مۇنبەردىكىلەرگە سالامنامە
ئەسسالامۇئەلەيكۇم مۇنبەردىكى تورداشلار،
ئىلھام ئىزدەپ سېلىگە شېئىر يازدىم بىر پارچە.
ۋاقىت بارمۇ بىلمىدىم جاۋابىنى يېزىشقا،
قانغا تولغان يۈرىكىم كۈتۈشلەردە ئۆلگۈچە.
مۇشۇ تۇرقۇم قاق سەنەم تۆت تەڭگىمۇ تاپمىدىم،
سۆز ئاچقۇم يوق پەقەتلا زامانىۋى تۇرمۇشتىن.
بىراۋ سۆيسە نە كارىم مەن قورقتۇم دوستلىرىم،
چىن سۆيمىگەن قىز بىلەن مەڭگۈ بىرگە ئۆتۈشتىن.
بۇ ھاياتتا ئەركەككە كۆپكەن سىناق مۇشكۈلات،
سۆيمىگەنگە مەجبۇرى كۆڭۈل بەرمەك نە ھاجەت.
سۆيگۈم ئىدى مۇقەددەس بىلمەي ئۇنى بىر جانان،
بىتاپ قىلدى روھىمنى دەرت ئۈستىگە قوشۇپ دەرت.
سىزنى دىلدىن سېغىنىپ سالام يازدىم تورداشلار،
يالغۇز باشقا دەرت كېلىپ مېنى بىتاب ئەتكەندە.
كىملەر مېنى ئەسلەيدۇ خىيال ئارا مۇڭلىنىپ،
تەنھا تۇيغۇ زەخمىكى دىلنى يېنىك چەككەندە.
ھەسرەت چېكىپ مەن تېخى مەي ئىچمىدىم ئايدىڭدا،
ئىچسەم دەيمەن مۇنبەرداش دوستلار بىلەن بىر قېتىم.
ئارامى يوق كۆڭلۈمنىڭ قالدىم ھەسرەت ئىچىدە،
چۈشەنگەيمۇ قەلبىمنى مۇنبەردىكى دوستلىرىم.
سۆيگۈ ئولۇغ دەيدىكەن سۆيگۈ ئىزدەپ يۈرگەنلەر،
شۇ سۆيگۈنىڭ ئولۇغى، مۇقەددىسى قەيەردە؟
مەن سۆيسەممۇ ۋە لېكىن سۆيەلمىدى ئۇ جانان،
تارتىۋالغان مەيلىنى كىملەر قاچان قەيەردە؟!
سوئاللارغا جاۋاب يوق ئىزدەپ يۈردۈم كۈنۇ - تۈن،
تەبىر بېرىڭ جان دوستلار سۆيگۈ قانداق مۇقەددەس؟
سۆيگۈ ياكى ئەزەلدىن شۇنداق ساختا تۇيغۇمۇ،
دىلدا يانغان ئۆتكۈنچى ئادەم ئالدار بىر ھەۋەس!؟
ـــــــــــــ مەنبە: شەيدائىي ئىجادىيەتلىرىدىن بۇ يازمىنى ئاخىرىدا shaidayi تەھرىرلىگەن. ۋاقتى 2012-8-3 21:37
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-3 21:37:08
يوللىغان ۋاقتى 2012-8-4 10:05:09
