سەن قانداق مۇئەللىم؟

saba007

سەن قانداق مۇئەللىم؟

سابا

سورىدىڭ ئەي نادان مەندىن بىر سۇئال،
‹‹ سەن قانداق مۇئەللىم،كۈنلىرڭ نىھال؟
باشقىلار سىرىتتا ئوينىسا ھەر چاغ،
نە ئۈچۈن سەن داۋام مەكتەپتە قامال؟››

ئويلىدىم ‹‹مەن زادى قانداق مۇئەللىم؟››،
سۇئالىڭ تەپتىدىن تاشتى تاقىتىم.
ۋەلىكىن بايقىدى غورۇر –ۋىجدانىم،
ئۇ،دىدى-سەن ئەسلى مۇنداق مۇئەللىم.

مەرىپەت نۇرىنى ئەلگە تاراتقان،
زۇلمەت بېشىنى يەرگە قاراتقان.
ئەجرىڭدىن ۋەتەنگە تۆھپە ياراتقان،
بىلگىنكى ھىممىتىڭ شۇنداق مۇئەللىم.

نە بولماس سېنىڭدە ۋاقىتلەر پايخان،
مىھرىڭ گويا بىر دېڭىز،دولقۇنلاپ ئاققان.
سەبىيلەر ئۈمۈتتە تەلمۈرۈپ باققان،
مىھرى ئوتلۇق،گوياكى گۇلخان مۇئەللىم.

بۈيۈكلىكلەر بابىدا ئانىلار قاتارى،
سەبىيلىكلەر بابىدا بالىلار قاتارى.
سۆيۈملىكلەر بابىدا ئاتىلار قاتارى،
ئىززەت-ھۆرمەت تۆرىددە پىنھان مۇئەللىم.

قان-تەرىڭنىڭ بەدىلىگە قۇتلار تاپىسەن،
شېغىل،قورامتاشلاردىن ئالتۇن سوقىسەن.
باشقىلارنىڭ بەختىچۈن ئوتقا پاتىسەن،
پىداكارلىق بابىدا ۋولقان مۇئەللىم.

ئەجداتلار تىلىگى يۆلەكتۇر ساڭا،
مىھرىبان ئانىلارمۇ قىلىدۇ دۇئا.
ئەۋلاتلار ھۆرمەتتە توۋلايدۇ ‹‹ھۇررا››،
ئەل-ۋەتەن خەلققە ياققان مۇئەللىم.

2012-5-8

مەنبە: ئۆز قەلەم

ئامان

بارىكاللا دوستۇم. بۇ شېئىرنى شۇنداق ياخشى يېزىپسەن، ئوقۇتقۇچىنى، ئوقۇتقۇچىنىڭ ئەمگىگىنى چۈشەنمەيدىغان كىشىلەرنىڭ سۇئالىغا شۇنداق ياخشى، ئورۇنلۇق جاۋاپ بېرىپسەن. بىز شۇنداق مۇئەللىم: بارلىقىنى مىللەتنىڭ، خەلقنىڭ ساپاسىنى ئۆستۈرۈشكە، بىلىم ئارقىلىق، ئىنسانى قەدىر قىممەت، ئادىمىلىك پەزىلەت بىلەن ياشاشقا يېتەكلەشكە بېغىشكىغان ئوقۇتقۇچى ۋە ئاقارتقۇچىلارمىز!
رەخمەت ساڭا، مۇشۇنداق سەرخىل تېمىلىرىڭ ئۈزۈلۈپ قالمىغاي.

زەپەر

رەخمەت سىزگە بۇ شىئېرنى بەك ياخشى يېزىپسىز . سىزگە ئۇتۇق تىلەيمەن . يازمىللىرىڭىز ئۈزۈلمىگەي.

تايلاق

ئوقۇتقۇچىلارنىڭ ئەجرىنى چۈشەنمەيدىغانلارغا ياخشى ئەينەك بوپتۇ، بۇ شېئىر.

umid0998

شۇنداق ياخشى يىزىلىپتۇ، مۇئەللىمنىڭ ئەجرىنى چۇشەنمەيدىغان، ماددى مەئىشەتكە بىرىلىپ،روھىيتى جاڭگالغا ئايلانغان كىشىلەرگە تەڭلەنگەن خەنجەر بولۇپتۇ. مۇشۇنداق تىمىلىرىڭىز ئۇزۇلمىگەي.

火山

سىزنىڭ يازغان شېرلىڭىز شۇنداق ياخشى چىقىدىكەن !ممەنمۇ دوراپ يېزىپ باقاي دەپ خېلى كۈچىدىم لېكىن ياخشى يازالمىدىم !سىزگە قايىلمەن

saba007

火山 يوللىغان ۋاقتى  2012-8-12 18:16
سىزنىڭ يازغان شېرلىڭىز شۇنداق ياخشى چىقىدىكەن !ممەنمۇ  ...

رىغبەتلەندۈرگىنىڭىزگە رەخمەت. مەنمۇ بىر ھەۋەسكار .   سىزنىڭ تىمىللىرىڭىزمۇ مېنى ناھايتى قىزىقتۇردى ئۆزگىچە تىمىلارنى يوللايدىكەنسىز.  مەزمۇنى تولىمۇ كۆپ خىل...

alahidin

بۇرادەر سابا، كۆڭلۈمدىكى گەپنى دېسەم،  سەن ئالدى بىلەن «مۇئەللىم» دېگەن سۆزنى توغرا يېزىشنى ئۆگىنىۋال! بولمىسا باشقىلارنىڭ «سەن قانداق مۇئەللىم؟» دېگەن سۇئالى سېنى يەنچىۋېتىدۇ! يەنە بىرگەپ، شېئىرىڭنىڭ تۇنجى كۇبلېتىدىكى «ئىشلىرىڭ نىھال؟» دېگەن نېمە گەپ زادى؟ سېنىڭ لۇغىتىڭدە «نىھال» دېگەن سۆزنىڭ مەنىسى نېمە؟!

saba007

alahidin يوللىغان ۋاقتى  2012-8-13 00:13
بۇرادەر سابا، كۆڭلۈمدىكى گەپنى دېسەم،  سەن ئالدى بىلەن ...

ئەلۋەتتە ‹‹قانداق›› دىگەن مەنىنى بىلدۈرىدۇ..

KKOKYAR

ئۇيغۇرتىلى گۈزەل تىل،‹‹سەن››دىگەننى ‹‹سىز››دەپ ئۆزگەرتسىڭىز قانداق بۇلا؟.يېقىملىق تۇيغۇ بىررەرمىكىن دەيمەن.