قىزىمغا سۆز

كەۋسەر

قىزىمغا :

كەۋسەر

مۇڭغا ھەمراھ غېرىب كۈلبەمگە ،
كىرىپ كەلدىڭ سۆيۈملۈك قىزىم .
شۈكرى ئاللاھ مەرھەمىتىڭگە ،
ياشناپ تۇرار ئەمدى يىلتىزىم .

نەچچە يىللار ئۆتتى كۈتۈشتە ،
تەسەللىگە زورلاپ سۈكۈتتە .
ھەر كۈن پارلاپ چىقسا شەرقتىن ،
ئۈزۈلمىگەن شېرىن ئۈمىدتە .

بىلسەم ئەسلى بۇ ھاياتلىقنىڭ ،
چىن مەنىسى پەرزەنىتتە ئىكەن .
قارا تۇپراق ئالسا قوينىغا  ،
ئىزلىرىڭغا تېرىلار تىكەن .

قىزىم سېنىڭ كۈلۈشلىرىڭدىن ،
نېمىنىدۇر دېيىشلىرىڭدىن .
جان سۈيۈنەر ياشىرىپ ھەر ۋاق ،
شۇنچە تاتلىق قىلىقلىرىڭدىن .

بەلكى ئانام مېنى ئارزۇلاپ  ،
ئەركىلەتكەن خۇددى سېنىڭدەك .
ئانا ئەجرى تاغلارغا مىسال ،
پەرزەنتىگە يۆلەنچۈك-تىرەك .

قىزىم ساڭا تىلەيمەن ئىنساب ،
مېھرى-ۋاپا ، سەمىمىي ئەخلاق .
يۇقاتمىغىن غۇرۇر-ئىماننى ،
يوللىرىڭدا بولمىغاي توساق ...

مەنبە-ئۆزۈم

saba007

ئەسسلمۇ ئەلەيكۇم كەۋسەر ئەپەندىم، ياخشىمۇ سىز؟ پەرزەنتلەر ئائىلىنىڭ بەختى،جەمىيەت ۋە دۆلەتنىڭ كەلگۈسى ئىگىللىرى. ئۇلارسىز ھايات شاتلانماس، ئۈمۈتلەر،ئارزۇلار داۋان ئاشماس...   
سىز بۇتىمىنى ھەقىقى ھىسيات بىلەن يۇرۇتۇپ بېرىپسىز .يۈرەكلەرنى لەرزىگە سالدى، پەرزەنت ئىشقى يەنە تۇتاشتى.

ئىجات تۇلپارىڭىز مەڭگۈ ھرمىغاي......

كەۋسەر

قوللىغىنىڭلارغا كۆپتىن-كۆپ تەشەككۈر ئەزىزلەر .

ئامان

قىزىم ساڭا تىلەيمەن ئىنساب ،
مېھرى-ۋاپا ، سەمىمىي ئەخلاق .
يۇقاتمىغىن غۇرۇر-ئىماننى ،
يوللىرىڭدا بولمىغاي توساق ...

مانا بۇ بىر ئاتىنىڭ ئەۋلادىغا دىيىشكە ۋە تاپىلاشقا تېگىشلىك يۈرەك سۆزى. ھەم قىسقا، ھەم مېغىزلىق. بۇ سۆزگە ئاتىنىڭ ئۆز ئەۋلادىغا، مىللىتى ۋە خەلقىگە بولغان يۈكسەك دەرىجىدىكى مەسئۇلىيەتچانلىقى مۇجەسسەملەنگەن.
رەخمەت سىزگە، مۇشۇنداق ئەھمىيەتلىك، نادىر شېئىرلىرىڭىز ئۈزۈلۈپ قالمىغاي!