ئانامنى ھەم شۇنداق سۆيگىن ئايالىم

ياشنار

چىن ۋاپا  مېھرىڭدىن  سۆيىسەن  مىنى،
ساداقەت   بىغىشلاپ  دائىم    نىگارىم.
تىلىكىم   شۇ مىنى سۆيگەنگە  ئوخشاش،
ئانامنى ھەم شۇنداق  سۆيگىن ئايالىم.

ئۇ  بولغاچ  ھاياتىم  گۈلدەك  ياشنىدى،
ئۇ  بولغاچ  قۇياشىم  كۈلۈپ   چاقنىدى،
ئاللاھدىن  تىلىدى    بەختىم   قاچمىدى،
ئانامنى  ھەم   شۇنداق  سۆيگىن ئايالىم.

مەن  ئۈچۈن   باغرىنى   قىلىدۇ   يارە،
مەن  ئۈچۈن  يۈرىكى  ھەتتا مىڭ پارە،
ئامالسىز   قالسام   گەر  تاپىدۇ   چارە،
ئانامنى  ھەم  شۇنداق  سۆيگىن ئايالىم.

ئانام  ئۇ    قەلبىمگە    مەڭگۈ    تۇتىيا،
ئانام  ئۇ  ھەم  بەختىم  بارلىقىم  گويا،
ئانام   ئۇ   جەننىتىم    ئىككىلا   دۇنيا،
ئانامنى ھەم  شۇنداق  سۆيگىن ئايالىم.

مەنبەسى: شىئىرلاردىن تاللانما دىگەن كىتاب

barqin

ئانا دۇنيادا ئەڭ قەدىرلىك ئىنسان، ئانىلارنى ھۆرمەتلەش كائىناتتىكى ھەربىر ئىنساننىڭ مۇققەدەس بۇرچى.

جەمئىيىتىمىزدە بىر قىسىم قىزلار ئېرىنى شۇنچىلىك قەدىرلەيدۇ،لېكىن شۇ سۈيۈملۈك ئېرىنى مۇشۇنداق بېقىپ چوڭ قىلغان ئانىنى قەدىرلىيەلمەيدۇ. ئۇلارمۇ كەلگۈسىدە ئانا بولىدۇ،ئۇلارنىڭمۇ ئۆز ئاتا-ئانىسى ۋە يولدىشىنىڭ ئاتا-ئانىسىنى ھۆرمەت قىلىشنى ئۈمىد قىلىمەن ، ئەرلەرمۇ ئۆز ئاياللىرىغا سادىق ۋە مەسئۇل بۇلۇپ ئۈزىنىڭ مۇقەدەس بۇرچىنى ئادا قىلىشنى ئۇمىد قىلىمەن.

肉孜买买提

بەك ياخشى يېزىپسىز دوستۇم .

saba007

ناھيتى ئەھمىيەتلىك بىر تىمىنى يوللىغان ئىكەنسىز مەن كېچىكىپ كۆرۇپتىمەن.
شىئېردىكى ھىسيات تولىمۇ تەبئى ۋە تەسىرلىك ئكەن.....

گۇلزار

بۇ شېئىرغا بۇ نەسىر تازا ماس كەلگىدەك، ئادرىسىنى يوللاپ قويدۇم .بۇنىمۇ ئاڭلاپ بېقىڭ ،بۇ شېئىر بىلەن بۇ نەسىرنى بىر گەۋدە دىسەك بولغىدەك .
/bbs/forum. ... 6%D8%A7%D9%86%D8%A7

◤pari◥

بەك ياخشى شېئىركەن رەھمەت سىزگە
دۇنيادىكى بارلىق ئانىلارغا بىر سوۋغا: «ئانامنى ئەسلەپ »

دىلكەش

بەك ياخشى شىئىركەن .

maxal348

مەجنۇن تال قەددىنى ئىگىپ مۇلايىم ،
سۇبەرگەن ئوستەڭگە قىلىدۇ تازىم.
ئاق سوت بىرىپ باققان ئانا ئالدىدا،
بۇرچىمىز قانچىلىك ئۆيلايلى دائىم .


ئانىلار بىر قۇلىدا بوشوك تەرۋىتىدۇ ،بىر قۇلىدا دۇنيانى تەرۋىتىدۇ ،
ناھايتى ياخشى يېزىلغان شېئىركەن ماڭا بەكمۇ تارىدى، رەخمەت سىزگە ،