قاراقاش دەرياسى

كەۋسەر

قاراقاش دەرياسى

كەۋسەر

قارا قۇرۇم باغرىدىن كېلىسەن ئېقىپ ،
يوللىرىڭ تۈز ئەمەس داۋان مىسالى .
چايقىلار ئۈنچە-مارجان زۇمرەت تېشىڭمۇ ،
ياشنايدۇ شەربەت ئىچىپ يۇرتۇم گىياھى .

كۈلىسەن پەسلى يازنىڭ ھەر بىر كۈنىدە ،
شارقىراپ ھەيۋەت بىلەن ئۇچار بۇژغۇنلار .
دەردىگە بولۇپ دەرمان ئىشچان خەلقىمنىڭ ،
چېھرىدىن بالقىيدۇ ھەردەم خۇشال ئۇچقۇنلار .

تۆت يۈز چاقىرىم يولۇڭ ئۇزۇتار سېنى ،
ئۇلۇغئاتا ، كەھمارىمدا قالار ئىزىڭ .
دولقۇنۇڭغا سىڭىپ ھەمدە باغاشلايدۇ ،
قاراقاشلىق قەدىردانىڭ ئوغۇل-قىزىڭ .

بېتى قارا قاشتېشىنى تۇغۇپ ياتتىڭ ،
سەندە بايلىق خەزىنىسى تولۇپ تۇرغان .
يېشىل بوستان ياشنىدى گۈل-چېچەكلەرمۇ ،
سانسىز تۈمەن يېتىملەرگە گويا قورغان .

شۆھرىتىڭگە چېلىپ سازنى قاراقاشىم ،
توقۇپ نەزمە ئېيتىپ ناخشا دوسىت-ئاداشىم .
قۇۋۋىتىڭدە يازدى مەشرەپ- داستان شائىر .
بويلۇرۇڭدا جىلۋە قىلۇر قەلەمقاشىم .


تەرىپىڭنى قانچە قىلسام ھەرگىز پۈتمەس ،
سەنسىز قۇملۇق باياۋاندا گىياھ ئۈنمەس .
شۇڭا دەيمەن قاراقاشىم جان ماكانىم ،
سەندىن باشقا پاناگاھتا كۈنۈم ئۆتمەس .



كەۋسەر يازمىسى

مەرىپەت

ياخشى يېزىپسىز، قوللىرىڭىزغا دەرت كەلمىسۇن...

زەپەر

   دوسلار بايقاش مۇنبىرىگە يەنە  شائىردىن بىرسى يىتىشىپ چىقىپتۇدە .كەۋسەر ئەپەندىم سىز ئۈزىڭىزنىڭ ئىجادىي شىئېرلىرىڭىز  ئارقىلىق ئانا يۇرتىڭىز بولغان قارقاش دەرياسىنى ئىنىق تەسۈرلەپ ياخشى بولغان شىئېرنى يازغانلىقىڭىزنى قىزغىن تەبىرىكلەيمەن.  رەخمەت سىزگە . ئجادىي يازمىللىرىڭىز ئۈزلۈپ قالمىغاي . ئەتىكى ئۇرۇن يەنىلا سىزنى ساقلاۋاتىدۇ .

ئالىم

رەھمەت قېرىندىشىم! بىزنىڭ بۇ ئانا دەريانى ھەرقانچە مەدھىيلىسەكمۇ ئازلىق قىلىدۇ!ئىجادىيتىڭىزگە ئۇتۇق تىلەيمەن!

maxal348

رەخمەت دوستۇم ،مەن ئانا دەريادا يەنە بىر قېتىم  ئوزگەندەك بولدۇم ،قوللىرىڭىزغا دەرىت بەرنىسۇن ،ئىجادىيىتىڭىزگە ئۇيۇق تىلەيمەن .

كەۋسەر

قوللىغىنىڭلارغا ، ئىلھام بەرگىنىڭلارغا رەھمەت.

سىرداش

،رەخمەت    ئانا  دەريانى  ياخشى   تەرىپلەپسىز

باتۇق

قەلىمىڭىزگە بەرىكەت  تىلەيمەن.رەھمەت.