ھايات ھەققىدە

كەۋسەر

ھايات ھەققىدە

كەۋسەر

سېخى قۇياش چاچسا ئىللىق نۇرىنى ،
ئاپئاق قارلار كۆز چاقنىتىپ يالتىرار .
ئاڭلانمايدۇ شوخ قۇشلارنىڭ نەزمىسى ،
غېرىب كۆڭلۈم يالغۇزلۇقتىن مۇڭلىنار .

چېپىپ كەلدى يېڭى يىلنىڭ تۇلپىرى ،
باشلىماقتا نا تونۇش بىر مەنزىلگە .
ئۆتمۈش بولدى ئاچچىق-تاتلىق ئەسلىمە ،
نۇرغۇن ئىشلار پىنھان بولدى قەلبىمدە .

قىستاپ مېنى ئەقىدەمنىڭ چۇقانى ،
دىلغا تەشۋىش ئازگاللىرى تاشلايدۇ .
ئۇخلاپ قالسام چۈشلىرىمدا ناگىھان ،
قاياققىدۇر زۇلمەتلەرگە باشلايدۇ ...

ئۆتۈپ كەتتى بىخۇتلۇقتا نەچچە يىل،
بېرەلمىدىم كەلگۈسۈمگە كاپالەت .
خىياللىرىم قەھرىماندەك چاپسىمۇ ،
يوقتۇر لېكىن مەندە ئۇنداق جاسارەت .

كەلمەيدىكەن كەتمەنلىنىپ كەتكەنلەر ،
بەلكىم گۆردە يەيدۇ مىڭلاپ پۇشايمان .
ئاھى تۇتۇپ سۇدەك ئۆتكەن ئۆمۈرنىڭ ،
كۆيۈپ تېنى ۋۇجۇدىدا يوق دەرمان ...

زەپەر

كەۋسەر ئەپەندىم يېقىندىن بىرى  ئىجادىي بولغان بەك ياخشى تىمىلارنى يوللاۋاتىسىز .  ھايات ناھايتىى قىممەتلىك   ھاياتنى قەدىرلەش ھەر بىر ئەقىلى ئىگىسىنىڭ باش تارتىپ بولمايدىغان مۇقەتدەس بۇرچى دەپ  قارايمەن ،

رەخمەت سىزگە يازمىللىرىڭىز ئۈزۈلمىگەي.

بۇغداي

ھايات بىرلا قېتىم كېلىدۇ.  چەكلىك ھاياتتىن ئۇنۇملۇك پايدىلنىشىمىز كىرەك.
مەزمۇنى بەك ياخشىكەن ،رەخمەت سەزگە!

گۇلزار

كەۋسەر ئەپەندى  ، تېمىلىرىڭىزنى  بەكمۇ ياقتۇردۇم رەھمەت سىزگە .
ئىسمى - جىسمىڭىزغا لايىق كەۋسەرلىرىڭىز بىلەن بىزگە ئېسىل شەربەتلەرنى  تەغدىم قىلغىنىڭىزغا كۆپ رەھمەت .
كەۋسەرلىرىڭىز ئۈزۈلۈپ قالمىغاي .

پەرىشتە

بەك ياخشى يېزىپسىز ،بىرنجى كۆپلىتى مىنىڭ كۆڭلۈمنى ئىپادلەپ بېرپتۇ ،مەنمۇ يازالغان بولسام چۇ كاشكى

saba007

ھايات  مەن ئۈچۈن ھەممىدىن قىممەت،
ھايتتىنمۇ قىممەت مۇۇھەببەت...............
نى ئەسلەتتى.
رەھمەت سىزگە.

ئامان

يارايسىز بۇرادەر:
تىلى، يۇمشاق، ئوي-پىكىر ئىزچىللىققا ئىگە، مەزمۇنى چوڭقۇر، شۇنداق ياخشى يېزىپسىز.
مۇشۇنداق لىرىكىلىرىڭىز ئۈزۈلۈپ قالمىغاي!

umid0998

كەۋسەر ئەپەندىم، شىئىرلىرىڭىز ياخشى يىزىلىپتۇ، مۇشۇنداق شىئىرلارنى داۋاملىق يوللاپ تۇرغايسىز.رەھمەت سىزگە