ئاپا! مېنى بىر ئېيىق يەۋاتىدۇ، مېنى چاپسان قۇتقۇزۇۋا

sargardan

جوڭشىن تورى 8-ئاينىڭ 18-كۈنى تېلىگراممىسى، «ئاپا، بىر ئېيىق مېنى يەۋاتىدۇ! ئاپا، بەك قىينىلىپ كېتىۋاتىمەن! ئاپا، مېنى قۇتقۇزىۋال!» سىبىرىيەلىك 19 ياشلىق قىز ئۆگەي دادىسى بىلەن دەريا بويىغا باشقىلار تاشلاپ كەتكەن قارماق دەستىلىرىنى تېرىش ئۈچۈن بارغان، بىراق ئويلىمىغان يەردىن ياۋا ئېيىققا ئۇچراپ قالغان، ئۆگەي دادىسىنى ئېيىق ناھايىتى تېزلا چىشلەپ ئۆلتۈرىۋەتكەن، قىزمۇ ئۇزۇنغا قالماي بىر دانە قارا ئانا ئېيىق ۋە ئۈچ دانە بالا ئېيىق تەرىپىدىن يەۋىتىلگەن.

ئېيىق قىزغا ھۇجۇم قىلىش جەريانىدا، ئولگا موسكاليوۋا ئىسىملىق بۇ قىز، بىر سائەت ئىچىدە ئۈچ قېتىم ئاپىسىغا تېلىفون بەرگەن، ئەڭ دەسلەپكى ئاغرىق ئازابى ئىچىدە ياردەم تىلەشتىن، ئاپىسى بىلەن ۋىدالىشىشقىچە بولغان ئارىلىقتىكى ئاۋازلارنى ئاپىسى ئاڭلاپ تۇرغان. «ھەركۈنلۈك پوچتا گېزىتى» نىڭ خەۋەر قىلىشىچە، تېلىفوندا قىزىنىڭ ئاۋازىنى ئاڭلىغاندىن كېيىن، ئاپىسى دەسلىۋىدە قىزىنى چاقچاق قىلىۋاتىدۇ دەپ ئىشەنمىگەن. ئەمما، قىزىنىڭ ئاۋازىدىكى قورقۇنچ ۋە ئازاپنى سەزگەن ھەم كەينىدىن قوشۇلغان ئېيىقنىڭ ھۆكىرىگەن ۋە بىر نەرسە چاينىغان ئاۋازىنى ئاڭلىغان ئانا ئاندىن ئىشنىڭ نەقەدەر ئېغىرلىقىنى ھېس قىلغان.

ئانا شۇ ھامان يولدىشىغا تېلىفون قىلغان، ئەمما تېلىفوننى ئالىدىغان ئادەم چىقمىغان، يولدىشىنىڭ ئاللىقاچان ئېيىق تەرىپىدىن يەۋىتىلگەن، ھەتتا باش سۆڭەكلىرىمۇ قالمىغانلىقىنى ئۇ ئويلاپمۇ باقمىغان ئىدى؛ ئىشنىڭ ھەقىقەتەن ئېغىرلىقىنى ھېس قىلغان ئانا دەرھال ساقچىغا مەلۇم قىلغان ھەمدە يېقىنلىرىنى نەقمەيدانغا بېرىشقا چاقىرغان.


بۇ چاغدا قىزىدىن تېلىفون كەلگەن، ئۇ ئاجىز ئاۋازدا، «ئاپا، ئۇ ئېيىق قايتىپ كەلدى، يەنە ئۈچ دانە بالىسىنىمۇ ئەگەشتۈرۈپ كەپتۇ، ئۇلار ھازىر مېنى يەۋاتىدۇ» دېگەن. تەخمىنەن بىر سائەتلەردىن كېيىن قىز يەنە تېلىفون ئۇرغان ۋە ئاپىسىغا، «ئاپا، مەن ئەمدى ئاغرىقنى ھېس قىلالمىدىم، مېنى كەچۈرگىن، سېنى سۆيىمەن ئاپا!» دېيىشىگىلا تېلىفون ئۈزۈلۈپ كەتكەن. كېيىن ئاتا-بالا ئىككىيلەننىڭ جەسىدى تېپىلغان، شۇ يەرلىك مۇناسىۋەتلىك ئورۇنلار ئالتە نەپەر ئوۋچى تەكلىپ قىلىپ، بۇ ۋەھشى 4 ئېيىقنى ئۆلتۈرىۋەتكەن
مەنبە: نۇر تورى

admin

ياۋايى ھايۋانلارغا يېقىنلىشىش خەتەرلىك جۇمۇ! بەك ئېچىنىشلىق ئىش بوپتۇ. بەك ئىچىم ئاغرىدى...

پەرىشتە

بەك ئېچىنىشلىق ئىش بوپتۇ.