاينۇر

بەك ياخشى يېزىپىسىز قولىڭىزغا دەرت بەرمىسۇن

ياشنار

بارىكاللا دوستۇم، قولىڭىزغا دەت كەلمىسۇن شۇنداق قاملاشتۇرۇپسىزغۇ، داۋامى قېنى سىزنى ساقلاپ تۇرۇپ تۇراي جىمۇ مۇشۇ يەردە.

alahidin

باركەنسەن-دە، مەمتىمىن! قايناپ تۇر!

زەپەر

ئالاھىدىن ئاكا  مەمىتىمىننى تۇنۇمسىز قانداق . ئۇ كىمنىڭ يازمىسى . تەپسىلىرەك چۈشەنچە بەرگەيسىز بۇرادەر

alahidin

ئالاھىدىن ئاكا  مەمىتىمىننى تۇنۇمسىز قانداق . ئۇ كىمنىڭ يازمىسى . تەپسىلىرەك چۈشەنچە بەرگەيسىز بۇرادەر
مەن مەمتىمىن ياسىن بىلەن سابىق شىنجاڭ كۆمۈركان مەكتىپىدە مەكتەپداش بولۇپ ئوقۇغان ھەم ھەر ئىككىمىز بىر ناھىيىدىن، كەسپىمىزمۇ ئوخشاشلا ئوقۇتقۇچى. مەمتىمىن ياسىن ئەينى يىللىرى بىر تۈركۈم ياخشى شېئىرلارنى يېزىپ ئېلان قىلدۇرغان.  ئۇنىڭ «شىنجاڭ گېزىتى» دە ئېلان قىلىنغان بىر پارچە شېئىرىغا مەرھۇم ئالىمىمىز، مۇتەپەككۇر شائىرىمىز ئابدۇشۈكۈر مۇھەممەد ئىمىن مەخسۇس ئوبزور يېزىپ، يۇقىرى باھا بەرگەن. «چ چ رىم» ئەلۋەتتە ئۇنىڭ ئۆز ئىجادىيىتى!

چىچەك

خەجەپ ياخشى يېزىپسىز قولىڭىزغا دەت كەممىسۇن ،رەخمەت

tursunjan

   دەششەت پىچچچچچچچەت   يىزىپ قويۇپسىز  جۇمۇ