ھايانىڭمۇ ئۆز يولى بارغۇ

كەۋسەر

مۇھەممەتجان راشىدىن


كېلەر بولساڭ ، تۈندە كەل دەيسەن ،
سەۋەبىنى ھاياغا ھەيدەپ .
يۇتۇۋەتتىم مەنمۇ بىر گەپنى ،
قانچە قېتىم ئۆزۈڭگە دەي دەپ .

پىچىرلايسەن تۈندىمۇ يەنە ،
شۇنچە خالىي ، شۇنچە خىلۋەتتە .
ھايانىڭمۇ ئۆز يولى بارغۇ ،
ھالال بولسا سۆيگۈ ، ئەلۋەتتە .

قارا پەردە زېمىن يۈزىدە ،
تىمسىقىلاپ يۈرىيمىز دائىم .
جۇدالىقتا يۈرسەك كۈندۈزى ،
سوۋۇمامدۇ سېنىڭدىن رايىم ؟

ئەمەسمىدى شەپەرەڭ پەقەت ،
كۈندىن قورققان ، كۈندۈزدىن قورققان .
ھايانى دەپ شەپەرەڭ بولساق ،
ئويلىغىنا ، بىزنى كىم تۇغقان ؟

كىم ھەيدەپتۇ ھاياسىزلىققا ،
كۈن ئاستىدا دىدارلاشقاننى ؟
سۆيۈشسەممۇ دىدار دېمەيمەن
تۈن كېچىدە يۈزۈڭ ئاچقاننى .

« ئانا تاغلار » دىن ئېلىندى .

زەپەر

مەنمۇمۇھەممەتجان راشىدىننىڭ شىئېرلىرىنى بەكللا ياقتۇرۇپ ئۇقۇيمەن رەخمەت سىزگە

火山

بەكمۇ ياخشى يېزىلغان شئېر ئېكەن رەھمەت سىزگە