ياخشى ( شېئىر )
ھالال رىسقىمنى مول قىلغان جاپاكەش جۈپ قولۇم ياخشى ،
ياشاشنىڭ تەدبىرى نۇرغۇن ، مېنىڭ تۇتقان يۇلۇم ياخشى .
دەسسىگەن تۇپرىقىم پۇختا، تېنىم مەزمۇت ، ھۇلۇم ياخشى ،
يىقلساق بىرسىمىز دەرھال ، يۈلەيمىز ئۇنى قولتۇقلاپ ،
خوشنىلار مېھرىبان شۇنچە مۇھىتىم ، ئوڭ-سولۇم ياخشى .
بىراۋنىڭ باغىدا گۈللەر ، چاقنىتار كۆزۈمنى ۋال-ۋۇل ،
بىراق ھويلامدا ئۆستۈرگەن بىر تەشتەك گۈلۈم ياخشى .
بېشىمغا قونمىسۇن ئەجرىم قوشۇلمىغان ئامەت قۇشى ،
ئۈزۈم ئىشلەپ ئېرىشكەن نەخ ، بەش-ئون كوي پۇلۇم ياخشى .
ھارام كاۋاپنى بىر چىشلەپ سۇنۇپ كەتتى چىشىم ئاخشام ،
ئوغرىلاپ بەتتە يىگەندىن قولۇم سۇنغان زۇلۇم ياخشى .
بەرگەن قول ھامان ئۈستۈن ، ئالغان قول تۇرار پەستە ،
تەمەگەرلىكتە كۈلگەندىن ئۇشتۇمتۇت ئۈلۈم ياخشى .
دەريادىن ئۆتكۈزۈپ قويغان مىننەتلىك كېمە –پاراخوتتىن ،
خەتەرلىك بولسىمۇ مىننەتسىز قولۋاق-تۇلۇم ياخشى .
« ئۈژمە پىش ، ئاغزىمغا چۈش » مېنىڭ روھىمغا دۈشمەندۇر ،
بېقىپ غاز ، توخۇ –ئۆردەكنى ئالسام جىق تۇخۇم ياخشى .
باشقىلار ئۇچسا ئاسماندا كۈزۈم قىزارمايدۇ مېنىڭ ،
يىقىلماي ئۆگزىگە چىقسام ئابرويۇم چوقۇم ياخشى .
قانىتىم يوق تۇرۇپمۇ ئالارمەن كۆپ ئۈنۈم ياخشى .
كىشىگە چاپلىسام بوھتان ، كىيىن كۈزۈمگە مىخ كىردى .
ئۇنىڭدىن بۆرە-قاۋانغا قوزغىسام جەڭ ھۇجۇم ياخشى .
مەمتىمىن قۇربان ( قاراقاش ناھىيىلىك مەدەنىيەت يۇرتىدىن ) | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-9 11:10:15
يوللىغان ۋاقتى 2012-8-9 12:30:56
يوللىغان ۋاقتى 2012-8-9 14:26:28