ئوقۇتقۇچى توغرىسىدا

ئوقۇتقۇچى- تەربىيىچى، تەربىيىچى ئالدى بىلەن ئۆزى تەربىيىلىنىشى كېرەك.

ياراملىق ئوقۇتقۇچى- نېمىنى ئوقۇتسا شۇنىڭغا، كىمنى ئوقۇتسا شۇنىڭغا مېھرىنى بېرىدۇ.

مۇۋەپپەقىيەتلىك تەربىيىنىڭ سىرى- ئوقۇتقۇچىنىڭ ئوقۇغۇچىغا بولغان مېھىر- مۇھەببىتىدە.

ئوقۇتقۇچى- ئۆتمۈش بىلەن كەلگۈسى ئوتتۇرىسىدىكى جانلىق ھالقا. .

ئوقۇتقۇچى- بور، قەلەم ۋە كىتابنى گۆھەردىن ئەلا بىلگۈچىدۇر.

ئوقۇتقۇچى- ئىنسانىيەت مەدەنىيىتى ۋە پەننىي بىلىملەرنى تارقاتقۇچى بۈيۈك كىشىدۇر.

ئوقۇتقۇچى- يۈكسەك غايىگە، گۈزەل ئەخلاق-پەزىلەتكە، مول دەۋر مەدەنىيىتىگە ۋە كۈچلۈك ئىنتىزامغا ئىگە كىشىدۇر.

ئوقۇتقۇچى- ئاددىي ئادەم، لېكىن خىزمىتى ئۇلۇغ، ئەنە شۇ ئۇلۇغ خىزمەت ئوقۇتقۇچىنى بۈيۈك قىلىدۇ.

ئوقۇتقۇچى- سەمىمىيەت، كەمتەرلىك، باتۇرلۇق، ھۆرمەت ۋە تىرىشچانلىقنى دوست تۇتقۇچىدۇر.

ئوقۇتقۇچى- قەلبلەرگە نۇر چېچىپ، نادانلىقنى يوقاتقۇچىدۇر.

ئوقۇتقۇچى-«ئوقۇتۇش ماھىرى»لا ئەمەس، بەلكى مۇتەپەككۇر ھەم ئىسلاھاتچىدۇر.

ئوقۇتقۇچى- بارلىق گۈزەللىكلەرنىڭ نامايەندىسى ۋە تەقلىد قىلىشقا بولىدىغان ئۈلگە.

ئوقۇتقۇچىنىڭ ياخشى مىجەز-خۇلقى بىر تال ئۇرۇغقا ئوخشايدۇ، ئەگەر بۇ ئۇرۇق ئوقۇغۇچىلارنىڭ قەلب ئېتىزىغا تېرىلسا، ئۇنىڭدىن خۇشپۇراق گۈللەر پورەكلەپ ئېچىلىدۇ.

ئوقۇتقۇچىنىڭ پۈتۈن پەخرى- ئوقۇغۇچىلار قەلبىگە ئۆزى چاچقان ئۇرۇقىنىڭ بىخلىنىپ چىقىشىدۇر.

ئوقۇتقۇچى - ئىنسانىيەت مەدەنىيىتىنىڭ ئانىسى.

«ئوقۇتقۇچى - ئىنسان روھىنىڭ ئىنژېنېرى»، بۇ ئۇلۇغلارنىڭ تەبىرى؛ «ئوقۇتقۇچى- تىرىشچان باغۋەن»، بۇ خەلقنىڭ مەدھىيىسى؛ «ئوقۇتقۇچى- ئىنسانىيەت مەدەنىيىتىنىڭ ئانىسى»، بۇ تارىخنىڭ ئوقۇتقۇچىغا بەرگەن ئېنىقلىمىسى.

مەنبە: «ئۈرۈمچى كەچلىك گېزىتى»

|