- تىزىملاتقان
- 2012-5-14
- ئاخىرقى قېتىم
- 2012-10-15
- ھوقۇقى
- 99
- جۇغلانما
- 2894
- نادىر
- 0
- تېما
- 67
- يازما
- 172
  
- يوقلىما
- 110
 قىزغىنلىق- 749 سەر
 تىللا- 46 دانە
 تۆھپە- 441 سەر
 شۆھرەت- 737 سەر
  
| سۇئال: ئۆمۈرنى قانداق ئۆتكۈزۈش كىرەك؟
جاۋاپ: ئۆمۈرنى خۇشاللىق ئىچىدە ئۆتكۈزۈش كىرەك.
سۇئال: ئادەملەر ئۈچۈن ياخشى ئىش قايسى؟
جاۋاپ: ئىلىم ئۈگۈنۈش.
س:ئىلىم قانداق نەتىجە بېرىدۇ؟
ج: كىچىك بولساڭ ئۇلۇغ بولىسەن، كەمبەغەل بولساڭ باي بولىسەن.
س: توغرا يول نىمە بىلەن بىلىنىدۇ؟
ج: ئىلىم نۇرى بىلەن.
س: خۇدانىڭ رازىلىقىنى نىمە بىلەن تاپقىلى بولىدۇ؟
ج: ئاتا-ئانىنى خۇش قىلىش بىلەن.
س: كىم بىلەن مەسلىھەت قىلىش كىرەك؟
ج: دانا بىلەن.
س: ياخشى ئادەمنى قانداق تونۇش مۈمكىن؟
ج: ئۈچ ئالامەت بىلەن: ئىلىم خۇمارلىقى، سېخىيلىقى ۋە ئوچۇق چىرايلىقى بىلەن.
س: ساخاۋەتنىڭ چېكى قانداق؟
ج: بار نەرسىنى بېرىش.
س: ئەڭ ياخشى ئىش قايسى؟
ج: ھېكىملەر ۋە ئالىملارنىڭ مەجلىسىدە ئولتۇرۇش ۋە ئۇلارنىڭ سۆھبىتىدىن مەنپەئەت ئېلىشتۇر.
س: ئەڭ يامان ئىش نىمە؟
ج: تىلەمچىلىك.
س: ئارىف(بىلىملىك، ئالىم ) دەپ قانداق ئادەمنى ئاتايدۇ؟
ج: ئۆزىنى باشقىلاردىن كەمتەر ۋە تۆۋەن دەپ بىلىدىغان ئادەمنى.
س: بۇ خىسلەت قانداق ھاسىل بولىدۇ؟
ج: ئالىملار ۋە پۇقرالار سۆھبىتىدىن.
س: مەرىپەتكە ئېرىشىش سەۋەپلىرى نىمە؟
ج: سەۋر ۋە شۈكۈر.
س: دۇنيادا قانداق تۇرۇش كىرەك؟
ج. مۇساپىرغا (بۇ يەردە يولۇچى، ئۆتكۈنچى مەنىدە ) ئوخشاش ، مۇساپىر بىر سارايغا چۈشىدۇ، بىر كىچە قونۇپ، تاڭ ئېتىشى بىلەن كېتىدۇ.
س: مەنزىلگە قانداق يېتىش كىرەك؟
ج: يەڭگىل يۈك بىلەن.
س: ئادەمنىڭ ياخشى -يامانلىقى قانداق بىلىنىدۇ؟
ج: قېرىغاندا ياشلىقىدىكى چوڭچىلىقنى بايان قىلىشى ۋە كەمبەغەلچىلىكتە باي ۋاقتىدىكى ئىشرىتىنى سۆزلىشى بىلەن.
س: دوستنى قانداق چاغدا بىلگىلى بولىدۇ؟
ج: ھاجىتىڭ چۈشكەندە، دوستنىڭ دوست ياكى دوست ئەمەسلىگىنى بىلىش مۈمكىن.
س: قابىلىيەتسىز پەرزەنت نىمىگە ئوخشايدۇ؟
ج: ئوشۇق ئۆسكەن بارماققا، كەسسەڭ ئاغرىيدۇ، كەسمىسەڭ ئەيىپ ھىساپلىنىدۇ.
س: مۇھەببەت قانداق كۈچىيىدۇ؟
ج: ئەيىبىنى يوشۇرۇش بىلەن.
س: گۇناھنىڭ داۋاسى نىمە؟
ج: توۋا قىلىش.
س: دۆلەت ئىگىسىگە قانداق ئىش قىلىش ياخشى؟
ج: مىھماندوستلۇق.
س: قانداق ئادەم نەگىلا بارسا قىزغىن كۈتىۋىلىنىدۇ؟
ج: ئەدەپ- ئەخلاقلىق كىشى.
س: قانداق ئادەم يۈز ئەيىبى بولسىمۇ، ئەيىپكە بۇيرۇلمايدۇ؟
ج: سېخىي ئادەم.
س: ئۇيقۇ ياخشىمۇ ياكى ئۇيقۇسىزلىق؟
ج: ھۇشيارغا ئۇيقۇسىزلىق ، غاپىلغا ئۇيقۇ.
س: تىۋىپ ئىلاج قىلىپ داۋالىيالمايدىغان كېسەللىك قايسى؟
ج: ئەخمەقلىك ۋە ئەبلەخلىك.
س: ياشاشتىن ياخشىراق، ئۆلۈمدىن يامانراق نەرسە نىمە؟
ج: ھاياتتىنياخشىراق نەرسە_ ياخشى نام، ئۆلۇمدىن يامانراق نەرسە_ بەتنام.
س: ھەقىقى دوست قانداق بولىدۇ؟
ج: ئادەملەر ئالدىدا ئەيىبىڭنى ياپىدىغان ۋە ياخشى تەرەپلىرىڭنى ئېيتىدىغان كىشى.
س: ئادەم قايسى ئىشى بىلەن باشقىلارنىڭ كۆڭلىگە ياقىدۇ؟
ج: توغۇرلۇق ۋە ئوچۇق چىرايلىق بىلەن.
س: سادىق دوست قانداق بولىدۇ؟
ج: ياخشىلىق تەرەپتىن ساڭا بەرگەن ۋە يامانلىقتىن سېنى قايتۇرغان كىشى.
س: كۆڭلىنى ئېلىش دىگەن نىمە؟
ج: ئارزۇسىغا يەتمۈزۈش، كۆڭلىنى تىندۇرۇش.
س: دوست قابىلىيەتسىز كىشىگە ئايلانسا ئۇنىڭدىن قانداق قۇتۇلۇش كىرەك؟
ج: ئۇنىڭ قېشىغا ئاز بېرىش ۋە ھالىنى سورىماسلىق بىلەن.
س: ئەقىللىق ئادەم قانداق بولىدۇ؟
ج: كۆپنى بىلىدۇ، ئاز سۆزلەيدۇ.
س: ئادەم قانداق قىلسا تىۋىپقا مۇھتاج بولمايدۇ؟
ج: ئا يەپ ، ئاز ئۇخلىسا.
س: ئادەملەرنىڭ مېنى ياخشى كۆرۈشى ئۈچۈن نىمە قىلىشىم كىرەك؟
ج: مۇئامىلىدە پەقەت راست گەپ قىل، يالغان سۆزلىمە، بىرىگە مۇخالىپ كېلىدىغان ئىش قىلما، قول ۋە تىلىڭ بىلەن باشقىلارغا ئازار يەتكۈزمە.
س: جاھاندا ئەڭ بەختلىك ئادەم كىم؟
ج: ئۆزىنى ساخاۋەت ۋە توغرىلىق بىلەن بىزىگەن ئادەم.
س: ياخشى دوستنىڭ بەلگىسى قانداق؟
ج: خاتالىقىڭنى كۆرگەندە پەند-نەسىھىتىنى ئايىمايدىغان كىشى.
س: قانداق ئادەمدىن بىرەر نەرسە سورىسا بولىدۇ؟
ج: سورىساڭ بىرەلەيدىغان ۋە ئۆزۈڭ سوراشقا پېتىنالايدىغان كىشىدىن.
س: يىغىلىشىمىز ئۈستىگە سىرتتىن بىر ئادەم كىرىپ قالسا قانداق قىلىشىمىز كېرەك؟
ج: ئۈچ ئىشنى قىلىش لازىم: بىرىنچى، كىرىپ كەلسە ، ئولتۇرۇشقا دەۋەت قىلىش، ئىككىنچى، ئۇ كىشى ئولتۇرۇپ بولغاندىن كىيىن ئۇنىڭغا يۈز تۇرانە قاراش،ئۈچىنچى، ئۇ كىشى بىرەر ئىش ياكى مەسىلە ھەققىدە سۆزلىسە ، جاۋاپ بېرىش.
س: ئادەملەردىن قانداقراقى بەختلىكرەك؟
ج: دۇنيادىكى قارىمۇ قارىشىلىقلاردىن خاپىلىق تارتمايدىغان ئادەم.
س: قانداق شېرىنلىكنىڭ ئاخىرى ئاچچىق؟
ج: باشلىقنىڭ.
س: قانداق پەسلىك (تۆۋەنلىك )ھەممە يۈكسەكلىكلەردىن يۈكسەكرەك؟
ج: كەمتەرلىك.
مەنبە: ‹‹ ئەشيالار خاسىيىتى ۋىسال شادلىقى ›› دىگەن كىتاپتىن |
|
يوللىغان ۋاقتى 2012-8-12 11:04:19
يوللىغان ۋاقتى 2012-8-12 11:14:46
يوللىغان ۋاقتى 2012-8-13 00:08:13
