مۇھەببەت دىگەن نىمە؟

ھالال

                                                     مۇھەببەت دىگەن نىمە؟
                                                

1.مۇھەببەت_ ئۇ  كونا ئاتالغۇ،لىكىن ھەربىر يۈرەك ئۇنى يىڭىلاپ تۇرىدۇ،ئۇ قېرىمايدۇ،ئۆلمەيدۇ،باي-نامرات،پادىشاھ-قۇل،چوڭ-كىچىك دېمەيدۇ،ھەرقانداق بىر قەلىبكە ئۆز خاسلىقى ۋە مۇقەددەسلىكى ھەم جۇلالىنىپ تۇرغان پاكلىقى بىلەن كىرىپ كىلىدۇ. ئۇ پەقەت ئۆز  قەدىر- قىممىتىنى تونۇپ يەتكەن غۇبارسىز يۈرەكلەردە قىممىتىنى تاپىدۇ،شۇنداقلا توي قىلمىغان قىز-يىگىتلەر  ئوتتۇرسىدىلا ۋايىغا يىتىدۇ. يەنە شۇنىڭغا تەڭداش،ئادەملەرنىڭ ھەرىكىتىنى كونترول قىلىپ،پاكىز ،داغدام يولغا باشلايدىغان ئەخلاق دەيدىغان بىر نەرسە بار،شۇ نەرسە مۇھەببەتنىڭ پاك پېتى ۋايىغا يېتىشى ئۈچۈن خىزمەت قىلىدۇ،ئۇمۇ ئادەملەرنىڭ قەلبىدە بولىدۇ. ئەگەر ئۇ نەرسە قەلىبكە مۇھەببەت كىرىپ قالسا،مۇھەببەت خاسلىقىنى يوقۇتۇپ،ھەقىقى مەنىسى بىلەن تەرەققىي قىلالماي، باشقىچە بىر خىل ھەۋەسنىڭ قۇربانى بولۇپ قالىدۇ. شۇڭا، مۇھەببەتنى ئەخلاق مىزانى بىلەن ئۆلچەپ،ئەخلاق ئىچىدە تەرەققىي قىلدۇرغاندا،ئۇ مەڭگۈ جۇلالىنىپ تۇرىدۇ. ئەخلاقنىڭ تەسەررۇپىدىن مۇستەسنا مۇھەببەتنى مۇھەببەت دىمەيمىز، شۇڭا ھەرقانداق ئادەم ئۆزىنى بىلەلىشى،كۆڭۈلنىڭ كەينىگە كىرىپ مۇھەببەتكە داغ كەلتۈرمەسلىكى كېرەك..........
2.مۇھەببەت دىگەن يەنىلا مۇھەببەت،ئۇنى قۇش قىلىپ قەپەزگە سولىۋالغىلى،ئوتتا كۆيدۈرۈپ كەلكۈندە ئاققۇزىۋەتكىلى، چوڭقۇر يەر قاتلىمىغا كۆمۈۋەتكىلى ياكى بىر پىچاق بىلەنلا بوغۇزلىۋەتكىلى بولمايدۇ.ئۇ  پۇل،مەرتىۋە،ئەمەل،نام-شۆھرەتكە بېقىنمايدىغان ئەركىن نەرسە،ئۇنىڭ ئۈچۈن لازىمى پەقەت ئۆزىنى قەدىرلەيدىغانلار.  ئۇ تەڭسىزلىك،زوراۋانلىق ۋە ئەركىسىزلىككە ئۆچ،  مۇھەببەت يەككە يىگانە ھالدا  بىر جۈپ قىز-يىگىت ئوتتۇرسىدىكى ياخشى كۆرۈش بولۇپلا  قالماستىن،بەلكى يەنە ئەركىنلىكنىڭ،ياخشىلىقنىڭ، گۈزەللىكنىڭ ۋە ئادالەتنىڭ سىمۋولى.
مۇھەببەت ئاللاھنىڭ زۇننارىدىن ئېقىپ چۈشكەن ئەركىنلىك چەمبىرىكىدۇر. دۇنيادىكى بارلىق كۈچلەر ئىچىدە پەقەت
مۇھەببەت كۈچىلا ئەڭ چەكلىمىسىز ۋە  توسالغۇسىز كۈچتۇر. مۇھەببەت پەقەت ئەركىن ھالەتتىلا مەغرۇر چىناردەك بۈك-باراقسان بولۇپ شاخلىيالايدۇ. ئۇ تۇرمۇشنىڭ سىرلىق قاتلاملىرىدىكى گۈزەللىك بىلەن ئالىيجاناپلىق،ئىدراك بىلەن ئاق كۆڭۈللۈكنىڭ نامايەندىسى..........

ئامان

مۇھەببەتكە ناھايىتى ئوبدان تەبىرلەرنى بېرىپسىز بۇرادەر.
مۇھەببەت- ئۇ كۈچ-قۇدرەت، ئۇ كىشىگە غەيرەت-شىجائەت، كۈچ-قۇدرەت ئاتا قىلىدۇ.
مۇھەببەت- ئۇ ئىشەنچ-ئۈمۈت، ئۇ كىشىلەرگە ئارزۇ-غايە، ئىشەنچ-ئۈمۈت ئاتا قىلىدۇ.
مۇھەببەت- ئۇ ئەركىن ھىسسىيات، ئۇ ھەرقانداق تۇسالغۇلار، تۈمۈر قەپەز، زەنجىر-كىشەنلەر ئارىسىدىن يۇلقىنىپ چىقالايدۇ.
مۇھەببەت- ئۇ بىباھا گۆھەر، ئۇنى مال-دۇنيا، ئالتۇن-كۈمۈشلەرگە سېتىۋالغىلى بولمايدۇ.
رەخمەت سىزگە، مۇشۇنداق ئېسىل يازمىلىرىڭىز ئۈزۈلۈپ قالمىغاي!

umid0998

توغرا ئىيتىسىز، مۇھەببەت-پەقەت مۇھەببەتلىك قەلىبلەردىلا ئورۇن ئالىدۇ.ئۇنىڭ ئۇچۇن چىگرا-پاسىل، توسۇقلار مەۋجۇت ئەمەس،
ياخشى تىمىكەن، رەھمەت سىزگە.

دىلكەش

مۇھەببەت مەڭگۈ تۈگىمەس ناخشا .بەك ياخشى تىما يوللاپسىز .

زەپەر

مەن مۇنداك ئويلايمەن  مۇھاببەت  دىگىنىمىز -ئىككى ياشنىڭ  ئىچىكى قەلبىدىن  بىرلا ۋاقىتتا تۇلۇق ئۇرغۇپ  چىققان  بىر خىل ھادىسى . يەنە بىرى  دوسلۇق ئۈستىگە قۇرۇلغان دەپ ئىككى خىل تەلىمى باردەپ قارايمەن. مۇھاببەت پەقەت ئادەمنىڭ قەلبىدىلا  مۇھىم ئۇرۇن ئالىدۇ. دۇنيادا مۇھاببەتسىز ئادەم بولمايدۇ. سىزمۇ ياخشى بولغان تەتبىرنى بىرىپسىز  رەخمەت سىزگە.

زەپەر

مەن بۇ تىيمىنى ئۇقۇپ مۇنۇ ئىككى خىل  مەنە بۇيىچە شېئىرنى يازغۇم كەلدى


ئەسلىگىن ئەي دوستۇم ئۇنتىما ھەرگىز ،
بىز تۇنۇشقان ۋاقىتتىكى گۈزەل ياشلىقنى .
ئۇنتۇما ھەرگىز گۈزەل ياشلىقنىڭ ،
يۈرەكتە قالدۇرغان ئۆچمەس ئىزىنى

بۇلبۇللار سايرىشامدۇ  گۈللەر بولمىسا ،
قىز يىگىتلەر ئىزدىشەمدۇ مەيلى بولمىسا .
ھېچ بىر ئىنسان ناخشا ئىتماس دەردى بولمىسا،
مۇھاببەت ئۇتى يۈرەكلەرنى پارە قىلمىسا .

火山

ياخشى تېما يوللاپسىز !بۇنى ئۇقۇغاندىن كېيىن مەن مۇھەببەت توغرىسدا باشقىچە يېڭى چۈشەنچىگە ئىگە بولدۇم

مەرىپەت

مۇھەببەت مەڭگۈلۈك تېما...