رەھىمسىز رېئاللىق

كەۋسەر

رەھىمسىز رېئاللىق
( ھېكايە )
يى مىڭ

بىر كىشى مەلۇم بىر شىركەتتىكى يېقىن دوستىنى ئىزدەپ بېرىپتۇ .
-سەن ھازىرمۇ بۇ شىركەتنىڭ مۇئاۋىن باش درېكتورىمۇ؟ –دەپ سوراپتۇ .
-شۇنداق ،بىرەر ئىش بارمىدى ؟-دەپتۇ ئۇنىڭغا .
-ئوغلۇم ئوقۇش پۈتتۈردى ، مەن ئۇنىڭ چېنىقىشىنى ، كىشلىك تۇرمۇش تەجرىبىسىنى بېيىتىشىنى ، شۇنداقلا ئانچە-مۇنچە پۇل تېپىشىنى ئۈمىد قىلاتتىم .
-ئۇنداق بولسا ، ساڭا ياردەم قىلاي
-ئەلۋەتتە ، مەن ئەلۋەتتە ئۇنىڭ ئەمگەك ۋە پۇلغا نىسبەتەن توغرا كۆز قاراش تىكلىشىنى ئۈمىد قىلىمەن .
-ئۇنداقتا ، مەن ئۇنى باش درېكتور قىلىپ ئىشلىتەي . باش درېكتور كونكرېت ئىشلارنى ھەل قىلمىسىمۇ بولۇۋېرىدۇ ، مەن ئۇنى كەل دېگەندە كېلىپ ، ئومۇمى خاراكتىرلىك بەزى گەپلەرنى قىلىپ قويسىلا بولىدۇ . ئىش ھەققى يۇقىرى ، مۇكاپاتىمۇ بار تېخى . شىركەت يەنە ئۇنىڭ كۈندىلىك چىقىملىرىنى ئاتچوت قىلىدۇ ، بۇلامدىكەن ؟
-بولمايدىكەن ، خىزمەت ئورنى بەك يۇقىرىكەن ، يەنە باشقا ئورۇن بارمۇ ؟
-ئۇنداق بولسا ، بۆلۈم مۇدىرلىقىنى ئۆتىسۇن ، خىزمىتى تۆۋەندىكىلەر تاپشۇرغان دوكلاتلارغا تەستىق سېلىش ۋە بىر قىسىم ئۇششاق –چۈششەك ئىشلارنى قىلىشتىن ئىبارەت . ئىش ھەققى تۆۋەن ئەمەس ، مۇكاپاتىمۇ بار ، يەنە يېمەك-ئىچمەك ، كاماندروپكا ، ساياھەت پۇللىرى تولۇقلاپ بېرىلىدۇ .
-بۇمۇ سەل يامان ئەمەسكەن ، يەنىمۇ تۆۋەنرەك ئورۇن بارمىدۇ ؟
-ئۇنداقتا، ئورگان درېكتورى بولسۇن ، ھەر كۈنى خىزمەتچى خادىملارغا بۇيرۇق چۈشۈرۈپ ، ئانچە-مۇنچە تەنبىھ بېرىپ قويسىلا بولىدۇ .
مۇكاپات ، كاماندىروپكا ۋە ساياھەت پۇلى ، يەنە تېخى دەم ئېلىش ۋاقتىمۇ بار .
-ئۇنىڭدىنمۇ تۆۋىنى بارمۇ ؟
-بۆلۈم مەسئۇلى ياكى ئاساسىي باشقۇرغۇچى خادىم بولسىچۇ ؟ مۇكاپاتىمۇ بار . ئارىلاپ زىيارەتكە كەلگۈچىلەر بىلەن سۆھبەتلىشىپ قويسىلا بولدى .
-ياق ، مەن ئۇنىڭ كۆپرەك بىر نەرسە ئۆگىنىشىنى ، ئەمگەكنى قەدىرلەيدىغان ئادەم بولۇشىنى ئۈمىد قىلىمەن .
-ئۇنداق بولسا ، ئىشخانا مۇئاۋىن مۇدىرلىقىغا قوياي ، ئىشخانا مۇدىرىغا ياردەملىشىپ ، خىزمەتچىلەرنى باشقۇرىدۇ ۋە نازارەت قىلىدۇ .
-ئۇنىڭدىنمۇ تۆۋەنرەك خىزمەت بارمۇ ؟
-ئەمدى قۇرۇلۇش خادىمى ۋە بۇغالتىرلىقلا قالدى . بۇ ئىككى خىزمەتنىڭ ئورنى ۋە ئىش ھەققى تۆۋەن ، لېكىن پۇل –مۇئامىلە ۋە پىلان جەھەتتىكى نۇرغۇن بىلىملەرنى تەلەپ قىلىدۇ .  كۈندىلىك خىزمەت ۋاقتى 12-13 سائەتتىن ئاشىدۇ . كۈندە يېرىم سائەتلا تاماق ۋاقتى بار .
-ئوغلۇم بۇنى ماقۇل كۆرەرمۇ ؟
-ئەمما بۇ ئشنى قىلىش ئۈچۈن ھېچبولمىغاندا ماگىستىرلىق ئۈنۋانى بولۇشى ، ئىنگىلىز ، فىرانسۇز تىللىرىنى بىلىشى ، يەنە يېتەرلىك خىزمەت تەجرىبىسى بولۇش كېرەك
...
شىنجاڭ ياشلىرى ژۇرنىلى 2007.5

ئەزىزى

بىلىمى تۆۋەنلەر كاتتا ئەمەلدار،مائاشنى كۆپ ئالىدۇ،  بىلىمى بارلار ئىشنى كۆپ قىلىپ مائاشنى ئاز ئالىدۇ.ھەقىقەتەن رەھىمسىز رىئاللىق ئىكەن. تۇرمۇشتا مۇنداق ئىشلار ساماندەك.

زەپەر

كەۋسەر ئەپەندىم ياخشى تىما يوللاپسىز . بىلىمى تۈۋەن بولغان كاتتا ئەمەلدارلار راستىنلا پۇلنى كوپ ئالىدۇ. جاپا تاتقان بىلىملىك كىشىلەر  ئاز ئالىدۇ . راستىنلا رەھىمسىز رىياللىقكەنغۇ بۇ . يازمىللىرىڭىز ئۈزۈلمىگەي