دوستلارغا سۆز

كەۋسەر

دوستلارغا سۆز

ئابدۇقادىر جالالىدىن

شۇنچە يىل مىسرالارنى يېزىپ باقتىم،
بىر سۆز بار تېخى ئۇنى يازالمىدىم.
قانچىلاپ لۇغەتلەرنى قېزىپ باقتىم،
لاھىيە، بىر تەۋسىپنى تاپالمىدىم.

تەۋەككۈل قىلىپ شۇنچە ئېزىپ باقتىم،
بىتەلەي بولۇپ چىقتى ئازغۇنلىقىم.
دوست ئىزدەپ سورۇنلارغا بېرىپ باقتىم،
بىلىندى ئادىمىيلىك يالغۇزلىقىم.

ھېچكىمنىڭ خىيالىغا كەلمەيدۇ ئاي،
ئاۋات بىر ئاستانىنىڭ ئاسمىنىدا.
پەسىللەر كېلىپ كەتسە قالدىم تۇيماي،
دەرەخلەر رەستىلەردىن قاچقىنىدا.

چاچلىرىم قىرو بولدى ئوقىيالماي،
قولۇمغا ئېلىپ يوچۇن ئېلكغەبەنى.
ھەسەلنى ھەجىلەپلا يۈردۈم تىنماي،
تىلىمدىن قېچىپ كەتتى ھەسەل تەمى.

ئانا يەر غازاڭلارغا دېدى نىمە،
شاخلاردىن كۆزى قىيماي تۆكۈلگەندە.
شائىرنىڭ يۈرىكىدە قالار زىدە،
دىگەندەك دىمەي قەددى پۈكۈلگەندە...

يازغۇچىلار مۇنبىرى دىن ئېلىندى

ياشنار

ئابدۇقادىر جالالىدىننىڭ شىئىرلىرىغا مەن بەك ئامراق، ياقتۇرۇپ ئوقۇيمەن.

火山

مەنمۇ بۇ ئۇستازنىڭ نۇتۇقىنى ئاڭلىغاندىن بېرى ياقتۇرۇپ قالدىم ~بۇ ئۇستازنى

saba007

ھەقىقەتەنمۇ ئادەمنى ھاياجانغا سالىدىغان ياىشى شىئېرنى تاللاپسىز....ياخشى ئەسەرلەرنى تاللاش، بايقاشۋە ئۇنى ئوقۇش بىر ياىشى ئۇستازغا ئېرىشكەنلىك بىلەن باراۋەر.        سڭزگە كۆپ رەھمەت...