ھىجران دەقىقىلىرى

كەۋسەر

ھىجران دەقىقىلىرى

مەن نېمىشقا مۇنچە بىئارام ،
غەمكىنلىكتە چېكىمەن ھەسرەت .
سەن ئۇيەردە شادىمان يۈرۈپ ،
ئۆز كۆڭلۈڭگە تاپىسەن لەززەت .

بۇ ھالىمنى بىلمەيسەن بەلكى ،
يۈرىكىمنىڭ ئاغرىقىنى ھەم .
ئىشقى ئوتۇڭ قىينىدى مېنى ،
ھىجرانىڭدا بولدۇم بىئارام .

ئىزھار قىلسام ساڭا قەلبىمنى ،
« چاقچاق قىلما » دەيسەن دائىما .
مۇھەببىتىم ساختا ئەمەستى ،
پەقەت تەتۈر تەقدىر ماڭىلا .

كۈنلەر ئۆتۈپ ئۇزارغانسېرى ،
ۋىسال ئىشقى كەتتى ئۇلغىيىپ .
كۈندە تەنھا ماڭغان يولۇڭغا ،
ئولتۇرىمەن كۆزۈمنى تىكىپ .

شۇ سەۋەبتىن سالامىم يازدىم ،
ئوتلۇق كۆزى قاراقلىرىغا .
تاتلىق ھېس-تۇيغۇغا چۆمدۈرگەن ،
ئىپار ھىدى پۇراقلىرىغا .

جاۋابىڭنى كۈتىمەن نىگار ،
بەرگىن ئۇچۇر تاڭ ساباسىدىن .
تىنىقىمىز قالسۇن ئۇچرىشىپ ،
شوخ نەپەستە يۇرت ھاۋاسىدىن .

يالغۇزلۇققا بەرگىن خاتىمە ،
قارچۇقۇمدا سېنىڭ سۈرىتىڭ .
تۈن كېچىسى ئىسمىڭ يادلىسام ،
بۇزۇلغاندۇ بەلكى چۈشلىرىڭ .

تەلمۈرىمەن بوۋاقلار كەبى ،
غۇنچە بويۇڭ زىناقلىرىڭغا .
ھەر دۇئادا دەيمەن تەڭرىمگە ،
يەتكۈزسىكەن ئارمانلىرىمغا .


كەۋسەر يازمىسى

زىبالىق

شۇ سەۋەپتىن سالامىم يازدىم،
ئوتلۇق كۆزى قاراقلىرىغا.
تاتلىق ھىس-تۇيغۇغا چۇمدۇرگەن،
ئىپار ھىدى پۇراقلىرىغا.
ئاجايىپ مەنىلىك مىسرا ئىكەن بىريەرلىرىدە تىلىم پۇتلىشىۋاتقاندەك،.
(تاتلىق -تاتلىق ھىسقا چۇمدۇرگەن) دەپ باقتىم ،سىزچە قانداقراق؟ ئاتىكاچىلىق قىلغىنىمنى كەچۇرەرسىز ،

saba007

چىن ھىسيات ئۇرغۇپ تۇرار مىسرادىن،
بۇلاقلردىن سۇ ئىچىپتۇ بۇلاقلار.
مۇھەببەتلىك لىرىكىى تىڭلىشار،
‹‹كەۋسەر كۈيى كلدى ›› دەپ قۇلاقلار.

مۇھەببەت كۈيلىرى مەڭگۈ داۋام ئەتسۇن....

مەرىپەت

ياخشى يېزىپسىز، مۇرادىڭىزغا يېتىشىڭىزگە تىلەكداشمەن.

دىلكەش

بەك ياخشى يېزىپسىز ،داۋامىلق يېزىپ تۇرارسىز .

زەپەر

كەۋسەر ئەپەندىم سىز ئۈزىڭىزنىڭ يازمىللىرىنى ئايماستىن بايقاش مۇنبىردىكى بارلىق مائارىپ زىيارەتچىللىرىگە سۇنىۋاتىسز . بايقاش مۇنبىرىمىز سىزنىڭ بۇ ئەجىرڭىزنى بىلىپ تۇرىدۇ. بۇندەن كىيىنمۇ تېخىمۇ ياخشى بولغان ئىجادىي يازمىلارنى كوپلەپ يېزىپ   مۇنبىرىمىزنىڭ بۇندىن كىيىنكى تەرەققىياتىغا بىر كىشلىك ھەسسىنى قۇشۇسىڭىزنى ئۈمۈت قىلىمىز . رەخمەت سىزگە  يازمىللىرىڭىز  ئۈزلۈپ قالماسلىقىغا  ئىشەنچىمىز كامىل ھە .

ئامان

شېئىرنى شۇنداق ياخشى يازىدىكەنسىز، ھەربىر كۇپلىتتا ئۆزگىچە پىكىر، يېڭى مەنا. رەخمەت سىزگە، قەلىمىڭىز توختاپ قالمىغاي.

كەۋسەر

ياقتۇرغىنىڭلارغا كۆپ تەشەككۈر دوسىتلار ~

火山

بۇ شئېرنى بەك ياقتۇردۇم كۆپ رەھمەت سىزگە!:

ZAMRAN

ياخشى يېزىلغان شىېركەن قەلىمىڭىز توختاپ قالمىغاي!