ياڭاق بىلەن كېسەل داۋالاش

مەرىپەت

  
    ياڭاق مېغىزىنىڭ دورىلىق قىممىتى يۇقىرى بولۇپ، قان تولۇقلاش، بەلغەم بوشىتىپ ئۆپكىنى ياشارتىش، دەم سىقىلىشنىڭ ئالدىنى ئېلىش، بۆرەكنى ياخشىلاپ، ئۈچەينى راۋانلاشتۇرۇش، جىگەرنى قۇۋۋەتلەپ چاچنى قارايتىش قاتارلىق دورىلىق رولى بار.
   1. قەۋزىيەتنى داۋالايدۇ. ئادەت خاراكتېرلىك قەۋزىيەت كېسىلى بىمارلىرى ھەر كۈنى 3~5 تال ياڭاق مېغىزى پىشۇرۇپ يەپ بەرسە مەنپەئەت قىلىدۇ.

   2. كىچىك تەرەت كۆپ بولۇشنىڭ ئالدىنى ئالىدۇ. ياشانغان كىشىلەرنىڭ كۆپىنچىسىدە كىچىك تەرەت قېتىم سانى كۆپ بولۇش ئەھۋالى كۆرىلىدۇ.ھەر كۈنى كەچتە سۇدا پىشۇرۇلغان ياڭاق مېغىزىدىن ئىككى تالدىن يەپ بېرىشنى ئادەت قىلسا، كىچىك تەرەت كۆپ كېلىشنىڭ ئالدىنى ئالغىلى بولىدۇ.

   3. يۆتەلنى داۋالايدۇ. ياڭاق مېغىزىدىن 90 گرام، ئەبنۇس قېقىدىن 30 گرام نى سۇدا پىشۇرۇپ، كۈنىگە ئۈچ قېتىمدىن يەپ بېرىشنى بىر مەزگىل داۋاملاشتۇرسا ، ئۆپكە ئاجىزلىقتىن بولغان يۆتەلگە مەنپەئەت قىلىدۇ.

   4. باش كېپەكلىشىشنى داۋالايدۇ. ھەر كۈنى ئەتىگەن ئىككى تالدىن ياڭاق يەپ بېرىشنى ئۈچ ئاي داۋاملاشتۇرسا، باش كېپىكىنى كۆرۈنەرلىك ئازايتىدۇ.

   5.بۆرەكتە تاش پەيدا بولۇشنى داۋالايدۇ. ياڭاق مېغىزى، ناۋات، قىچا يېغىنىڭ ھەر بىرسىدىن 500 گرامدىن ئېلىپ، ئاۋۋال قىچا يېغىنى سۇس ئوتتا قىزدۇرۇپ، ئاندىن ياڭاق ۋە ناۋاتنى گۈرۈچتەك پارچىلاپ ئارىلاشتۇرۇپ دورا تەييارلىنىدۇ. ئۇنى ھەركۈنى ئەتىگەن ۋە كەچتە مۇۋاپىق مىقتاردا ئىستېمال قىلىپ بەرسە ، بۆرەكتە تاش پەيدا بولۇشقا مەنپەئەت قىلىدۇ.

   6. بالىلاردىكى ئىچى سۈرۈشنى داۋالايدۇ. ئىككى تال قۇرۇق ياڭاقنى سۇس ئوتتا شاكىلى قارايغۇچە قىزدۇرۇپ، ئاندىن شاكىلىنى ئېلىۋېتىپ، ئىلمان قايناق سۇدا چايقاپ، ئاندىن كۈنىگە بىر قېتىمدىن ، ئۇدا 3~5 كۈن يەپ بەرسە، بالىلاردىكى ئىچى سۈرۈشكە مەنپەئەت قىلىدۇ.

火山

شىپالىق رېتسىپلىرىڭىز ئۈزۈلۈپ قالمىغاي!سىزنىڭ تېمىلىرىڭزنى ئۇقۇپ شۇ بۇيىچە ئىش كۆرۈپ ساغلام بوپ كەتتۇق مانا!

زەپەر

مۇشۇنداق شىپالىق رېستىپىڭىز ئۈزۈلمىگەي . رەخمەت سىزگە