مانا بۇ ھەقىقى ئايال

كەۋسەر

مانا بۇ ھەقىقى ئايال

   


مېھرىنى ھەممىگە، سۆيگۈ-مۇھەببىتىنى بىرلا ئادەمگە بېغىشلىيالىغان ئايال ھەقىقىي مۇھەببەتلىك ئايال؛
ھەم جىسمانىي جەھەتتىكى ئاجىزلىقىنى تەن ئالىدىغان، ھەم روھىي جەھەتتىكى كۈچلۈكلىكىنى جارى قىلدۇرالايدىغان ئايال ھەقىقىي قۇدرەتلىك ئايال؛
ھەم پۇل ئۈچۈن ئۆزىنى بۇلغىمايدىغان، ھەم ھالال پۇلى بىلەن مەئىشەت سۈرەلەيدىغان ئايال ھەقىقىي ئەخلاقلىق ئايال؛
گۈزەللىكنى جاھان ئەھلى ئالدىدا نامايەن قىلالايدىغان، لېكىن ئۇنى ھەرگىز بازارغا سالمايدىغان ئايال ھەقىقىي نومۇسلۇق ئايال؛
كۆڭلى بولمىسا، ھەتتا پادىشاھنىمۇ رەت قىلىپ، ئىشقى باغلانسا، كۆك نامراتنىڭمۇ ئايىغىغا باش قويالايدىغان ئايال ھەقىقىي ئىپپەتلىك ئايال؛
ھالۋىنى تولا يېگۈزۈپ زاڭ تېتىتىپ قويمايدىغان، ۋاقتى كەلگەندە كەكرىنىمۇ شېرىن ھېس قىلدۇرالايدىغان ئايال ھەقىقىي خۇلقلىق ئايال؛
ھەم سۆيگەن يارىنىڭ مەيدىسىگە يۆلىنىشنى بىلىدىغان،ھەم يىقىلغان يارىنى پۈتۈن جىسمى بىلەن يۆلەشنى بىلىدىغان ئايال ھەقىقىي ۋاپادار ئايال؛
راستنى ھامان راست دەيدىغان، لېكىن ئۆزگىنىڭ زىل كۆڭلىنى ئايايدىغان يەردە، چىن مەۋقەسىنى باشقىچە شەكىلدىمۇ ئىپادىلەشنى بىلىدىغان ئايال ھەقىقىي سەمىمىي ئايال؛
ئىچى قاينىغاندا توغاندەك ئىچىگە يىغالايدىغان، ئىچى توشۇپ كەتكەندە تاشقىندەك تاشالايدىغان، شۇنداقتىمۇ ئەتراپنى، يىراقنى نەزەردە تۇتالايدىغان ئايال ھەقىقىي سالماقلىق ئايال؛
چوغنى پۈۋلەپ ئوت قىلىپ، ھۇۋۇلداپ قالغان ئائىلىنى ئىللىتالايدىغان، لېكىن لاۋۇلداپ تۇرغان ئوتقا ماي چېچېپ ئۆينى يانغىنغا ئايلاندۇرۇۋەتمەيدىغان ئايال ھەقىقىي ئەقىللىق ئايال؛
ئۆزىنى قەدىرلىگەنگە قۇللارچە ئىتائەت قىلىشنى بىلىدىغان، ئۆزىنى خارلىغانغا باتۇرلارچە قارشى چىقىشنى بىلىدىغان ئايال ھەقىقىي غورۇرلۇق ئايال؛
ھېجران ئازابى ئىچىدە ئۆمۈر بويى يارىنى كۈتۈپ ئولتۇرالايدىغان، بېشىغا جۇدالىق كەلسە، كۆز ياشلىرىنى سۈرتۈۋىتىپ، يەنە يېڭىۋاشتىن ھاياتنى سۆيەلەيدىغان ئايال ھەقىقىي ساداقەتمەن ئايال؛
بالا ئۈچۈن ئانا زېمىندەك بارلىق ئېغىرچىلىقىنى كۆتۈرۈپ ئىڭرىمايدىغان، ھەتتا قورساقتىكى بالىسىنىڭ ئامان-ئېسەن تۇغۇلىشى ئۈچۈن كۈلۈپ تۇرۇپ جان بېرەلەيدىغان ئايال ھەقىقىي پىداكار ئايال؛
پەرزەنتىنى تۇنجى ھەم ئۈمۈرلۈك ئۇستاز سۈپىتىدەتەربىيلەشنى بېلىدىغان ھەم ئۆزىنىمۇ شۇنىڭغا لايىق ئۈزلۈكسىز تەربىيلەپ ماڭالايدىغان ئايال ھەقىقىي كۆيۈمچان ئايال...
مانا سېنىڭ مۇكەممەللىكىڭ، مۇشۇلارنىڭ ھەممىسى سەندە تاكاممۇللاشسا، سەن ھەقىقىي ئايال، ھەقىقىي كۆيۈمچان ئايال...
مانا سېنىڭ مۇكەممەللىكىڭ، مۇشۇلارنىڭ ھەممىسى سەندە تاكاممۇللاشسا، سەن ھەقىقىي ئايال، ئەڭ ھەقىقىي ئايال!!!

مەنبە: يازغۇچى ئەخمەد ئىمىننىڭ <ئايال> ماۋزۇلۇق نەسىرىدىن ئېلىندى.

ياشنار

رھمەت دوستۇم، ياخشى تېمىلارنى داۋاملىق تۈردە يوللاپ تۇراسىز، بۇ تېمىڭىزنى بەك ياقتۇردۇم.

火山

شۇنداق ياخشى  تېما يوللايدىغان بۇلۇپ كەتىڭلارغۇ ئاداش !راست كەۋسەردەك تاتلىق تېمىكەن بۇ!

مەرىپەت

مەزمۇنى ھەقىقەتەن ياخشىكەن.يارايسىز

زەپەر

رەخمەت كەۋسەر ئەپەندىم يېقىندىن بىرى بەك ياخشى تىمىلارنى يوللاۋاتىسىز . مۇمكىن بولسا ئىجادىي تىمىللىرىڭىزمۇ ئۈزۈلمىگەي . ئەتىكى ئۇرۇن سىزنىڭمۇنبىرىمىز  سىزنىڭ  ئىجادىي يازمىللىرىڭىزنى ساقلاۋاتىدۇ. مۇنبەردىكى بارلىق زىيارەتچىلەرمۇ تىمىڭىزنى ئۇقۇشقا تەييارلىنىۋاتىدۇ . قەنى قايسى تىمىللىرىڭىز ئارقىلىق مۇنبەر ئەھلىگە جاۋاپ قايتۇرالايدىكەنسىز .

زەپەر

رەخمەت كەۋسەر ئەپەندىم يېقىندىن بىرى بەك ياخشى تىمىلارنى يوللاۋاتىسىز . مۇمكىن بولسا ئىجادىي تىمىللىرىڭىزمۇ ئۈزۈلمىگەي . ئەتىكى ئۇرۇن سىزنىڭمۇنبىرىمىز  سىزنىڭ  ئىجادىي يازمىللىرىڭىزنى ساقلاۋاتىدۇ. مۇنبەردىكى بارلىق زىيارەتچىلەرمۇ تىمىڭىزنى ئۇقۇشقا تەييارلىنىۋاتىدۇ . قەنى قايسى تىمىللىرىڭىز ئارقىلىق مۇنبەر ئەھلىگە جاۋاپ قايتۇرالايدىكەنسىز .

ۋېنرا

ھەقىقى ئايال بولماق ھەقىقەتەن بەك تەس ،بۇلۇپمۇ جەميەت تەرەققى قىلۋاتقان ،ماددى ۋە مەنىۋى ئېھتىياج كۈندىن كۈنگە ئېشىپ بېرىۋاتقان مۇشۇنداق بىر دەۋىردە ئۆز شەخسىيىتىدىن ھالقىغان ھالدا مۇكەممەللىككە ئىرىشىش قىيىن بىر ئىش .
تېمىڭىزدىن بەك سۈيۈندۈم ،ئۆز ئۆزىمىزنى ئوپراتسىيە قىلىپ تۇرۇشىمىزغا پايدىسى بولغۇدەك .