ئەقىللىق ئايال بولغىڭىز بارمۇ؟

tursun123

    ئاياللار ئېرىنىڭ داۋاملىق ئۆزىنى ۋاي دەپ تۇرۇشىنى،كۆيۈنىشىنى، ئېرىنىڭ نەزىرىدىكى پەرىشتە بولۇشنى ئارزۇ قىلىدۇ. ئۇنداختا قانداق ئاياللار ئېرىنىڭ كۆڭلىدىكى پەرىشتىلىك ئورنىنى ساخلاپ قالالايدۇ؟ تۆۋەندىكى قۇرلارغا قاراپ باقايلى:

   1.ئېرىنى باشقىلارغا سېلىشتۇرمايدىغان ئاياللار. چۈنكى ئەرلەر كۆپىنچە سۆيگەن ئادىمىنىڭ ئىلھاملاندۇرۇشىغا، قوللىشىغا مۇھتاج.
   2. دائىم ئېرىدىن ‹‹مېنى زادى ياخشى كۆرەمسىز-كۆرمەمسىز؟››دەپ سوراپ ، ئۇنى بىزار قىلمايدىغان ئاياللار. چۈنكى ئەرلەرنىڭ قارىشىدا ئۆزىنىڭ مۇھەببىتىگە ئىشەنچ قىلالمايدىغان ئاياللارلا كۈن بويى ئېرىدىن مۇشۇ سۇئاللارنى سورايدىكەن؛
   3.ئېرى ئىشتىن ھېرىپ-ئېچىپ كەلگەندە ئۇنى خۇش چىراي ئېچىپ كۈتىېالىدىغان ئاياللار. چۈنكى ھەرقانداق بىر ئەر  ھېرىپ كەلگەندە  خوتۇنىنىڭ تۈرۈلگەن قاپىقىنى، پۈرۈشتۈرگەن چىرايىنى كۆرۈشنى خالىمايدىكەن.
    4.باشقىلارنىڭ ئالدىدا ئېرىدىن گەپ تالاشمايدىغان ئاياللار. چۈنكى .ئەرلەر ئۆزىنىڭ ئابرويىنى ھەممىدىن ئۈستۈن قويىدىكەن.شۇڭا مەيلى ئۇ خوتۇنىنى قانچىكى سۆيسۇن، باشقىلارنىڭ ئالدىدا ئۆزىنى ھۆرمەتلىمىگەن  خوتۇنىغا ئۆچمەنلىك نەزىرى بىلەن قارايدىكەن.
   5.ئەرلەر باشقىلارنىڭ ئالدىدا ئۆزىنى ماختىغاندا ئۇنىڭ گېپىنى قوللاپ تەڭ ماختاپ بەرگەن ئاياللار.چۈنكى ئەرلەر كۆپىنچە مەغرۇر كېلىدىكەن، بۇنداق چاغدا ئايالى ئۇنى كەمسىتىدىغان گەپلەرنى قىلسا ، ئېرىنىڭ قەلبىدىكى ئوبرازىغا تەسىر يېتىدىكەن؛
   6.ئېرى باشقا قىزلارغا قارىغانلىقى ئۈچۈنلا ئۇنىڭ بىلەن قىدەللىشىدىغان ئاياللار ئېرىنىڭ قەلبىدە مەڭگۈ پەرىشتە بولالمايدىكەن.چۈنكى گۈزەللەرگە قاراش،ئۇلارغا ھەۋەس قىلىش ئەرلەرنىڭ پىسخىكىسىغا سىڭىپ كەتكەن بولۇپ، توسۇپمۇ توسىۋالالغىلى بولمايدىكەن.توسسا ئەكىس تەسىر پەيدا قىلىدىكەن.
   7.بەزى ئاياللار ئېرىنىڭ داۋاملىق يېنىدا يۈرۈشى ئۈچۈن قەستەن كىسەلچان، ئاجىز قىياپاتكە كىرىۋالىدۇ، بۇنداق بولغاندا ئەرلەر ئاسانلا ئايالىدىن بىزار بولۇپ قالىدىكەن.چۈنكى ئۇلار كىسەلچان ئايال بىلەن بىر ئۆمۈر بىللە ئۆتۈشنى خالىمايدىكەن.
    8.مۇلايىم ئاياللار مەڭگۈ ئېرىنى ئۆزىگە تارتىپ تۇرالايدىكەن. چۈنكى ئەرلەر ئاياللارنىڭ تاشقى قىياپىتى قوپال بولسىمۇ، لېكىن ئىچكى دۇنياسىنىڭ گۈزەل، مۇلايىم بولۇشىنى ئۈمۈت قىلىدىكەن.
    9.ئائىلىسىنى مەڭگۈ بىرىنچى ئورۇندا قويىدىغان ئاياللار؛
     10.ئېرىنىڭ ئاتا-ئانىسىنى ئۆزىنىڭ  ئاتا- ئانىسىدەك كۆرىدىغان ئاياللار.چۈنكى ئەرلەر ئامراق ئايالىنىڭ ئۇنىڭ ئاتا-ئانىسىنىمۇ ئۆزىنى ياخشى كۆرگەندەك ياخشى كۆرۈشىنى ئۈمىد قىلىدىكەن.
     يۇقۇرقىدەك قىلالىسىڭىز، ئاندىن ھەقىقى ئەقىللىق ئايال بولالايسىز ھەم ئېرىڭىزنىڭ نەزەرىدىكى پەرىشتە بولالايسىز،سىناپ كۆرۈڭ.

火山

ئاياللار ئۈچۈن ياخشى تېما يوللاپسىز !كۆپ رەھمەت سىزگە !

umid0998

بۇ تىمىنى بارلىق ئاياللار ئوقۇپ چىقسا دەپ ئويلايمەن.
ياخشى تىما يوللاپسىز بۇرادەر

زىبالىق

ئەمسە مەن ئۆزەمنى پەرىشتە دىسەم بولغۇدەك-تە.

ئامان

ياخشى تېما ئىكەن، بۇ تېمىغا ئەسلىدە ‹‹ئاياللارغا سۆز: ئەرلەرنىڭ خاراكتىرى›› دەپ ماۋزۇ قويۇلسا مۇۋاپىق بولاركەن. چۇنكى ھەر بىر جۈملىدە گەپ ئاياللارغا قارىتىلغاندەك تۇرسىمۇ، ئەمەلىيەتتە ھەربىر جۈملىدە ئەرلەرنىڭ ئۆزگىچە خاراكتىرى چىقىپ تۇرۇپتۇ ئەمەسمۇ؟!
رەخمەت سىزگە، مۇشۇنداق ئەھمىيەتلىك تېمىلىرىڭىز ئۈزۈلۈپ قالمىغاي.