بىزنىڭ مەمەت

tursun123

مەمەت  تېىخى بۇ يىل
       ئاران تۆت- بەش ياش.
              قوللىرى بۇدرۇق،
                      تېنى قاتتىق تاش.


يۈزلىرى ئاپئاق
        ھەمدە قارا قاش.
               ئاسلان ۋە كۈچۈك
                      ئۇنىڭغا يولداش.


ئەتىگەن قوپىدۇ
       يۇيىدۇ يۈزىنى.
               باسمايدۇ چاپاق
                        ئۇنىڭ كۆزىنى.


ئىشتاننى كىيىپ،
          كۆڭلەكنى ساپماي.
                    كۆڭلى تىنمايدۇ
                           مۈشۈكنى تاپماي.


مۈشۈك مىياڭلاپ،
          سالام بىرىدۇ،
                  بۇرۇتلىرى بىلەن
                           سۆيۈپ قويىدۇ.



ئاڭغىچە يېتىپ
         كېلىدۇ كۈچۈك،
                 كۆزلىرى قىسىق،
                           ئەركىلەپ چۈچۈك.


ئاۋايلاپ پۇراپ،
      ئاڭا قارايدۇ.
           قۇيرۇق شىپاڭلىتىپ
                    پۇتىنى يالايدۇ.


چايناپ بېرىدۇ
        ناننى مۈشۈككە،
                 تاشلاپ بىرىدۇ
                          ئالا كۈچۈككە.


ھارۋىنى سۆرەپ
         چىقار كوچىغا
                   كۈچۈكنى باغلاپ،
                            يىپنىڭ ئۇچىغا.


ياساپ داۋانلار،
        توپا توشۇيدۇ .
              زەمبىرەك ياساپ،
                        مۈشۈك قوشىدۇ.

پاقالچەكلىرى
          راسا تۈرۈلگەن
                 قولىدا چىۋىق
                        تالدىن ئۆرۈلگەن.


ئوينايدۇ راسا
        تەرلەپ ھەم پىشىپ،
                قىزىق ئويۇنغا
                         تازا كىرىشىپ.


ماڭىدۇ يوللار
        كېچىدۇ سۇلار.
                  ئارقىدا قالىدۇ
                         دۈمبەش داۋانلار.


‹‹ھوت كۇش›› دەپ ئۇ
             بىرىدۇ كوماندا.
                      توخۇ- ئۆردەككە
                             ياسايدۇ ئاتاكا......


قاچىدۇ چۆجىلەر.....
         ئالدىدا قاقاخلاپ،
                 قوغلايدۇ كۈچۈك
                          ئۇنى پالاخلاپ.


مەمەتمۇ قالماي
          ئالغا چاپىدۇ.
                خىيالىدا ئۇ
                      يىڭىش تاپىدۇ.


شۇنداق قىپ مەمەت
          ئوينايدۇ كۈندە.
                  ھەتتا چۈشىگە
                         كىرىدۇ تۈندە.


چۈشىدە يەنە
         ئۇ بىر قوماندان.
                 ئالغا-ئالغا دەپ،
                        يۈگرەيدۇ ھەر يان.


ئاز كۈندە مەمەت
         چوڭمۇ بولىدۇ.
                  مەكتەپكە بالىلار
                           لىققىدە توشىدۇ.


بەلكى ساۋاقنى
        ئوقۇيدۇ ئەلا،
               باشقىلاردىن
                        قالمايدۇ ئەسلا.


ھەر بىر ئىشىدا
         ئۇ چىچەن، قارام.
                 تۈگىتىپ ئىشىنى
                          ئالىدۇ ئارام.


ھىچقانداق ئىشلار
          قۇتۇلۇپ قالمايدۇ،
                    ئەمما مىلتىقنى
                           ئۇنتۇپ قالمايدۇ.


نىمدىگەن راھەت
          ئات بوپ ئوينىسا،
                   نىمدىگەن راھەت
                           مىلتىقلار ئاتسا.



ئاپتور:   ل.مۇتەللىپ

1944-يىل ئاپرېل، ئاقسۇ              

火山

ياخشى يېزلىغان شئېر ئېكەن رەھمەت سىزگە !
ل.مۇتەللىپنىڭ شئېرلىرنى بولسا  توپلام قىلىپ بىر ئېلكىتاپ قىلىپ يوللىساق قانداق ؟

◤pari◥

ياخشى شېىركەن .

دىلكەش

شۇنداق قىلساق بەك ياخشى بولاتتى.

زەپەر

ياخشى شىئرلاركەن .زىيارەتچىلەرمۇ باشقىلارنىڭ ئەسەرلىرىگە ئۈزىنىڭ كوزقاراشلىرىنى ئوتتۇرغا قويسا بۇلاتتى.

tursun123

مەندە ل.مۇتەللىپنىڭ شېئىرلار توپلىمى بار، ئېلكىتاپ قىلىپ قانداق يوللايدۇ؟ ھەر بىر شېئىرنى بىرمۇ- بىر يازىدىغان ئىشمۇ؟