ئېرىڭىزنىڭ داۋاملىق قەدىرلىشىگە ئېرىشەي دېسىڭىز...
نۇرغۇن ئاياللار تويدىن بۇرۇنقى چاغلىرىنى، بولۇپمۇ مۇھەببەتلەشكەن چاغلىرىنى تويدىن كېيىنكى كۈنلەردىن ياخشى دەپ ئويلايدۇ ھەمدە ئېرى بۇرۇنقىدىن ئۆزگىرىۋالغاندەك ھېس قىلىدۇ، ئەمەلىيەتتە ئەرلەرنى قانداق جەلپ قىلىش، ئۇلارنىڭ داۋاملىق قەدىرلىشىگە ئېرىشىش ئاياللارنىڭ ئۆزىگە باغلىق. ئەگەر ئېرىڭىزنىڭ داۋاملىق قەدىرلىشىگە ئېرىشەي دېسىڭىز، تۆۋەندىكىلەرگە ئەھمىيەت بېرىڭ:
1. مۇكەممەل ئايال بولۇڭ. مۇلايىم، مېھرىبان ئاياللار زەيتۇن مېۋىسىگە ئوخشايدۇ، ئەرلەر بۇنداق ئاياللارغا خۇددى زەيتۇن مېۋىسىگە ئامراق بولغاندەك ئامراق بولىدۇ.
2. ئازراق مەخپىيەتلىكنى ساقلاڭ. ئېرىدىن بەزى ئىشلارنى مەخپىي تۇتۇش يامان ئىش ئەمەس، ئازراق مەخپىيەتلىكىڭىز بولسا، ئېرىڭىزنى ئۆزىڭىزگە تېخىمۇ تەلپۈندۈرەلەيسىز. نىكاھ تۇرمۇشىدا يېڭىلىق ۋە قىزىقىشلار كۆپ بولسا، تۇرمۇشنىڭ لەززىتى بولىدۇ، ئېرىڭىزنىڭ كىچىككىنە يېتەرسىزلىكىنى كۆرۈپ قالسىڭىز، كۆرمىگەنگە سېلىڭ، باشقىلارغا دەپ يۈرمەڭ، بۇمۇ بىر مەخپىيەتلىك ھېسابلىنىدۇ، ئەمما مەخپىيەتلىكنى ساقلىدىم دەپ، ئېرىڭىزگە زىيادە سىرلىق تۇيغۇ بېرىپ قويماڭ.
3 . ئېرىڭىزنى تۇيۇقسىز خۇشال قىلىڭ. ئادەتتە ئەرلەر ئايالىنىڭ خۇش خەۋەرلىرىدىن سۆيۈنۈپ كېتىدۇ، شۇڭا ئېرىڭىزنىڭ ئېسىدىن چىقىپ قالغان خاتىرە كۈنلەردە ئۇلارغا بىرەر سوۋغا بېرىپ، ئۇنى تۇيۇقسىز خۇشال قىلىۋەتسىڭىز، ئۇنىڭ سىزگە بولغان مۇھەببىتى تېخىمۇ چوڭقۇرلىشىدۇ.(مۇيەسسەر روزى تەرجىمىسى)
مەنبە: شىنجاڭ ئىقتىساد گېزىتى | 
قىزغىنلىق
تىللا
تۆھپە
شۆھرەت
يوللىغان ۋاقتى 2011-8-21 23:04:33