ئەلۋىدا

ياشنار

ئەلۋىدا

كۈلۈپمۇ باقمىدىم دۇنياغا كېلىپ،

يۈرىكىم ھەسرەتتىن ئاچچىق ئۆرتىنىپ.

ۋاز كەچتىم ھەممىدىن ئەبەدىل-ئەبەد،

زىرىكتىم ھاياتتىن كەتتىم سەسكىنىپ.



سۈيۈپمۇ باقمىدى ھاياتمۇ مېنى،

راھەتمۇ ئەمەسكەن ئەللەيلەتكىنى.

چۈش كۆرۈپ پېتىپ قالدىم ئازاپقا،

ئەمەلىيەت ئەمەسكەن چۈشتە كۆرگىنى.



زارلاندىم ھاياتتىن بىغۇبار ئىدىم،

نەپرەتكە ھەر زامان ھەمنەپەس ئىدىم.

سورىدى رەقىبلەر ھالىڭ قايدا دەپ،

نەئامال نەپرەتتە مەن ئاچچىق كۈلدۈم.



ئەلۋىدا ئازاپلىق كۈنلىرىم مېنىڭ،

ئەلۋىدا ۋاپاسىز دوستلىرىم مېنىڭ.

كېتەرمەن دۇنيادىن يىگانە يالغۇز،

مەن كەتتىم ئەلۋىدا دۇنيا سىلەرنىڭ.



مەنبە:  خاتىرەمدىن بىر بەت

barqin

ناھايىتى ياخشى يېزىپسىز ، داۋاملىق مۇشۇنداق لىرىك شىئىرلارنى مۇنبەرداشلارغا سۇنۇپ تۇرۇشىڭىزنى ئۈمىد قىلىمەن.

◤pari◥

ياخشى يېزىلغان شېىركەن .