ئايال بىز

saba007

ئايال بىز

نەرمى خانىم

مېھرى ئوتقاش تاۋلانغان،  
چېھرى قۇياش نۇرلانغان.  
رىشتى تۇتاش باغلانغان،   
قەلبى ئاسمان ئايال بىز.   

مۈشكۈل بولسا يولىمىز،  
قورقۇپ قالماس كۆزۈمىز.  
مەزمۇت-چەبدەس پۇتىمىز،   
داۋان ئاشقان ئايال بىز.  
  
ئەقىل  بېرىپ بالىغا،   
مۇڭداش بولدۇق ئانىغا.   
ساداقەتمەن يارىغا،  
بەك كۆيۈمچان ئايال بىز.

يوقاتقانغا ئۆكۈنمەي،  
بەدەل تۆلەپ چېكىنمەي.   
دەي-دەيچىگە بېكىنمەي،  
پاك ياشىغان ئايال بىز.   
  
رازى بولغان ئانىسى،   
دۇئا بەرگەن دادىسى.   
بەخت قۇچقان بالىسى،   
مېھرى ۋولقان ئايال بىز.  
  
ئۈگۈت ئالغاچ ئانىدىن،  
ھەسەل تامغان ئېشىدىن.   
غەملەر كەتمەس بېشىدىن،   
دىلى غەمخان ئايال بىز.  
  
قەلبىدە مىڭ ئارمانلار،  
دەرتكە دالدا دەرمانلار.   
توسۇيالماس تۇمانلار،   
ھاياتقا قالقان ئايال بىز.   
  
بىز مىللەتنىڭ ئانىسى،  
پەرزەنت تەخت-تاجىسى.  
ھاياتنىڭ پاكلىق ئەلچىسى،  
گۈل ۋە گۈلخان ئايال بىز.

   

مەنبە___ ئانا تۇپراق تورى

ۋېنرا

شېئىرىڭىزنى ئۇقۇپ ئايال بولغانلىقىمدىن شۇنداق پەخىرلەندىم ،ھەم ئاياللىق مەسئۇليەتنىڭ نەقەدەر ئېغىرلىقىنى يەنە بىر قېتىم تۇنۇپ يەتتىم .رەخمەت سىزگە !   لىكىن سۈرەتلەرنى چىقىدىغان قىلغىلى بولارمۇ ھە !

ياشنار

بەك ياخشى شېئىركەن بۇ، لىكىن بىر تەھرىرلەپ ئەۋەتكەن بولسىڭىز بوپتىكەن.

◤pari◥

ياخشى شېىركەن بىراق تەھرىرلەپ قويسا بولغىدەك!!

barqin

شىئىرنىڭ مەزمۇنى ياخشى ئىكەن