ئۆمەر ھەييام رۇبائىيلىرى ‹‹ 1 ››

tursun123

مەي ئىچ مەڭگۈ ھايات، ھەيھات، مانا شۇ،
ياشلىقنىڭ دەۋرانى، ئەي زات، مانا شۇ.
گۈل پەسلىدە مەيۇ مەست ئۈلپەت بىلەن،
بىردەم شاد بول، ئەسلىي ھايات مانا شۇ.
******************

مىسالى بىر ئاتۇن كوزا بۇ دۇنيا،
گاھىدا سۈيى بال، زەھەر گاھىدا.
شۇنچە ئۆمرۈم بار دەپ كېرىلمە ئەسلا،
ئېگەرلەكلىك ئەجەل ئېتى دائىما.
**************

كىم ئۇ، گۈزەللەرگە خەندان لەۋ بەرگەن،
دەرتمەنلەرگە جىگەر خۇنىنى زەپ بەرگەن.
تەقدىرىمىز شادلىق بولمىسا، نىمە غەم،
شاد بىز، چۈنكى غەمنى تۈمەنلەپ بەرگەن.
***************

ئالىقاندا لەيلى مەي، يېنىدا سەنەم،
چىمەندە ئولتۇرسا، قۇت بولۇپ ھەمدەم.
مەي ئىچىپ، پەلەكتىن يىمىسە ھىچ غەم،
جاھاننىڭ كەيپىنى سۈرگەي شۇ ئادەم.
**************

‹‹ ئىلاھىيەت ئىلمىن ئۆگەت ›› دىدى دىل،
ئەگەر ئۆزۈڭ بىلسەڭ ماڭا  بايان قىل.
‹‹ ئېلىف ›› دىگەنىدىم ‹‹ بەس ›› دىدى ماڭا،
‹‹ بىر ھەرىپمۇ يېتىدۇ›› كىم بولسا ئاقىل.
***************

مەي ئىچىپ يايرىماق ئادىتىم مېنىڭ،
كۇپۇرلۇق قىلماسلىق ساپ دىنىم مىنىڭ.
تويلىغىن سورىدىم دۇنيا قىزىدىن،
دىدى ئۇ : ‹‹ شادلىقىڭ تويلۇقۇم مېنىڭ.››
**************

مال -دۇنيا ھەسرىتى قىلمىسۇن داغدار،
مەڭگۈ ياشايدىغان كىشى قېنى نەدە بار؟
بىرنەچچە تىنىقىڭ تەندە ئامانەت،
ئامانەتكە ئامانەت بولماقلىق دەركار.
**************

شادلىق ئىزدىمە، ئۆمرۈڭ بىر دەمدۇر،
تۇپراقتا ھەر زەررە كەيقۇبات، جەمدۇر.
جاھانۇ بارلىقنىڭ ئىشى بىراقلا-
ئۇيقۇدۇر، خىيالدۇر، خىيالدۇر ، غەمدۇر

زەپەر

ياخشى روبائىلاركەن .مەي ھاراق شاراپ ئىچىش ئادەمگە نىسپىتەن ئىنتايىن يامان بولغان بىرخىل ئىللەت . ھازىر جەمىيەتتە مەي ئىچكەنلەر ئۈزىنىڭ ھۈششىنى يۇقۇتۇپ جەمىيەتتە ئىنتايىن پاسىپ ھالەتكە چۈشۈپ كېلىۋاتىدۇ. ئۇنداق كىشىلەرنىڭ جەمىيەتتىمۇ قىلچە ئىناۋىتى بولمايدۇ. ياخشى تىما يوللاپسىز رەخمەت

ئامان

ئۆمەر ھەييام رۇبائىلىرى نەچچە ئەسىرلەردىن بېرى تىلىنىڭ ئۆتكۈرلىگى، ئەكس ئەتتۈرگەن پەلىسەپىۋى پىكىرنىڭ چوڭقۇرلۇقى بىلەن پۈتۈن دۇنيا جامائەتچىلىكىنىڭ سۆيۈپ ئوقۇشىغا ۋە ياقتۇرۇشىغا ئېرىشىپ كەلدى. ئاڭلاشلارغا قارىغاندا ئۇ ئۆمرىدە بىرەر يۇتۇممۇ ھاراق ئىچىپ باقمىغانمىش، ئۇ ئۆزى يازغان رۇبائىلىرىدا ھاراقكەش- مەيخورلار مەيدانىدا تۇرۇپ، كىشىلەرنى ھەققانىيەت، ئاقكۆڭۈللۈك، باتۇرلۇق ۋە ئەدەپ-ئەخلاققا ئۈندەپ كەلگەن.
شائىرنىڭ ئەسەرلىرىنى يەنە بىر قېتىم ئوقۇش ئىمكانىيىتىگە ئىگە قىلغىنىڭىزغا كۆپ رەخمەت!

火山

مەندە بۇنىڭ كىتاۋى بار ئىدى ، لېكىن تازا ئۇقۇپ كەتمىگەن ئىدىم رەھمە ت سىزگە ئەمدى بىر كۈرەي