ئۆلۈم ئالدىدىكى ھىس-تۇيغۇ
(ئۆلۈم ھەممىمىزنىڭ بىشىدا بار، ئۆلۈمنى ئويلىمىغان كىشى ھاياتلىقنى قەدىرلەشنى بىلمەيدۇ!)
ئامېرىكىلىق داڭلىق بىر پىسخولوگ ۋە پىرافىسۇر 150 نەپەر ئۆلۈش ئالدىدىكى ۋە نەپەستىن توختاپ قۇتقۇزىۋىلىنغان بىمارنى كۆزۈتۈپ تەتقىق قىلىش، ئۇلاردىن ئەھۋال ئىگىلەش ئارقىلىق ئۆلۈمنىڭ ھەقىقىي قىياپىتىنى ئىچىپ بىرىشكە تىرىشقان. ئۇنىڭ بايقىشىچە ئۈلۈم ئالدىدىكى كىشىلەر تۆۋەندىكىدەك ھىس-تۇيغۇلاردا بۇلىدىكەن:
1.ئۆزىنىڭ ئۆلۈم خەۋىرىنى ئاڭلاش. ئۇلار ئۆز قۇلىقى بىلەن دوختۇر ياكى ئەتراپىدىكىلەرنىڭ ئېنىق قىلىپ «ئۇ بۇلالمىدى» ياكى «جان ئۈزدى» دىگەن گېپىنى ئاڭلاش، بۇنداق ۋاقىتتا ئۇ روھى جەھەتتىن ئىنتايىن ئازابلىنىدۇ.
2.ئەزەلدىن ھىس قىلىپ باقمىغان راھەتنى ھىس قىلىش. بىر خىل خاتىرجەملىك، راھەت ھېس قىلىدۇ. ئاۋۋال ئازابلانغاندەك ھېس قىلسىمۇ، بۇ خىل ھېسسىيات بىردەمدە ئۆتۈپ كىتىدۇ، كېيىن ئۆزىنى بىر قاراڭغۇلۇقتا لەيلەپ قالغاندەك بولۇپ ئەزەلدىن ھېس قىلىپ باقمىغان راھەتنى ھېس قىلىدۇ.
3.غەيرى ئاۋازنى ئاڭلاش. قۇلاق تۈۋىدە ئاجايىپ بىر غەيرى ئاۋاز ئاڭلانغاندەك ھېس قىلىدۇ.
4.قاراڭغۇ بوشلۇققا كىرىپ قالغاندەك ھىس قىلىش. بىرەيلەننىڭ ئۇنىڭغا ئىيتىپ بېرىشىچە خۇددى قاراڭغۇ ئۆڭكۈرگە بىرسى سۆرەۋاتقاندەك، ھاۋاسىز بوشلۇقتا ئىسىلىپ قالغاندەك ھېس قىلغان.
5.روھى تىنىدىن ئاجراپ كەتكەندەك بولۇش. سۇغا چۈشۈپ كېتىپ قۇتقۇزىۋىلىنغان بىر كىشىنىڭ ئىيتىپ بىرىشىچە خۇددى پەيدەك لەيلەپ ئۆز روھىنىڭ جىسمىدىن ئاجراپ كەتكىننى كۆرگەندەك بولغان.
6.گىپىنى باشقىلار ئاڭلىيالمايدۇ. ئۇلار شۇنداق كۈچەپ ئەتراپىدىكىلەرگە گەن قىلىشقا تىرىشسىمۇ، ئەتراپىدىكىلەر ئۇنىڭ نېمە دەۋاتقانلىقىنى بىلەلمەيدۇ.
7.بەدەنلىرى كىرىشىپ كىتىۋاتقاندەك ھىس قىلىش.
8.ئەزالىرى سەزگۈلىشىپ كىتىدۇ. كۆرۈش، ئاڭلاش سىزىمى بۇرۇنقىدىن سەزگۈرلىشىپ كىتىدۇ. گۆر ئاغزىدىن قايتىپ كەلگەن بىر ئوغۇل بالىنىڭ ئىيتىپ بېرىشىچە، ئۇنىڭ كۆرۈش سېزىمى ئەزەلدىن ئۇ ۋاقىتتىكىدەك ياخشى بولۇپ باقمىغان.
9.پىكىر ئالماشتۇرۇشقا ئامالسىز قىلىش. بۇ ۋاقىتتا باشقىلار بىلەن پىكىر ئالماشتۇرۇشقا ئامالسىز قالىدۇ، قاتتىق يالغۇزلۇق ھېس قىلىدۇ.
10.ئەتراپىدا كىشىلەر ئۇنىڭغا ھەمرا بولىدۇ. بۇ ۋاقىتتا سەكراتتىكى كىشىنىڭ ئەتراپىدا نۇرغۇن كىشىلەر بولدۇ. بۇ كىشىلەر بىر بولسا سەكراتتىكى كىشىنىڭ خاتىرجەم كۆز يۇمىشىغا تەسەللى بېرىدۇ ۋە ياكى ئۆلۈمىڭ يېقىنلاپ كەلدى دەپ ئۇ كىشىگە قورۇقۇنۇچ سالىدۇ.
11.يورۇقلۇقنى كۆرگەندەك بولىدۇ.
12.ھاياتلىق مۇساپىسىنى ئەسلەپ چىقىدۇ. بۇ ۋاقىتتا كىشىنىڭ پۈتۈن ھايات كارتىنى سۈرەتتەك بىر-بىرلەپ كۆز ئالدىدىن ئۆتىدۇ.
13.ھاياتلىقتىن ئايرىۋىتىلگەندەك ھىس قىلىدۇ. بۇ ۋاقىتتا كىشى ھاياتلىقتىن ئايرىلىپ چەت يەرلەرگە بىرىپ قالغاندەك، ئەتراپىنى پۈتۈن تۇمان ۋە سۇ قاپلاپ تۇرغاندەك ھېس قىلىدۇ.
14.ھاياتلىققا قايتىپ كىلىش. ئەگەر تەلىيى ئوڭدىن كىلىپ قۇتقۇزۇپ قىلىنسا، ھاياتلىققا قايتىپ كېلىدۇ. ئۇنداق بولمىسا يىڭى بىر ھاياتلىقنى باشلايدۇ. بۇ ۋاقىتتا بۇ كىشىنىڭ ھاياتىغا قايتىدىن باھا بىرىلدۇ، بۇ باھا بۇ كىشىنىڭ مەرتىۋىسى ۋە ئورنىغا ئەمەس بەلكى باشقىلارغا يەتكۈزگەن مېھرى-مۇھەببىتى بولىدۇ.
مەنبە: «ئۈرۈمچى كەچلىك گىزىتى»
بۇ يازمىنى ئاخىرىدا ئامان تەھرىرلىگەن. ۋاقتى 2012-8-11 05:40
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-11 05:36:09
يوللىغان ۋاقتى 2012-8-11 08:26:44
يوللىغان ۋاقتى 2012-8-11 10:45:23
يوللىغان ۋاقتى 2012-8-11 13:33:37
